John 14:6 - Sei di Uka Ago Ruaka di Buka Bedakai

⁶ Ma nikabai reyo, “Na bi ida, ma ago rama, ma vegu. Amiye yokoi nai Baba rofu de bogo, idu na dudu maka.

John 14:6 ပူးပေါင်းရင်းမြစ်များ

Matthew 11:27

“Nai Baba yaku beika baika tau na nimaro. Ma amiye yokoi ina toto ini Mida, idu nai Baba maka ina diba. Ma amiye yokoi ka ini Baba toto, ini Mida maka ina diba ma ini Mida yaku ka Sei bi kaere moi ogau rigi ura redo amiye rofu bi rama iniye vegedi.

John 1:14

Ma mina Ago bi amiye iniye nisi uni fogori amegamo. Ini vabara bi veyafa; mina vabara bi Baba rofu ini Mida yokoi maka fafau deyo kana, ma ini Baba bi buni tora gade ma rama iniye yaku vata baeyo.

John 1:17

Sei yaku ini ago gira bi Moses dudu maro; idu buni tora gade ma rama bi Iesu Keriso dudu deyo.

John 1:4

Mina ago ideri bi vegu; ye mina vegu bi amiye di vabara.

John 10:28

Toga toga ameibobina vegu maida ma toga de muyegedi, ye yokoi yaku nai vana gutuna de moi yakugo.

John 10:7

Mina dada Iesu dudusa niyo, “Rama iniye ya nida: na bi mamoe di ida vena.

John 10:9

Na bi ida vena. Amiye na rofu baego vonisi, bi moi vegu rigida ma bae dui resi yakusi oruma iri-iri sana baku rego.

John 14:19

Doba de kono tora noibanu di vene yaku dudusa na vena de regedi, idu ya yaku bi na vegedi. Adina na vegu ameida kana, ya ka vegu ameibobigedi.

John 15:1

“Na bi waini meko di yabo rama ma nai Baba bi muro amiye.

John 18:37

Mina dada Pilate yaku nikaiteyo, “Makai bi, ya bi kini ba?” Ma nikabai reyo, “Ya nisa na bi kini. Na vata nisi mina konori okiyaka bi mina rofu, ago rama rofu niogau regika dada. Kaere bi ago rama di, bi nai ago neidego.”

John 5:21

Baba yaku muyena edadisi ini vegu mado kana, Mida ka ini ura dudu kaere vegu mago vo nido bi mado.

John 6:33

Adina Sei di beredi bi kaere omari gutuna desi kono tora noibanu vene vegu mado.”

John 6:51

Na bi mina omari gutuna deyo vegu amedo beredi. Amiye yokoi yaku mina beredi irigo vonisi, bi toga toga ameibobigo. Ma kono tora noibanu di vene di vegu rofu magida beredi bi nai roaita.”

John 6:57

Vegu amedo Baba yaku na nifeideyo kana, ma ina dada vegu ameida, ye kaere na irigo amiye ka na dada vegu amego.

John 6:68

Simon Peter yaku nikabai reyo, “Varika amiye e, una bi kaere rofu digifa? Toga toga ameibobina vegu di ago bi yasa amedo.

John 8:32

ago rama diba nigedi ma ago rama yaku ya erufugo.”

John 8:51

Rama iniye ya nida: amiye yokoi nai ago neidesi anema yora nigo vonisi, bi toga de muyego.”

Moimai di vegu 3:15

Mina dada ya vene yaku Vegu ourefeidena amiye umuyeyadi. Idu Sei yaku muyena sanari gutuna moi dadiyo—una mina bi veyafa ma una diba.

Moimai di vegu 4:12

Moi vegu rina bi Iesu rofu maka baku regifa; adina bi Sei yaku kono tora noibanuri roka yokoi una moi vegu rigika de maro.”

Moimai di vegu 9:2

usa niyo, usa usa yava rofu reyadi fefa maraganedi ma bi Damascus taoniri di Varika amiye di Vegu dudu dibo rededi rema rumana vene be maina rego. Veitao regasa moisi Jerusalem ri afei dairisi dibura yavari aegika baego.

Rome vene 15:16

Iesu Keriso di naivo amiye na riyo. Ye makai Sei di ago buniri, Sei ma amiye utari naivo redo amiye di moimai tutubena idana vene rofu moimai regida; ye Sei yaku tutubena idana vene di ori sisika rededi nimago, Vima kikifa dudu moi kikifa regori.

Rome vene 5:2

Una ka ina dudu uni mokena vari gira aena dudu, Sei di buni tora gade di sanari gua are resifa mini, resi gua Sei di vabara nufa amegifa rofu, uka mokena dudu ada regifa!

Rome vene 5:21

Ye makai vegu no rena yaku muyena dudu ourefeideyori, bi Sei di buni tora gade ka mokena rorobo dudu, una ourefeidesi toga toga ameibobina vegu Iesu Keriso uni Varika amiye dudu afei boyaine.

