Hebrew vene 4:3 - Sei di Uka Ago Ruaka di Buka Bedakai

³ Adina una kaere mokena vari gira aesifa bi ini asa moina sana dui reyafa, ina yaku niyo kana: “Nai gubuyo resi yomakai nitore reyaka: ‘Nai asa moina sana bi dui de regedi!’ ” Mina niyo, idu kono ma oma riyo medari, bi ini moimai rei vau reyo.

Hebrew vene 4:3 ပူးပေါင်းရင်းမြစ်များ

Matthew 13:35

Ye beika Sei di ago niyo amiye yaku niyo bi rama aeyo: “Na bi mokena ago dudu ago nigida; Na yaku kono riyori gutuna sui niyadi beika baika bi niokugida.”

Matthew 25:34

Mina usi Kini yaku ini vana rama vene rofu nigo, ‘Baefa, nai Baba yaku buni tora gade ya vene ya maro; Sei di ourefeidena amena sana di gugura moifa, goina bi oma ma kono rigamori ya dogo reyo.

Ephesus vene 1:4

Kamini oma ma kono bi rina koderi, Sei yaku una auba reyo, ye una bi ini nemokori kikifa ma butigi yokoi de dudu inasa amebigifa. Ini uka mana dudu

Hebrew vene 3:11

Nai gubuyo resi yomakai nitore reyaka: ‘Nai asa moina sana bi dui de regedi!’ ”

Hebrew vene 3:14

Adina una yaku siko ori de dudu, mokena buni metonari moi gira rigifa vonisi, ye una bi Keriso sa moimai regifa.

Hebrew vene 9:26

Makai reyo vonisi, ini adina bi senagi kono ma oma riyo gutuna uru tauri esika esika moibiyagadu kumo. Idu bi meda yokoi makari, meda di metonari iniye ini vegu manari, vegu no koite makugi amiye tau gade rofu ogau niyo.

1 Peter 1:20

Sei yaku oma ma kono rina koderi, bi sena auba reyo, idu ari baena tumu nigediri, ya dada moi ogau riyo.