Ephesus vene 2:10 - Sei di Uka Ago Ruaka di Buka Bedakai

¹⁰ Adina una bi beika Sei yaku moimai rei vau reyo mini. Iesu Keriso dudu, Sei yaku senagi dogo reyo vegu buni rofu una riyo, ye rebigifa dada.

Ephesus vene 2:10 ပူးပေါင်းရင်းမြစ်များ

Matthew 5:16

Mina ida dudu maka, yi vabara bi amiye budari vabara niyaine, ye yi beika vegu buni bi amiye yaku vegedi rofu yi Baba omari mina ini roka moi odoro riyaganedi.

John 3:21

Idu amiye kaere yaku vegu rama redo bi vabarari baego, ye ina kaya vei mama rego ini vegu bi Sei dudu reyo dada.

Moimai di vegu 9:31

Mina ariri bi ekalesia vene tau Judea, Galilee ma Samaria gagani tau noibanuri bi uka amuta dudu amegamadi. Vima kikifa yaku aedegamo, dada yeiva moigamadi ma ini rafu ka amiye tau gade dui regamadi, Varika amiye ori regamadi dada.

Moimai di vegu 9:36

Joppa ri bi usi dina rema yokoi ini roka bi Tabitha amegamo. (Greek ago dudu ini roka bi Dorcas.) Ari neinei bi vegu buni resi gugura irava vene aedegamo.

Rome vene 8:1

Mina dada amiye kaere bi gua Iesu Keriso sa auta rededi bi nifafana de rego.

Rome vene 8:29

Adina mina vene kaere senagi diba niyo bi senagi ka ini Mida di vima kana nigi abidi reyo, ye dubuiyaka ma tobaiyaka tau di fogori ourena Mida niyaine.

1 Corinth vene 3:9

Adina una vakoi bi Sei di moimai vene. Ya vene bi Sei di muro rena kono. Ya bi Sei di yava.

2 Corinth vene 5:17

Mina dada amiye yokoi Keriso sa kake rigo vonisi, bi amiye ruaka Sei yaku riyo. Vegu kori bi tatava niyo; va vefa, amiye bi ruaka niyo!

2 Corinth vene 5:5

Sei bi kaere yaku mina rofu una dogo resi ini Vima bi rama niyaine nitore rena kana una maro.

2 Corinth vene 9:8

Ye ina yaku buni tora gade ya rofu moi tora rigo, mina resi toga toga beika baika tau noibanu nufa nigiya, moimai buni dudu, beika baika tau gade ya rofu moi tora rigedi.

Galatia vene 6:15

Adina roaita nugana o nugana de, di ida bi ini vava yokoi nufa de, idu Sei yaku ruaka rina mina maka vedo.

Ephesus vene 1:1

Na bi Paul, kaere bi Sei di ura dudu Iesu Keriso di nifeidena amiye — Sei di vene Ephesus ri amededi, kaere Iesu Keriso rofu vegu rama rededi, ya rofu bura reida mini:

Ephesus vene 1:4

Kamini oma ma kono bi rina koderi, Sei yaku una auba reyo, ye una bi ini nemokori kikifa ma butigi yokoi de dudu inasa amebigifa. Ini uka mana dudu

Ephesus vene 2:13

Idu ya kaere sena bi gaima iniye, Keriso di dava dudu, ya bi gua Iesu Keriso ri moi atafu riyo.

Ephesus vene 2:15

Ina yaku ini roaitari ago gira ini tabu ago nufa, mina uroro reyo, ye ina dudu mina vene remanu moi yokoi maka resi moi ruaka rigo dada; ye makai uka amuta maro.

Ephesus vene 2:2

Ye mina kono di vegu kana, ya ka makai resi aura di vava di ourefeidena amiye usi digamadi. Mina bi obe rededi vene ideri gua moimai redo vima mini.

Ephesus vene 2:6

Ma ina tau vakoisa una moi dadi rae resi oma sanari, Iesu Keriso sa una moi ameinu reyo.

Ephesus vene 4:1

Mina dada, na Varika amiye di moimai gabireri dibura ameida amiye, ya egira reida ya bi Sei yaku raka niyo di ida buni kana amebiyagane.

Ephesus vene 4:24

ma ya amiye ruaka niyaganedi, kaere bi mokena rorobo ma ago rama di kikifa dudu, Sei kana riyo.

