John 13:22 - Sei di Uka Ago Ruaka di Buka Bedakai

²² Ini usi dina vene iniye iniye veyadi, adina kaere rofu niyo bi de diba ni mona reyadi.

John 13:22 ပူးပေါင်းရင်းမြစ်များ

Matthew 26:21

Iruku irigamadiri, Iesu yaku niyo, “Rama ya nida, ya yokoi yaku na siri rego.”

Matthew 26:22

Ma iriyeduka tora resi yokoi yokoi nigi kora reyadi, “Varika amiye, rama na bi de ba?”

Mark 14:18

Amegasa iruku irigamadiri, Iesu yaku niyo, “Rama ya nida, ya yokoi yaku na siri rego—kaere nasa iri-iri redo.”

Mark 14:19

Iriyeduka regi kora resi yokoi yokoi niyadi, “Rama na bi de ba?”

Luke 22:21

“Idu na siri rego amiye di vana bi nasa mina teiborori!

Luke 22:23

Kamini iniye iniye nikaitegasa nigi kora reyadi, “Mina bi kaere uni fogori yaku mina vegu rego?”

John 13:18

“Na bi diya ya vene tau vakoi rofu nida; kaere na yaku auba reyaka bi na na diba. Idu mina bi Sei di agori bura reyo ma moi rama aego: ‘Kaere nasa beredi iriyafa amiye yaku kero resi na gutuna etagae riyo.’

John 13:21

Mina niyo usi, ini uka bi esika resi niokuyo, “Rama iniye ya nida: ya yokoi yaku na siri rego.”