Ephesus vene 4:11 - Sei di Uka Ago Ruaka di Buka Bedakai

¹¹ Ma ina yaku bedakai nifeidena vene kana, bedakai ini ago nidedi vene kana, bedakai ago buni niokudedi vene kana ma bedakai mamoe kana amiye dogo resi oteimana vene kana auba reyo,

Ephesus vene 4:11 ပူးပေါင်းရင်းမြစ်များ

Matthew 28:20

Ma beika ago gira tau ya maraka, mina oteimagedi ma rebiyaganedi. Ma na bi yasa ari neinei bogo meda bae koina nigo di meda okigo mamo.”

Moimai di vegu 13:1

Antioch duburi bi Sei di ago niyadi vene be ma oteimana vene be amegamadi. Ina vene di roka bi mini: Barnabas, Simeon (ini roka nigika bi amiye gabu), Lucius (kaere bi Cyrene gagani amiye), Manaen (kaere bi gavana Herod sa moi tora reyadi) ma Saul.

Moimai di vegu 20:28

Ye ya kaya nari rei mona refo, ma mamoe tau vakoi kaere Vima kikifa yaku sena yi vanari aeyo, mina ka nari rei mona refo. Sei di ekalesia vene rofu nari rena vene nifo, adina Sei yaku ini Mida di dava dudu ina vene moisi iniye di ini riyo.

Moimai di vegu 21:8

Ari uveyo meda rofuri, bi ina vene feresi bi Caesarea ri boi okiyafa. Mironari Philip, kaere bi ago buni nioku dido amiye yokoi, di yava dui resi inasa ameyafa. Ina bi sena Jerusalem ri ekalesia moi aeyadi amiye 7 yokoi.

Rome vene 12:7

kaere naivo rego, bi naivo reyaine; kaere oteimago, bi oteimaraine;

1 Corinth vene 12:4

Vima bi yokoi maka, idu ini beika baika mana bi idana idana.

Ephesus vene 2:20

Ya bi yava kana, nifeidena vene ma Sei di ago niyadi vene fafau variyadi ma Iesu Keriso iniye bi ini moi gira redo fore.

Ephesus vene 3:5

Senagi tutubena bouna vene di mida mida yaku mina nisui ago ina toto, gua ini kikifa nifeidena vene ma Sei di ago niyadi vene, Vima dudu moi ogau riyo kana.

Ephesus vene 4:8

Mina resi yomakai niyo: “Ina yaku dibura vene moi ourefeideyo ma inasa odoro iniye sanari boyadi ma gugura buni buni amiye maro.”

2 Timothy 4:5

Idu ya kaya gokai beikari ma toe baegori, ini esika esika fadimagasa ago buni niogau rena amiye di moimai resi yi naivo naivo tau Sei rofu, bi rei mona re.

Hebrew vene 5:12

Adina mina kana ariri, ya bi sena oteimana vene niyagadu, idu adinari, Sei di oteimaradi ago dudusa ya rofu nioteimaraganedi. Iruku gira gira mina irina bi de, ya bi miruka maka toga yumuyumu rebigedi.

Jude 1:17

Idu, ya uka maida asiyaka, va mokefo, beika uni Varika amiye Iesu Keriso di nifeidena vene sena niyadi mina.

Niokuna sina 18:20

Oma, Sei di vene, nifeidena vene ma Sei di ago nidedi vene ina dada ada refa, adina Sei yaku ya rofu ina kota reyo.

Niokuna sina 21:14

Mina taoni di kota bi fore 12 fafau akuyadi; ina fafau bi Mamoe mida di nifeidena amiye 12 di roka neinei.