Ephesus vene 5:2 - Sei di Uka Ago Ruaka di Buka Bedakai

² Resi uka mana dudu nana refa, Keriso kana, kaere ka bi Sei rofu aira ma sisika buni orina kana, una uka masi una dada ini vegu maro.

Ephesus vene 5:2 ပူးပေါင်းရင်းမြစ်များ

Matthew 20:28

Amiye di mida deyo kana, diya amiye yaku naivo regedi, idu amiye di naivo regi ma ini vegu magi, amiye tau di vegu no reyadi voi regika.”

John 13:34

Ago gira ruaka ya vene rofu maida mini: ya kaya uka mabifa. Na yaku ya rofu uka maraka kana, makai ya kaya ka uka mabifa.

John 6:51

Na bi mina omari gutuna deyo vegu amedo beredi. Amiye yokoi yaku mina beredi irigo vonisi, bi toga toga ameibobigo. Ma kono tora noibanu di vene di vegu rofu magida beredi bi nai roaita.”

Rome vene 15:16

Iesu Keriso di naivo amiye na riyo. Ye makai Sei di ago buniri, Sei ma amiye utari naivo redo amiye di moimai tutubena idana vene rofu moimai regida; ye Sei yaku tutubena idana vene di ori sisika rededi nimago, Vima kikifa dudu moi kikifa regori.

Rome vene 4:25

Resi bi uni vegu no dada muyena di vanari aeyadi ma uni vegu rorobo niyaine rofu moi dadi rae reyo.

Rome vene 8:3

Ini adina, ago gira beika anua regi regamo, roaita di ura yaku moi yau riyo dada, Sei yaku mina reyo. Ini Mida vegu no di roaita kana, ma vegu no rofu konori nifeidesi vegu no roaitari nifafana reyo.

Rome vene 8:37

Ide mada, mina beika tau gaderi ina kaere una uka maro dudu, una bi besa etei risifa!

1 Corinth vene 16:14

Ya beika baika tau noibanu renari bi uka mana dudu refa.

1 Corinth vene 5:7

Yeast kori bi moi makufa, ye farava mekuna ruaka niyaganedi, adina rama iniye ya bi yeast nufa de. Adina Keriso, uni Ferei ebu rena irakuna di Mamoe mida, bi sena vegu no rofu ori sisika kana umuyeyadi.

2 Corinth vene 2:14

Idu Sei rofu buni tora gade maida, kaere bi Keriso dudu, iya rena vene yaku rautu toboma oro imisi okiyadi ma kuo airata niyadi kana, una toga ourefeidesi una dudu ina rofu diba nina bi sisika guta kono tau noibanuri rivai reyo kana.

2 Corinth vene 2:15

Ini adina, moi vegu rido vene ma muyei didedi vene di fogori, una Sei rofu bi Keriso di sisika guta.

2 Corinth vene 8:9

Adina uni Varika amiye Iesu Keriso di buni tora gade bi ya ya diba, gokai ina bi tau gade nufa, idu ya vene dada doke doke ma niyo, ye ya bi ini doke doke ida dudu makai, bi tau gade nufa nibiyagane.

Galatia vene 1:4

Iesu uni vegu no rofu ina kaya muyeyo, ye mina gua meda nori moi vegu rigi, Sei uni Baba di ura redo kana.

Galatia vene 2:20

Ye mina bi gua de ameida, idu Keriso bi na ideri amedo. Mina vegu gua ameida, bi Sei di mida di mokena vari gira aena dudu ameida, kaere bi na uka masi ini vegu na maro.

Ephesus vene 1:4

Kamini oma ma kono bi rina koderi, Sei yaku una auba reyo, ye una bi ini nemokori kikifa ma butigi yokoi de dudu inasa amebigifa. Ini uka mana dudu

Ephesus vene 3:17

Ye mokena vari gira aena dudu, Keriso yi uka ideri amebiyaine ma ya bi uka mana daru feidei nededi kana, are rei gira reyagane.

Ephesus vene 3:19

Keriso di uka mana diba nina ebu redo, mina ka diba niyaganedi, ye Sei di noibanu yaku ya moi vata baeyaine.

Ephesus vene 4:15

Idu uka mana dudu, ago rama nigasa beika baika tau noibanuri inasa tora ninadi, kaere bi uni ada, Keriso mini.

