James 5:19 - Sei di Uka Ago Ruaka di Buka Bedakai

¹⁹ Nai usika ourena, ye amiye yokoi yi fogori, ago rama feresi rerevaida ni digo ma yokoi yaku afei dairigo vonisi,

James 5:19 ပူးပေါင်းရင်းမြစ်များ

Matthew 18:15

“Yi usika ourena ya rofu vegu no rego vonisi, bi bosi ya remanu di utari maka oteima ini beika no reyo bi. Ya neidego vonisi, bi yi usika ourena di uka moi dairiyo.

Luke 22:32

Idu ya dada usa usa niyaka, yi mokena vari gira aena mina ga yareyaine, ye na rofu dairigiyari, bi yi asiyaka vene egira re.”

Galatia vene 6:1

Usika ourena, amiye yokoi yaku vegu no yokoi rego ma veitao regedi vonisi, ya kaere Vima nufa vene yaku ave nina mokena dudu, ida rorobori masi ya kaya nari refa, yi uka maina ka rego baebu.

1 Timothy 6:10

Adina no tau yaku moni di uka mana gutuna moi evata rededi. Ye mina moni uka mana rofu, bedakai bi mokena vari gira aena feresi esika esika tau dudu gurauyadi.

1 Timothy 6:21

Bedakai yaku niyadi mina bi rama, ye ini mokena vari gira aena moi etagae riyadi. Sei di buni tora gade bi ya venesa ameyaine.

2 Timothy 2:18

kaere bi ago rama dada rerevaida ni diyadi; ini ago niyadi bi amiye muyenari gutuna dadi rae rena bi sena koina niyo. Ye amiye bedakai di mokena vari gira aena bi uyareyadi.

Hebrew vene 5:2

Toto de nidedi ma kokofu rededi amiye rofu ave nigo, ina kaya ini uka bi yau iniye nido dada.

James 1:16

Nai uka maida usika ourena, ofa mokena yokoi ga moiyagane!

James 1:19

Nai uka maida usika ourena, yomina mokei mona refo: Ye gua amiye neinei evade neidesi kimo kimo dudu ago nisi gubuyo ka makai dudu reyaine.

James 3:14

Idu yi ukari ya bi ru masiya maunu ma udu iniye nufa vonisi, bi ni-ika ga resi ago rama dada ofa ga nifa.

James 5:20

yomina diba niyaine, kaere amiye yaku vegu no redo amiye moi kero resi ini rerevaida ni diyo ida rofu dairigo vonisi, bi ini vima muyena gutuna moi vegu risi ini vegu no tau bou rigo.

2 Peter 3:17

Mina dada, nai uka maida vene, ya bi sena mina diba niyadi. Mina resi ya kaya nari refa, ye ago gira de usi didedi vene di no ya buoru de rego, ye makai yi buni amededi sanari keto regedi baebu.

Jude 1:11

Iriyeduka iniye ina vene rofu! Adina bi Cain di ida moisi Balaam di no reyo ida kana, fore baku regi evade maka reyadi. Resi Korah yaku Moses di ago obe reyo kana, ina ka makai resi muyeyadi.