John 12:1 - Sei di Uka Ago Ruaka di Buka Bedakai

¹ Meda 6 koderi bi Ferei ebu rena irakuna, ye Iesu bi Bethany ri okiyo, Lazarus ini amedo rautu, kaere bi muyena gutuna edadiyo.

John 12:1 ပူးပေါင်းရင်းမြစ်များ

Matthew 21:17

Kamini ina vene feresi taoni yakusi Bethany urana diyo. Mina urusa mironari vareyo.

Mark 11:11

Mina usi Jerusalem ri okisi Sei nivakena yavari dui resi mina gagani veitao reyo. Idu ari bi koina niyo dada, ini usi dina vene 12 sa Bethany urana diyadi.

Luke 24:50

Kamini Iesu yaku ina vene taoni gutuna afei boyo Bethany atafu, ini vana moi odoro resi ni buni tora gade maro.

Luke 7:37

Mina taoniri vegu no redo rema yokoi yaku neideyo, bi Iesu bi Pharisee amiye di yavari amegasa iruku irigamo, dada fore roka alabaster dudu riyadi siua yokoi, ideri bi diga di sisika buni vayavaya, mina moi boyo.

John 11:1

Mina medari amiye yokoi roka Lazarus bi gauka reyo. Ina bi Bethany rofu amiye, Mary ma ini rasini Martha di rautu.

John 11:43

Makai nisi goroka tora dudu raka niyo, “Lazarus, yaku bae!”

John 11:44

Muyeyo amiye yaku baeyo; ini vana ma yuka bi varuka yaku tete risi ini ne uruma bi muyena sogona yaku fafa riyadi. Ma Iesu yaku ina vene rofu niyo, “Ini roaitari sogona bi youne mafo kumo diyaine.”

John 11:55

Mina ituari Jew vene di Ferei ebu rena irakuna bi bae atafu niyo, dada amiye tau ini rautu feresi Jerusalem boyadi Ferei ebu rena irakuna koderi, iniye moi ruaka rigika.

John 12:12

Meda yokoi uveyori, amiye tau tora irakuna rofu okisi neideyadi Iesu bi Jerusalem urana baedo.

John 12:20

Irakuna di medari Sei nivakegi Jerusalem ri boyadi vene di utari bi Greek vene bedakai.

John 12:9

Ye Jew vene tau gade Iesu bi Bethany ri okiyori mina neidegasa diya Iesu maka, idu Lazarus ka vegika okiyadi, kaere bi muyena gutuna moi edadiyo.