John 16:27 - Sei di Uka Ago Ruaka di Buka Bedakai

²⁷ Baba ina kaya ya rofu uka mado dada, adina na rofu uka masi mokena vari gira aeyadi na bi Sei gutuna deyaka.

John 16:27 ပူးပေါင်းရင်းမြစ်များ

Matthew 10:37

“Kaere amiye ini nono o baba rofu uka tora masi na rofu uka keika mago bi nai usi dina vene egere de; ma kaere amiye ini rumana o rema mida rofu uka tora masi na rofu uka keika mago, ina bi nai usi dina egere de.

John 14:21

“Kaere nai ago gira moisi neidedo, mina amiye bi na rofu uka mado. Ma kaere na rofu uka mado amiye, bi nai Baba yaku uka mago, ma na ka uka masi ina rofu na kaya niokugida.”

John 14:23

Ma nikabai reyo, “Amiye yokoi na uka mado vonisi, bi nai ago neidego ma nai Baba yaku uka mago, ma ina rofu desi uni amena sana inasa rigifa.

John 16:30

Gua una diba ya bi beika tau gade diba nisi amiye yokoi yaku ya nikaitegika baku de reisa; mina resi ya bi Sei gutuna deyo, mina rofu mokena vari gira aesifa.”

John 17:23

Na ina venesa ma ya nasa, mina dada ina bae yokoi maka rei vau nigedi, ye mina kono vene yaku diba nigika ya yaku na nifeidesi ina vene uka maro, na uka maro kana.

John 2:11

Mina bi ini ouresi mokena vegu, Cana Galilee gaganiri reyo; mironari ini vabara moi ogau riyo ma ini usi dina vene ina rofu mokena vari gira aeyadi.

John 3:13

Ma amiye yokoi yaku omari de boyo, idu yokoi maka bi oma gutuna deyo; mina bi Amiye di mida maka.”

John 7:29

Na bi ina diba, adina ina gutuna deyaka ma na nifeideyo.”

John 8:42

Ma niyo, “Sei bi yi Baba vonisi, bi na rofu uka maragadu, adina na Sei rofu deyaka ma gua na mini. Naike nai vava dudu soka de reyaka, idu na nifeideyo.

Rome vene 8:3

Ini adina, ago gira beika anua regi regamo, roaita di ura yaku moi yau riyo dada, Sei yaku mina reyo. Ini Mida vegu no di roaita kana, ma vegu no rofu konori nifeidesi vegu no roaitari nifafana reyo.

1 Corinth vene 15:47

Ouresi amiye bi kono gutuna baeyo, budoka dudu riyo; gabi amiye bi oma gutuna deyo.

1 Corinth vene 16:22

Amiye yokoi yaku Varika amiye uka de mago vonisi—bi nikiraini reyaine! Marana tha —Varika amiye, bae!

2 Corinth vene 5:14

Ini adina Keriso di uka mana yaku una ourefeidedo, mina sena mokeyafa dada: amiye yokoi yaku amiye tau noibanu dada muyeyo, ye amiye tau noibanu muyeyadi.

Galatia vene 4:4

Idu ini meda rama okiyori, Sei yaku ini Mida nifeideyo, kaere bi rema di rivori vata niyo; mina rema bi ago gira gabireri amegamo.

Ephesus vene 6:24

Uni Varika amiye Iesu Keriso koina de nina uka mana dudu, ini uka madedi vene noibanusa bi buni tora gade ameyaine.

1 Timothy 1:15

Iesu Keriso bi vegu no rededi vene moi vegu rigika kono tora noibanuri deyo; mina ago rofu mokena vari gira aesi ni vau rei masifa bi rama, ma na bi vegu no iniye rena amiye, amiye idana de kana mini.

Hebrew vene 12:6

Adina Varika amiye yaku uka mado amiye rofu vegu moi rorobo risi ini moi dui reyo mida neinei toe mado.”

1 Peter 1:8

Gokai beika vena de reyadi, idu uka madedi ma gua vena de rededi, idu mokena vari gira ina rofu aededi. Ye ya bi ini roka moi odoro rina dudu, ada tora gade resi gokai sina ago nigi anua rededi,

1 John 4:19

Una uka masifa, adina ina siko una uka maro.

Niokuna sina 3:19

Ura reida amiye tau emasi (ini vegu moi rorobo risi) buburu vai reida; mina dada yeiva moisi vegu no feresi moi etagae ri.

Niokuna sina 3:9

Neide, Satani di usa usa yava vene, kaere bi ofa dudu Jew vene vo nidedi idu bi de, yi yukari moi digida, ini efuka meimisi ya rofu uka maraka diba nisi niyaganedi.