Ephesus vene 4:2

Ya kaya moi egona rina, ave nina ma toro rena tau noibanu dudu, ya kaya ya kaya uka mana dudu udiko rebifo.

Ephesus vene 5:15

Mina dada, ya gokai nana rededi vei mona rebifo, diba de nufa vene kana ide, idu diba nufa vene kana.

Ephesus vene 5:25

Maruka vene, yi odima vene uka mabifa, Keriso yaku ekalesia vene uka masi ini vegu ina rofu maro kana.

Philippi vene 4:18

Ye na bi tau gade nufa ma tau ni ameyadi; uka bere niyaka, beika baika ya gutuna Epaphroditus dudu moiyaka dada. Mina bi ori sisika rena buni Sei rofu, Sei ada iniye redo dada.

Colossae vene 3:14

Kamini mina noibanu fafau uka mana tanu refa; mina yaku tau noibanu moi gogo resi reremama rorobo iniye regika rido.

1 Thessalonica vene 4:9

Ma gua usika ourena rofu uka mana bi ya rofu de bura regifa, adina mina bi Sei yaku ya kaya ya kaya uka maraganedi sena ya oteimaro.

1 Timothy 2:6

Ina yaku amiye tau noibanu davana regika ini vegu maro; mina bi Sei di meda ramari ini nirorotari rena ida moi ogau rigo.

1 Timothy 4:12

Amiye yokoi ya yi godua mina vego bi mokei itu ga reyaine, idu ago nina, vegu rena, uka mana, mokena vari gira aena ma vegu no yokoi de nufa di ida dudu, mokena vari gira aededi vene gokai vegu reyaganedi mina nioteima.

Titus 2:14

bi kaere yaku vegu no tau rofu, una erufusi iniye rofu amiye moisi moi ruaka riyo, ye vegu buni rena mokena rebigedi.

Hebrew vene 8:3

Adina Sei ma amiye utari naivo amiye tora neinei beika baika masi ori sisika regi abidi reyo; ye makai mina amiye ka beika baika ori sisika reyaine bi buni.

Hebrew vene 9:14

Idu Keriso di dava gokai besa besa muyena di moimai gutuna ameibobina Sei naivo naivo regi, uni uka di mokena moi ruaka rigo. Mina Keriso bi vegu no yokoi nufa de, toga toga ameibobina Vima dudu ini vegu Sei rofu maro.

Hebrew vene 9:23

Kamini mina karagari amegamadi beika baika bi omari beika baika di vima kana, ye mina ida yokoi makari moi ruaka riyainedi, idu oma di beika baika iniye bi ori sisika rena burefe dudu moi ruaka riyainedi.

Hebrew vene 9:26

Makai reyo vonisi, ini adina bi senagi kono ma oma riyo gutuna uru tauri esika esika moibiyagadu kumo. Idu bi meda yokoi makari, meda di metonari iniye ini vegu manari, vegu no koite makugi amiye tau gade rofu ogau niyo.

1 Peter 4:8

Mina beika baika tau fafau, toga ya kaya ya kaya yeiva dudu uka mafa, ini adina bi mina uka mana yaku vegu no rena tau efono rego.

1 John 3:16

Uka mana di vegu bi yomina vegu dudu vei mama regifa: ye Keriso una rofu ini vegu maro. Mina dada una ka uni usika ourena rofu uni vegu magifa!

1 John 3:23

Sei di ago gira una rofu bi yomini: ini Mida Iesu Keriso di rokari, mokena vari gira aesi ma uniye uniye uka manadi, ini ago gira sena una maro kana.

Niokuna sina 1:5

Ka bi Iesu Keriso rofu, kaere bi vegu rama rena amiye, ago niokuna amiye siko muyena gutuna dadi rae resi kono tora noibanu vene di kini di ourefeidena amiye. Ina yaku una uka mado ma ini dava dudu uni vegu no erufusi

Niokuna sina 5:9

Ye yauta ruaka niyadi: “Ya bi buni, ye ya yaku firo rina buka moisi ini vava bura kake rina sogona okugiya, adina ya umuyeyo ma Sei rofu yi dava dudu, rubu, ago idana idana vene, amiye idana idana ma gagani gagani vene tau vanuri amiye voi reyo.