James 5:8 - Sei di Uka Ago Ruaka di Buka Bedakai

⁸ Ya kaya ka toro resi yi uka egira refa, Varika amiye di dego meda bi negau nido dada.

James 5:8 ပူးပေါင်းရင်းမြစ်များ

Luke 21:19

Yi are rei gira rena dudu ya kaya moi vegu rigedi.

John 21:22

Kamini nikabai reyo, “Vegu amebigo mamo na baegida mina ura regida vonisi, bi ya rofu bi gokai? Na usi bae!”

Rome vene 8:25

Idu beika vena kode, mina rofu uka mokena aegifa vonisi, toro dudu tua resifa mini.

Galatia vene 5:22

Idu Vima bi yomina moi ogau rido: uka mana, ada rena, uka amuta, toro rena, uka buni, buni iniye, mokena vari gira aena,

Philippi vene 4:5

Yi amiye rofu mokena buni bi amiye tau gade mina rofu niogau reyaine. Varika amiye bi ogau nigi redo.

1 Thessalonica vene 1:10

Ma ini Mida oma gutuna dego nari rededi ka niyadi—mina bi ini Mida Iesu, kaere bi muyenari dadi rae reyo ma kaere bi Sei di gubuyo baedo rofu una erufugo.

1 Thessalonica vene 2:19

Adina uni Varika amiye Iesu di budari dairisi degori, ya vene kaere bi uni uka mokena, uni ada rena ma uni ni-ika rena di vegu.

1 Thessalonica vene 3:13

Ye ina yaku yi uka ideri yeiva ya mago, ye uni Baba Sei di nemokori, uni Varika amiye Iesu ini akeke vene tausa degori, ya bi vegu no yokoi de nufa ma akeke amebigedi.

2 Thessalonica vene 3:5

Varika amiye yi uka di mokena Sei di uka mana ma Keriso di moi yeiva resi toe moi dina veguri ourefeideyaine.

James 5:3

Yi goro ma siriva bi fosisa yaku fono reyo, ma mina fokiyoka yaku ita kana, yi roaita iri bae negasa bi niokuna ago ya fafau kana. Idu ari bae koina nigo medari, ya toga gugura fare tau ae mukora rededi.

James 5:9

Nai usika ourena, ya kaya ya kaya rofu mumugu ga nibifa, ya kota rego baebu. Neidefo, kota redo amiye bi ida biri budari are redo.

1 Peter 4:7

Beika tau koina nigedi meda bi negau niyo. Mina dada yuka vana nari resi yi guriguri dada yi mokena nari refa.

Niokuna sina 22:20

Mina vegu rofu niokuyo amiye yomakai niyo, “Rama na evade baegida!” Rama. Varika amiye Iesu bae!