Philippi vene 1:6

Ma rama iniye na diba, kaere yaku mina moimai buni yi ideri kora reyo, bi moi raga rei bogo Iesu Keriso di dairina medari mamo koina nigo.

Philippi vene 2:13

ini adina bi Sei, kaere ya dudu ini moimai redo, ini ada rena buni rofu ura resi moimai reyaganedi.

Colossae vene 1:10

Resi Varika amiye rofu nana rei mona resi ina moi ada rei vau resi vegu buni noibanu dudu, meko varesi Sei di diba ninari tora niyagane.

Colossae vene 3:10

Resi amiye ruaka varuka kana akuyadi. Mina bi ini riyo amiye di vima di diba nina dada, moi ruaka rido.

2 Thessalonica vene 2:17

Ina vene mokena tora dudu yi uka moi gira reyagane. Ma vegu buni resi ago buni nibigedi.

1 Timothy 2:10

Idu Sei nivakena niogau rededi rema vene bi ini vegu buni dudu, veveri ina kaya moi buni riyagane.

1 Timothy 5:10

ma amiye yaku ini vegu buni rofu ni buni rededi: ini mida mida dogo resi yava ika vene gaba resi Sei di vene di yuka koitesi esika esika nufa vene aedesi vegu buni tau gaderi, iniye moi dui regamo dada.

1 Timothy 5:25

Makai kana, reremama buni ka bi erau niyadi, ma erau ni mona de reyadi vegu ka bi moi sui de rigedi.

1 Timothy 6:18

Vegu buni resi reremama buni tau gade resi gugura anarauda resi idana vene rofu rau reyagane.

2 Timothy 2:21

Mina dada, amiye yokoi yaku mina rofu iniye moi ruaka ribigo vonisi, bi moimai tora di yava siua kana nigo. Makai bi amiye tora di moimai rofu moi kikifa resi vegu buni tau gade rofu dogo rego.

2 Timothy 3:17

ye Sei di amiye bi yeiva nisi vegu buni tau gade rofu dogo reyaine.

Titus 2:14

bi kaere yaku vegu no tau rofu, una erufusi iniye rofu amiye moisi moi ruaka riyo, ye vegu buni rena mokena rebigedi.

Titus 2:7

Beika tau rebigiyari, ya kaya ka vegu buni re kumo mina ya vesi ya tari reyaganedi. Ye oteimabigiyari, bi uka di mokena buni ma gira dudu oteima,

Titus 3:1

Amiye tau dudusa nioteima kumo ourefeidena vene ma gavamani vene di vava gabireri amesi ini ago neidegasa moi gira risi beika moimai buni maka regika amebiyagane.

Titus 3:14

Uni vene moimai buni di mokena moi gira risi ari neinei di gugura fore moi negau risi vare tavoi amei tavoi bi ga reyaganedi.

Titus 3:8

Mina sina bi rama sina. Gua ura reida ya bi mina sina besa ni, ye kaere Sei rofu mokena vari gira aeyadi vene bi mokena buni dudu, vegu buni kimo rebigedi. Amiye rofu mina moimai buni di sina bi buni ma amiye tau bi ina dudu buni baku regedi.

Hebrew vene 10:24

Ye gokai uniye uniye uka mana ma reremama buni urana niegira regi mokenadi.

Hebrew vene 13:21

ini ura rena reyaine, beika baika buni tau ya mago. Resi ka moimai ini nemokori bi ini uka moi ada rededi, bi mina uni uka ideri ka rego, Iesu Keriso dudu, kaere bi toga toga vabara maraine! Rama.

1 Peter 2:12

Yi reremama rededi tutubena idana vene di fogori bi kikifa dudu buni maka ameyaine, ye vegu no rededi vene kana no nigediri, yi reremama buni reyadi vei mama resi Sei di dego medari, ini roka moi odoro rigedi.

1 John 1:7

Idu ina bi vabarari amedo kana, ka vabarari amesifa vonisi—makai uniye uniye auta resifa, ma ini Mida Iesu di dava yaku uni vegu no tau noibanu rofu, una moi ruaka rido.

1 John 2:6

kaere yaku nigo bi Sei sa amedo vo nido, bi Iesu Keriso vegu amegamo kana vegu amebiyaine.