John 12:36 - Sei di Uka Ago Ruaka di Buka Bedakai

³⁶ Vabara yasa amedori, ina rofu mokena vari gira aefa, ye ya bi vabara di mida mida nigedi dada.” Sina ni vau resi ferei disi ina vene rofu iniye moi sui riyo.

John 12:36 ပူးပေါင်းရင်းမြစ်များ

Matthew 21:17

Kamini ina vene feresi taoni yakusi Bethany urana diyo. Mina urusa mironari vareyo.

Matthew 5:14

“Ya vene bi mina kono di vabara. Taoni yokoi omuna ikari bi de sui nigo.

Luke 16:8

“Gabi ini amiye tora yaku makai reyo mina neideyo dada, ini roka niodoro reyo, adina bi mokena buni dudu ini moimai reyo; dada mina kono vene diba mokena buni dudu ini moimai rededi, idu vabara vene ini diba bi keika bi mokena buni dudu ini moimai rededi.”

John 1:7

Ina deyo bi mina vabara di beika veyo kana mina niokugika, ye tau gade mina ago neidesi mokena vari gira aeyaganedi.

John 11:54

Mina dada Iesu toga ariarari Jew vene di utari nana de digamo, idu minari feresi gagani autu sana atafuri, taoni roka Ephraim rofu diyo ma mironari ini usi dina venesa amegamadi.

John 12:37

Gokai sena ini neri rebe tau regamo, idu ina vene bi toga mokena vari gira de aegamadi,

John 12:46

Na bi vabara kana mina konori deyaka, ye kaere na rofu mokena vari gira aego amiye bi mukunari ga amebiyaine.

John 3:21

Idu amiye kaere yaku vegu rama redo bi vabarari baego, ye ina kaya vei mama rego ini vegu bi Sei dudu reyo dada.

John 8:12

Iesu dudusa ina vene rofu ago niyo, “Na bi kono tora noibanu di vabara. Amiye kaere na usi baego bi mukunari de digo, idu vegu di vabara moigo.”

John 8:59

Ye fore moisi Iesu yougika reyadi, idu iniye moi sui risi Sei nivakena yava ferei yaku diyo.

Ephesus vene 5:8

Adina ari yokoiri ya bi mukunari amegamadi, idu ya bi gua Varika amiyesa vabarari amededi; kamini vabara di mida mida kana nana rebifa.

1 Thessalonica vene 5:5

Adina ya tau vakoi bi vabara ma ariu di mida mida. Una bi mukuna ma urusa di rofu de.

1 Thessalonica vene 5:8

Idu una bi ariu vena di vene, mina ye uniye uni yuka vana nari resi mokena vari gira aena ma uka mana mina uni kokoba mari kana aebinadi, ma Sei di moi vegu rina di uka mokena bi ada bou kana aenadi.