Hebrew vene 7:3 - Sei di Uka Ago Ruaka di Buka Bedakai

³ Ini nono baba ma tutubena nufa de; ka bi vata niyo ma muyeyo meda nufa de. Idu Sei di mida kana toga toga Sei ma amiye utari naivo amiye amedo ma ameibobigo.

Hebrew vene 7:3 ပူးပေါင်းရင်းမြစ်များ

Matthew 4:3

Ma uka maina regika nivena amiye yaku baesi ina rofu niyo, “Ya bi Sei di Mida vonisi, bi yomina fore ni kumo iruku niyaine.”

Hebrew vene 4:14

Ye uni niogau rena ago mina moi gira rinadi, ini adina una bi uni Sei ma amiye utari naivo amiye tora iniye nufa, kaere omari yavoi rei boyo. Ina bi Iesu, Sei di mida.

Hebrew vene 7:1

Adina mina Melchizedek bi Salem di kini ma Sei odoro iniye di Sei ma amiye utari naivo amiye. Abraham yaku kini umuyei vau resi dui reyori, Melchizedek bi Abraham sa egogo resi buni tora gade maro

Hebrew vene 7:17

Ini adina ina rofu niogau reyo: “Ya bi toga toga Melchizedek yaku Sei ma amiye utari naivo vene fogori ourei amegamo kana, Sei ma amiye utari naivo amiye nigo.”

Hebrew vene 7:2

ma ini ruda regasa moiyo, beika baika moi bosi berou berou 10 ri yokoi maka maro. (Ouresi mina amiye di roka di adina bi “Mokena rorobo di kini”; ma ka bi Salem di kini, ini adina bi “Uka amuta di kini”.)

Hebrew vene 7:6

Idu mina amiye kaere bi Levi vene di tutubena vene nufa de, ina yaku nitore rena ago maro rofu amiye Abraham gutuna, beika berou berou 10 ri yokoi maka moisi buni tora gade maro.