1 Corinth vene 15:45

Ye yomakai bura reyo, “Mina ouresi amiye, Adam, bi vegu amedo amiye niyo”; ma gabi koukou baeyo amiye, ka Adam kana raka niyadi, bi vegu mana vima.

Ephesus vene 2:18

Adina una tau vakoi Vima yokoi maka dudu Baba rofu atafu degifa.

Colossae vene 2:17

Mina bi beika bi baegedi di vima maka; idu beika baika rama bi Keriso di.

Colossae vene 2:9

Adina Keriso di roaita ideri, Sei di vegu noibanu vata baesi amedo.

Colossae vene 3:4

Keriso, kaere bi yi vegu amena rama, ogau nigori, bi ya ka inasa vabara nufa ogau nigedi!

Hebrew vene 7:25

Mina dada, ina dudu Sei rofu ekaira regedi vene moi vegu ri vau rego, ina vene rofu toga usa usa nigi rofu toga ameibobigo dada.

Hebrew vene 9:8

Mina ourena daiyutu are rego fuofuori, Vima kikifa yaku oteimaro mina sana kikifa di boi dui rena ida bi eke feidena kode.

1 Peter 1:21

Ina dudu mokena vari gira Sei rofu aededi, kaere bi muyenari gutuna moi dadi rae resi vabara maro, ye yi mokena vari gira aena ma yi uka mokena bi Sei fafau aededi mini.

1 Peter 2:4

Varika amiye rofu baefa, vegu amedo fore amiye yaku etofa reyadi, idu Sei yaku auba reyo, adina bi ini nemokori buni vayavaya.

1 Peter 3:18

Adina Keriso mokena rorobo de amiye ka uru yokoi maka vegu no fafau, mokena vari gira de aededi vene rofu esika moiyo, ye makai Sei rofu ya moi bogo di; ina bi roaita iniye dudu emuyeyadi, idu vima iniye dudu moi vegu riyo.

1 John 1:8

Una yaku nisifa bi vegu no de vonisi, bi uniye eru resifa, ma ago rama bi unasa de.

1 John 2:23

Kaere amiye yaku Mida etofa redo bi Babasa de amedo, ma kaere amiye yaku Mida niogau redo, bi Babasa ka amedo.

1 John 5:20

Una una diba Sei di Mida bi dego ma vei mama rena, mina una maro, ye una diba amiye kaere bi rama iniye. Uni vegu bi mina amiye rama iniyesa amesifa—mina bi ini Mida Iesu Keriso sa. Ina bi Sei rama iniye, ma toga toga ameibobina vegu.

1 John 5:6

Iesu Keriso bi kaere koru ma davasa deyo. Ina bi korusa maka de deyo, idu gogo koru ma davasa. Ma Vima iniye yaku niokudo mina bi rama, Vima bi sina rama dada.

2 John 1:9

Kaere amiye Keriso di beika oteimaro moi gira de rigo, idu fafa resi bogo, bi Sei inasa de. Kaere amiye Keriso di beika oteimaro mina moi gira rigo, bi Baba ma ini Mida bi inasa amego.

Niokuna sina 1:5

Ka bi Iesu Keriso rofu, kaere bi vegu rama rena amiye, ago niokuna amiye siko muyena gutuna dadi rae resi kono tora noibanu vene di kini di ourefeidena amiye. Ina yaku una uka mado ma ini dava dudu uni vegu no erufusi

Niokuna sina 19:11

Mina usi oma ekeyo ma veyaka, ye minari bi hosi feyo. Ini keu riyo amiye ini roka bi Vegu rama rena ma Rama. Mokena rorobo dudu kota resi iya redo.

Niokuna sina 20:15

Ye amiye yokoi ini roka mina vegu amena bukari de bura resi baku de reyo vonisi, bi ita moka tora vaido sanari you makuyadi.

Niokuna sina 22:1

Mina usi Sei di naivo vima yaku vegu amena di koru na oteimaro; bi neva dabu dabu garasi rama guta kana ma Sei ma Mamoe mida di ourefeidena amena fata gutuna iyana reyo.

Niokuna sina 22:17

Vima ma mego rema yomakai niyo, “Bae!” Ma neideyo amiye yomakai niyaine, “Bae!” Ma koru vaiyo amiye bi baeyaine; ma ura redo amiye davana yokoi de nufa vegu ameibobina di koru moiyainedi.

Niokuna sina 3:14

“Laodicea ekalesia vene di naivo naivo vima rofu bura re: “Mina bi Ago rama, vegu rama resi ninegau redo amiye rama ma Sei yaku beika baika tau gade riyo, di ourefeidena amiye di sina.

Niokuna sina 3:7

“Philadelphia ekalesia vene di naivo naivo vima rofu bura re: “Mina bi kikifa ma rama amiye, kaere bi David di ida vena ki nufa amiye, ekeyo ye amiye yokoi biri de rigo, ma biri riyo, ye yokoi eboka de rego, mina amiye di sina.