Ephesus vene 5:26 - Sei di Uka Ago Ruaka di Buka Bedakai

²⁶ Ago di koru dudu rafei moi ruaka riyo, ye makai ina rofu moi akeke riyaine.

Ephesus vene 5:26 ပူးပေါင်းရင်းမြစ်များ

John 13:10

Ma nikabai reyo, “Amiye kaere rafeyo bi ini yuka maka koitego; ini roaita tora noibanu bi ruaka. Ye ya vene bi ruaka, idu ya tau vakoi de.”

John 15:3

Ya bi sena moi ruaka riyo, ago ya rofu niyaka dada.

John 15:8

Ya vene meko tau moiyadi, ye nai usi dina vene niyadi vo niyo; mina makai nai Baba di roka moi odoro rigo.

John 17:7

Ye gua diba niyadi, beika tau gade na maro bi ya rofu dedo.

John 3:5

Ma nikabai reyo, “Rama iniye ya nida, amiye yokoi yaku Sei di ourefeidena amena sana bi de dui rego bogo ina bi koru ma Vima dudu vata nigo mamo.

Moimai di vegu 22:16

Ma ya bi beika tua reisa? Dadisi babatiso moisi yi vegu no koite makugi ini roka ni.’

Moimai di vegu 26:18

Na bi ina vene rofu ya nifeideida, nemoko aresi mukunari gutuna vabarari kero resi Satani di vavari gutuna Sei rofu etagae riyagane, ye ini mokena vari gira aena na rofu dudu ini vegu no koite makugo, ma Sei di moi akeke riyo vene di fogori ini sanari amegedi.’

Rome vene 10:8

Idu beika nido bi yomini: “Ago bi ya atafuri amedo; bi yi venari ma yi uka mekori amedo”—mina bi, nirausi resifa mokena vari gira aena di ago mini.

1 Corinth vene 6:11

Ma ya vene bedakai bi makai regamadi. Idu Varika amiye Iesu Keriso di roka ma uni Sei di Vima dudu ya koitesi moi akeke risi yi vegu bi moi rorobo riyo.

2 Corinth vene 11:2

Sei kana ya rofu maunu nida, adina na bi yi maruka yokoi maka ya nitore reyaka; vegu no yokoi de rumanasa varena kode rema ofi kana, Keriso magida.

Ephesus vene 6:17

Ma moi vegu rina di ada bou gira ma Vima di bainasi moifa; mina bi Sei di ago.

Colossae vene 3:16

Keriso di ago yi ideri vata baesi amesi mokena vabara tau noibanu oteimaragane. Resi Sei di roka moi odoro rina sina, ma usa usa yauta ma vima di kikifa yauta dudu, ya kaya ya kaya ni mama resi yi uka meko ideri, Sei rofu buni tora gade mana dudu yauta niyagane.

Titus 2:14

bi kaere yaku vegu no tau rofu, una erufusi iniye rofu amiye moisi moi ruaka riyo, ye vegu buni rena mokena rebigedi.

Hebrew vene 10:10

Ma Sei di ura dada, Iesu Keriso di roaita aira mana dudu, uru yokoi makari una tau noibanu moi akeke riyo.

Hebrew vene 10:14

Adina aira yokoi maka manari bi moi akeke rido vene toga toga moi rorobo iniye riyo.

Hebrew vene 10:22

uka ramasa ori de mokena vari gira aena dudu, Sei rofu ekaira renadi; mina bi uni uka meko moi faraka resi uka di mokena no gutuna moi ruaka riyo ma ruaka iniye koru dudu, uni roaita koiteyo dada.

Hebrew vene 10:29

Ya mokeisa ba ide, amiye kaere moi akeke riyo, uka ago di dava moi no risi buni tora gade di Vima nifafana resi Sei di Mida ini yuka gabireri etei riyo, bi ini obini no iniye iniye moigo?

Hebrew vene 13:12

Ye Iesu ka ini dava dudu, amiye moi kikifa regika, bi taoni di biri etofarori esika esika moiyo.

Hebrew vene 4:12

Adina Sei di ago bi diga bogasa vegu amedo; bi bainasi berou berou arika iniye ebu resi uka ma vima utama nugai feidegasa musa ma nena makai kana redo. Ina yaku uka di mokena ma ini ura vegasa diba nigo.

Hebrew vene 9:14

Idu Keriso di dava gokai besa besa muyena di moimai gutuna ameibobina Sei naivo naivo regi, uni uka di mokena moi ruaka rigo. Mina Keriso bi vegu no yokoi nufa de, toga toga ameibobina Vima dudu ini vegu Sei rofu maro.

James 1:18

Ini ura dada, ago rama iniye dudu una odiyo, ye ini beika baika riyo di ourena yabo meko kana una vareyagadu.

1 Peter 1:2

Baba Sei senagi ya diba nisi auba reyo ma ini Vima ya akeke rigo, ye Iesu Keriso di ago neidegedi ma ini dava yaku ya moi ruaka rigo. Sei di buni tora gade ma ini uka amuta ya rofu besa tanu maraine.

1 Peter 3:21

Mina koru bi babatiso di rebe; bi gua ya moi vegu rido. Bi diya roaita kino koite makudo kana, idu usa usa nina Sei rofu kana, uka di mokena buni nufa Iesu Keriso ini muyenari dadi rae reyo dudu,

2 Peter 1:9

Adina kaere mina kana asanu rena de bi, vei mona ide ma nemoko bi taufa, ma beika ini vegu no reyo ma moi ruaka riyo, senagi bi toto niyo.

1 John 5:6

Iesu Keriso bi kaere koru ma davasa deyo. Ina bi korusa maka de deyo, idu gogo koru ma davasa. Ma Vima iniye yaku niokudo mina bi rama, Vima bi sina rama dada.

Jude 1:1

Mina bura bi na Jude, kaere bi Iesu Keriso di moimai rei tavoi reida amiye ma James di dubuini gutuna — Mina bi Sei raka niyo vene rofu, ma kaere Baba Sei uka mado ma Iesu Keriso nari redo.