Ephesus vene 4:5 - Sei di Uka Ago Ruaka di Buka Bedakai

⁵ Varika amiye bi yokoi maka, ma mokena vari gira aena bi yokoi maka ma babatiso rena ka bi yokoi maka;

Ephesus vene 4:5 ပူးပေါင်းရင်းမြစ်များ

Matthew 28:19

Mina dada, gagani gagani vene tauri disi nai usi dina vene risi Baba di roka, ini Mida di roka ma Vima kikifa di roka dudu babatiso refa.

Moimai di vegu 10:36

Ya ya diba beika ago Israel vene rofu nifeidesi uka amuta di ago buni Iesu Keriso rofu nirausi reyo, kaere bi una tau vakoi di Varika amiye.

Moimai di vegu 2:36

“Mina dada Israel vene tau rama iniye vei mama reyainedi mina Iesu, kaere bi satauro ikoko reyadi, bi Sei yaku moi Varika amiye ma Keriso riyo!”

Rome vene 3:30

adina Sei bi yokoi maka dada. Ye roaita nugana vene ini mokena vari gira aena dudu vegu rorobo nisi roaita nugana de vene mokena vari gira aena dudu ka vegu rorobo nigo.

1 Corinth vene 1:13

Makai vonisi bi Keriso bi moi berou berouri aeyadi! Ya vene dada bi Paul satauro ikoko reyadi ba? O ya bi Paul di roka dudu babatiso reyadi ba?

1 Corinth vene 1:2

Sei di ekalesia vene Corinth ri amededi rofu, kaere Iesu Keriso dudu moi akeke risi sana tauri ini ma uni Varika amiye Iesu Keriso di roka vo nidedi, ina vene vakoisa Sei di vene kana nigedi raka niyo:

1 Corinth vene 12:13

Adina una bi Vima yokoi maka dudu roaita yokoi maka kana babatiso reyadi—Jew vene ma tutubena idana vene, moimai rei tavoi rededi vene ma diya moimai rei tavoi rededi vene—ma Sei yaku mina Vima yokoi maka una tau vanu di uka ideri aeyo.

1 Corinth vene 12:5

Naivo rena ka bi idana idana, idu mina bi Varika amiye yokoi maka di naivo rena.

1 Corinth vene 8:6

Idu una rofu Sei bi yokoi maka, ma uni Baba, kaere yaku beika baika tau noibanu riyo ma ina dada gua amesifa; ka bi Varika Amiye yokoi maka, Iesu Keriso, kaere beika baika tau noibanu bi ina dudu riyo ma gua amesifa.

2 Corinth vene 11:4

Adina amiye yokoi baesi Iesu bouna, una yaku nirausi de reyafa, mina nirausi rego, o vima bouna sena moiyadi kana moigedi, o ago buni bouna sena moiyadi kana moigedi vonisi, mina tau bi aita dudu evade moidedi!

Galatia vene 5:6

Adina roaita nugana o nugana de di ida bi Iesu Keriso ideri ini vava yokoi nufa de, idu mokena vari gira aena uka mana dudu, moimai redo maka bi buni.

Ephesus vene 4:13

Mina bi toga bobigo una tau noibanu baesi mokena vari gira aenari, yokoi maka nisi ma Sei di mida diba ni vau resi Keriso kana, vima dudu tora ni vau regifa mamo.

Philippi vene 2:11

ma amiye tau gade afiye dudu nirausi reyagane Iesu Keriso bi Varika amiye, ye makai dudu Baba Sei rofu vabara magedi.

Philippi vene 3:8

Idu rama, mina beika tau gade reyaka ka nai mokenari bi boiyo reyadi, adina nai Varika amiye Iesu Keriso diba nina, mina tau gade ebu redo. Ina dada, tau gade boiyo reyadi ma nai mokenari bi sanika maka, ye Keriso asanu resi

Titus 1:1

Na Paul, kaere bi Sei di moimai rei tavoi reida amiye, ma Iesu Keriso di nifeidena amiye mina bura reida. Mina reida dada, Sei yaku ini auba reyo vene bi ini mokena vari gira aesi sina rama di mokena moisi Sei ini mokena kana bi regedi. Ye toga toga ameibobina vegu di uka mokena moigifa, goina bi Sei, kaere ofa de nido, bi ari dobau sena nitore reyo.

Titus 1:4

Titus, mina fefa bi ya rofu bura reida. Ya bi nai mida kana, adina ya bi nasa vakoi Sei rofu mokena vari gira aesifa. Sei uni Baba ma Iesu Keriso, kaere yaku bi uni Moi vegu rina amiye, yaku buni tora gade ma uka amuta ya maragane.

Hebrew vene 13:7

Yi ourefeidena vene, kaere Sei di ago ya rofu ago nigamadi, mina mokefa. Ini gokai vegu moi raga resi muyeyadi rofu, mokei mona resi ini mokena vari gira aena dudu reyadi, mina ida yokoi maka dudu makai rebifa.

Hebrew vene 6:6

Resi mokena vari gira aena gutuna yaregediri, bi ina kaya rofu kana, dudusa Sei di mida satauro ikoko resi amiye di nemokori moi maena regedi.

James 2:18

Idu amiye yokoi yaku nigo, “Ya bi mokena vari gira aena nufa, idu na bi vegu buni nufa.” Ye nikabai regida, “Yi mokena vari gira aena vegu buni de nufa na oteima ma na yaku nai mokena vari gira aena vegu buni dudu ya oteimagida.”

1 Peter 3:21

Mina koru bi babatiso di rebe; bi gua ya moi vegu rido. Bi diya roaita kino koite makudo kana, idu usa usa nina Sei rofu kana, uka di mokena buni nufa Iesu Keriso ini muyenari dadi rae reyo dudu,

2 Peter 1:1

Mina bi na Simon Peter, Iesu Keriso di moimai rei tavoi reida amiye ma nifeidena amiye— Mina bi uni Sei kaere bi Iesu Keriso moi vegu rina amiye di mokena rorobo dudu bi una kana mokena vari gira aena buni moiyadi vene di:

Jude 1:20

Idu ya vene, nai uka maida asiyaka, ya kaya yi akeke mokena vari gira aena, mina fafau are rei gira resi Vima kikifa nufa usa usa nibifa.

Jude 1:3

Nai uka maida vene, na bi nai mokena tora noibanu dudu, una moi vegu rina sina vakoi resifa, mina ya rofu bura reida. Ye nai mokena bi ya rofu bura resi ya egira regida, ye mokena vari gira aena di ruda reyagane, goina bi Sei yaku uru yokoi maka ini vene maro.