John 16:32 - Sei di Uka Ago Ruaka di Buka Bedakai

³² Ari bi baedo ma sena baeyo, ya yokoi yokoi bi yi rautu rauturi rerevaida nisi na feregedi. Idu na bi naike maka de, adina Baba bi nasa mini.

John 16:32 ပူးပေါင်းရင်းမြစ်များ

Matthew 26:31

Mina usi Iesu yaku ina vene rofu niyo, “Gua mina urusari, na dada ya tau vakoi na feresi ori digedi, adina bi bura reyo, ‘Mamoe dogo redo amiye umuyegida ma mamoe tau bi rerevaida nigedi.’

Matthew 26:56

Idu mina beika tau bi vata niyadi, ye beika Sei di ago niyadi vene yaku bura reyadi bi bae rama aeyainedi.” Mina usi ini usi dina vene tau vakoi bi feresi ori diyadi.

Mark 14:27

Ma Iesu ina vene rofu niyo, “Tau vakoi bi feresi ori digedi, adina bi bura reyo, ‘Mamoe dogo redo amiye umuyegida, ma mamoe bi rerevaida nigedi.’

Mark 14:50

Ye amiye tau vakoi bi feresi ori diyadi.

John 12:23

Ye nikabai reyo, “Amiye di mida di roka moi odoro rigo di meda bi okiyo mini.

John 16:2

Usa usa yava etofaro ya umeki regedi. Ye meda baego, ye kaere ya umuyego bi mokego ina bi Sei rofu naivo redo.

John 16:25

“Mokena ago dudu mina ya rofu nigamaka. Idu ari baegori, dudusa mokena ago dudu ya rofu de nigida, idu ago rorobo dudu Baba fafau nigida.

John 16:31

Ma nikabai reyo, “Ya gua mokena vari gira aededi ba?

John 19:27

Resi ini usi dina amiye rofu niyo, “Yi nono mini!” Ma mina meda nemokori maka mina usi dina amiye yaku ini yavari afei boyo.

John 20:10

Ye ini usi dina vene bi ini rautu neinei dairisi diyadi.

John 4:21

Kamini Iesu yaku niyo, “Rema, na rofu mokena vari gira ae, ari baego ya vene yaku mina omunari de ma Jerusalem ri ka de Baba nivakegedi.

John 4:23

Idu ari baedo ma gua okiyo mini, ye nivakei mona rededi vene bi ini Vima di vava ma ago rama dudu Baba nivakebigedi; adina Baba yaku mina kana vene ina rofu nivakegi maina redo.

John 5:25

Rama iniye ya nida: meda nemoko baego; rama bi sena okiyo—muyena vene yaku Sei di mida di goroka neidegedi, ye kaere neidededi bi vegu nigedi.

John 5:28

Mina rofu tururu ga refa, adina ini meda nemoko baego, guri aeyadi muyena vene tau gade yaku ini goroka neidesi

John 8:16

Idu na yaku kota regida vonisi, nai kota rena bi rama, adina bi na naike maka de, idu nai Baba kaere na nifeideyo bi nasa kota regifa.

John 8:29

Ma kaere na nifeideyo amiye bi nasa mini; na ferei tavoi de reyo, adina beika ini uka moi ada redo, mina bi toga reida.”

Moimai di vegu 21:6

Kamini uniye uniye rofu kokora nisi ma una bi boutiri keu riyafa ma ina vene bi rautu dairiyadi.

Moimai di vegu 8:1

Ma Saul yaku Stephen umuyeyadi mina moi rama aeyo. Stephen umuyeyadi ariri gutuna bi Jerusalem ri amegamadi ekalesia vene rofu esika esika iniye magamadi. Ekalesia vene ori resi Judea ma Samaria gagani tauri rerevaida nisi diyadi. Nifeidena vene maka ori dina de reyadi.