John 16:20 - Sei di Uka Ago Ruaka di Buka Bedakai

²⁰ Rama iniye ya nida: ya isaka nisi guruo regedi, idu kono tora noibanu di vene ada regedi; ya iriyeduka regedi, idu yi iriyeduka rena kero resi ada rena nigo.

John 16:20 ပူးပေါင်းရင်းမြစ်များ

Matthew 21:38

Idu muro nari rededi vene yaku mida vesi iniye iniye niyadi, ‘Mina bi muro biyaguna amiye nigo. Nesi umuyesi beika baika ini baba yaku ferego bi moinadi!’

Matthew 5:4

Isaka isaka nidedi vene bi ada regedi; ini adina ini iriyedukari moi ada rego!

Mark 14:72

Ma evade kokoro dudusa raka niyo. Kamini Peter bi beika vata nigo di ago Iesu yaku niyo mina mokeyo, “Kokoro uru remanu raka nina koderi, uru regode na nisui regiya.” Mina mokena yaku uyo ma isaka niyo.

Mark 16:10

Ina yaku bosi Iesu sa vakoi dina vene, kaere bi isaka nigasa guruo amegamadi, mina oteimaro.

Luke 22:45

Usa usa nigamo mina feresi dadisi ini usi dina vene rofu dairiyo. Varegamadiri, nesi baku reyo ma iriyeduka yaku no niyo.

Luke 22:62

Ye etofaro yakusi isaka no iniye iniye niyo.

Luke 23:27

Amiye tora gade ina usi boyadi. Mina amiye tau fogori bi rema vene be iriyeduka resi ina dada isaka nigamadi.

Luke 24:17

Kamini niyo, “Ya vene bi beika sina nigasa didedi?” Kamini ini ne uruma bi iriyeduka dudu are reyadi.

Luke 24:21

Idu uni uka mokena regamafa bi ina bi Israel vene erufugo amiye! Mina beika vata niyo bi meda regodenu koina niyo mini.

Luke 6:21

Gua, ya rauna rededi vene bi ada regedi; adina Sei yaku yi iruku ya mago mironi ma bi moi vata baegedi! Gua, ya isaka nidedi vene bi ada regedi; adina yoga nigedi mironi!

John 16:33

Mina ago ya rofu niyaka, ye na dudu uka amuta baku regedi dada. Konori esika esika iniye moigedi. Idu yi uka moi gira rifa; na yaku kono di vegu ebu reyaka dada!”

John 16:6

Idu iriyeduka yaku yi uka vata baeyo, mina ya rofu niyaka dada.

John 20:20

Mina ago ni vau resi bi ini vana ma aveta oteimaro, ye ada reyadi Varika amiye veyadi dada.

Moimai di vegu 5:41

Nifeidena vene kanisoro vene ferei yakugasa bi ada reyadi, adina bi Sei yaku ina vene rofu mokei buni resi moi odoro riyo Iesu di roka fafau maena moiyadi dada.

Rome vene 5:11

Ma mina maka de, idu uni Varika amiye Iesu Keriso dudu ka Sei rofu ada resifa, kaere ina dudu gua inasa uka yokoi maka niyafa.

2 Corinth vene 6:10

iriyeduka resifa kana, idu toga ada resifa; baku baku resifa vene kana, idu amiye tau moi gugura nufa rigamafa; beika yokoi nufa kana, idu una bi beika baika tau noibanu nufa.

Galatia vene 5:22

Idu Vima bi yomina moi ogau rido: uka mana, ada rena, uka amuta, toro rena, uka buni, buni iniye, mokena vari gira aena,

1 Thessalonica vene 1:6

Ya vene bi una ma Varika amiye yaku amesifa kana mina reyadi; gokai esika esika tora gade moiyadi, idu Vima kikifa yaku ada ya vene maro, ma ya yaku ago buni moi gira riyadi.

James 1:2

Nai usika ourena, ida bouna bouna dudu ebene regori, bi ada rena dudu maka mokefo,

Jude 1:24

Vabara ina rofu nigo, kaere yaku keto renari ya moi are rego ma ada tora gade dudu, ini vabara iniye di budari, goina bi yi no yokoi de minari ya aego.

Niokuna sina 11:10

Kono amededi vene ada resi pati resi gugura buni buni iniye iniye nifeidegedi, mina Sei di ago nidedi amiye remanu kono amededi vene esika esika maradi dada.

Niokuna sina 18:7

Iniye ni-ika regasa gugura tau gade gade nufa ma koa rena vegu amegamo kana, ye makai kana esika esika ma toe mafa. Adina ini uka mekori inaike nido: ‘Na bi kuini kana ameida mini! Na bi diya rema obu, ma guruo toga toga de regida!’