John 13:13 - Sei di Uka Ago Ruaka di Buka Bedakai

¹³ Ya yaku na rofu roka nidedi Oteimana amiye ma Varika amiye; mina bi rama rededi, adina na bi mini.

John 13:13 ပူးပေါင်းရင်းမြစ်များ

Matthew 20:28

Amiye di mida deyo kana, diya amiye yaku naivo regedi, idu amiye di naivo regi ma ini vegu magi, amiye tau di vegu no reyadi voi regika.”

Luke 10:28

Kamini niyo, “Ya rama niyo mini makai regasa bi ameibobigiya.”

Luke 6:46

“Ya vene bi na rofu nidedi, ‘Varika amiye,’ idu beika resi na nida kana, bi de rededi?

Luke 7:43

Simon yaku niyo, “Nai mokena bi ina rofu fore nina yaku moi tora tora reyo.” Ma Iesu yaku niyo, “Ya bi rama nisa.”

John 11:2

(Mina Mary, kaere ini tobaini Lazarus bi gauka vareyo, bi Varika amiye fafau sisika buni diga rausi resi ini ada iye dudu ini yuka moi ugaro.)

John 11:28

Martha makai niyo, usi dairi nesi ini rasini Mary raka nisi sui dudu niyo, “Oteimana amiye bi mini; ma ya nikaitegasa nido.”

John 11:3

Ye uba rasini yaku ago nifeideyadi: “Varika amiye, yi ura reisa amiye bi gauka reyo.”

1 Corinth vene 12:3

Mina dada, na ura reida ya diba nigedi amiye yokoi Sei di Vima dudu bi toga Iesu kiraini de nigo. Ma amiye yokoi bi Vima kikifa dudu nigo, “Iesu bi Varika amiye mini.”

1 Corinth vene 8:6

Idu una rofu Sei bi yokoi maka, ma uni Baba, kaere yaku beika baika tau noibanu riyo ma ina dada gua amesifa; ka bi Varika Amiye yokoi maka, Iesu Keriso, kaere beika baika tau noibanu bi ina dudu riyo ma gua amesifa.

Ephesus vene 6:9

Ma ourefeidena vene, mina ida yokoi makari, yi moimai rei tavoi rededi vene rofu moi ori regika biri rifa. Resi ya roada yi ourefeidena Amiye omari amesi ina rofu amiye yokoi bi buni ma yokoi bi buni de makai de mokedo, mina mokefa.

Philippi vene 2:11

ma amiye tau gade afiye dudu nirausi reyagane Iesu Keriso bi Varika amiye, ye makai dudu Baba Sei rofu vabara magedi.

Philippi vene 3:8

Idu rama, mina beika tau gade reyaka ka nai mokenari bi boiyo reyadi, adina nai Varika amiye Iesu Keriso diba nina, mina tau gade ebu redo. Ina dada, tau gade boiyo reyadi ma nai mokenari bi sanika maka, ye Keriso asanu resi

James 2:19

Ya mokena vari gira aesa Sei bi yokoi maka; rei mona reisa! Vima no ka mokena vari gira aesi ori dudu tururu rededi.