James 5:16 - Sei di Uka Ago Ruaka di Buka Bedakai

¹⁶ Mina resi, ya kaya ya kaya yi vegu no niogau resi usa usa nifa, ye bi buni niyagane. Mokena rorobo amiye di usa usa bi ini moimai renari vava iniye nufa.

James 5:16 ပူးပေါင်းရင်းမြစ်များ

Matthew 21:22

Ye mokena vari gira aegedi vonisi, beika baika tau rofu usa usa nigedi bi moigedi.”

Matthew 3:6

Ye ini vegu no niogau regamadi ma Jordan koruri babatiso regamo.

Mark 1:5

Ye Judea gagani tora noibanu vene tau ma Jerusalem vene ina rofu baegamadi. Ye ini vegu no niogau regamadi ma Jordan koruri babatiso regamo.

Luke 9:6

Rautu rautu kamini digasa ago buni ni digasa gauka vene moi buni rigamadi.

John 9:31

Una una diba Sei bi vegu no rededi vene di ago neidena de redo, idu amiye yokoi Sei nivakesi ini ura regi rego vonisi, Sei bi ini ago neidego.

Moimai di vegu 10:38

Ya ya diba Iesu Nazareth amiye ma gokai Sei yaku Vima kikifa vavasa ina fafau ni moi feideyo. Gagani gagani tora rofu disi buni regasa amiye tau moi buni rigamo, kaere bi Bodaka di vava gabireri amegamadi, adina Sei bi inasa amedo.

Moimai di vegu 19:18

Amiye tau gade kaere bi Iesu rofu mokena vari gira aeyadi bi iniye okisi ini vegu no rededi kana mina nirausi reyadi.

Moimai di vegu 8:24

Ye Simon yaku niyo, “Ya usa nida Varika amiye rofu na dada usa usa nifo kumo yomina beika niyadi sina na rofu mina ga vata niyainedi.”

Rome vene 3:10

Bura reyo kana: “Amiye yokoi mokena rorobo nufa de, yokoi maka ide iniye;

Rome vene 5:19

Adina amiye yokoi maka yaku obe reyori, amiye tau bi vegu no reyadi vene niyadi, ye makai amiye yokoi maka neideyori, amiye tau bi mokena rorobo nufa nigedi.

Colossae vene 1:9

Mina dada, bogo ouresi medari ya dada neideyafa mamo bi ya rofu usa usa nina ferena de regamafa; vabara mokena ma Vima di ada yora tau noibanu dudu, ini ura di diba vata baeyaine, mina usa nigamafa.

1 Thessalonica vene 5:17

usa usa toga nigasa amebifa;

1 Thessalonica vene 5:23

Uka amuta di Sei iniye yaku ya moi akeke kotana riyaine, ma uni Varika amiye Iesu Keriso dairi degori, ina yaku yi vima, uka mokena ma roaita vegu no yokoi de nufa moi gira rei mona rego.

1 Thessalonica vene 5:25

Usika ourena, una fafau usa usa nifo.

Hebrew vene 11:4

Mokena vari gira aena dudu, Cain yaku reyo kana de, Abel yaku Sei nimaro ori sisika burefe maro, ye Sei ini beika maro dudu mokena rorobo nufa nimaro. Gabi muyeyo, idu ini mokena vari gira aena dudu toga ago nido.

Hebrew vene 11:7

Mokena vari gira aena dudu, Noah bi beika baika Sei yaku ago gira niyo bi vata nigedi, idu vena koderi, Sei di ago neidesi ini yava vene moi vegu rigi sisima akuyo. Makai regasa kono vene nifafana resi mokena vari gira aena dudu, mokena rorobo moigo amiye niyo.

Hebrew vene 12:13

Yi yuka di ida moi rorobo rifa, ye yuka no bi besa no iniye de nigo, idu moi buni rigo.

Hebrew vene 13:18

Una rofu usa usa nifa, adina una una diba una bi uka di mokena buni nufa, ma vegu tau regika kikifa dudu ura resifa.

1 Peter 2:24

Iniye ini roaitari uni vegu no satauro odorori uakaiyo, ye gokai vegu no dudu muyesi vegu rorobo dudu amegifa. Mina bi ini ara yaku ya moi buni riyadi.

1 John 3:22

Kamini beika baika ina rofu usa nigifa, bi moigifa, adina ini ago gira moi gira risi ina moi ada rena vegu resifa.