Ephesus vene 1:19 - Sei di Uka Ago Ruaka di Buka Bedakai

¹⁹ Ka Sei di vava bi isivaga iniye una mokena vari gira aesifa vene rofu. Mina vava uni ideri moimai redo bi ini vava isivaga iniye mini;

Ephesus vene 1:19 ပူးပေါင်းရင်းမြစ်များ

John 3:6

Roaita yaku bi roaita evata rido, ma Vima yaku bi vima evata rido.

Moimai di vegu 26:18

Na bi ina vene rofu ya nifeideida, nemoko aresi mukunari gutuna vabarari kero resi Satani di vavari gutuna Sei rofu etagae riyagane, ye ini mokena vari gira aena na rofu dudu ini vegu no koite makugo, ma Sei di moi akeke riyo vene di fogori ini sanari amegedi.’

Rome vene 1:16

Na bi ago buni fafau maena de, adina bi Sei di vava, kaere amiye tau mokena vari gira aego, ouresi mina bi Jew vene ma tutubena idana vene ka moi vegu rigo.

2 Corinth vene 4:7

Idu una bi kono kaka urena kana, yeiva de, ini ideri mina gugura buni nufa, ye isivaga iniye vava bi Sei di ma diya una rofu de.

2 Corinth vene 5:17

Mina dada amiye yokoi Keriso sa kake rigo vonisi, bi amiye ruaka Sei yaku riyo. Vegu kori bi tatava niyo; va vefa, amiye bi ruaka niyo!

Ephesus vene 2:10

Adina una bi beika Sei yaku moimai rei vau reyo mini. Iesu Keriso dudu, Sei yaku senagi dogo reyo vegu buni rofu una riyo, ye rebigifa dada.

Ephesus vene 3:20

Kamini gua vava uni ideri moimai redo dada, beika una yaku usa nisifa o mokesifa mina noibanu fafau bi besa besa rego amiye rofu:

Ephesus vene 3:7

Ye na bi mina ago buni di naivo naivo rena amiye niyaka, Sei di buni tora gade maro dada, mina ini vava di moimai rena dudu na maro.

Ephesus vene 6:10

Sina metonari, Varika amiye ma ini isivaga tora iniye di vava dudu toga yeiva refo.

Philippi vene 2:13

ini adina bi Sei, kaere ya dudu ini moimai redo, ini ada rena buni rofu ura resi moimai reyaganedi.

Philippi vene 3:21

kaere mina kono di roaita yau moi idana rigo ma uni roaita yaku ini roaita buni vabara nufa kana nigedi. Adina ini vava dudu, beika baika tau gade ina gabireri raga rededi.

Colossae vene 1:29

Ye mina rofu ka ini reremama rena vava nai ideri moimai redo dudu, moimai regasa duro reida.

Colossae vene 2:12

Ya babatiso reyori, bi inasa vakoi guri aeyadi kana, ye ya mokena vari gira Sei yeiva iniye rofu aeyadi, kaere Keriso muyenari gutuna dadi rae reyo; ma ya ka dadi rae reyo.

1 Thessalonica vene 1:5

adina uni ago buni bi ya rofu ago dudu maka de moi baeyafa, idu vava nufa ka, ma Vima kikifa ma mokena gira iniye dudu. Makai ya ya diba gokai yasa amegamafari, bi vegu reyafa; mina bi yi buni dada.

2 Thessalonica vene 1:11

Mina dada, toga toga ya vene rofu usa usa nisifa. Uni Sei rofu usa usa nisifa, ina yaku ya vene di vegu moi buni reyainedi, vegu buni ya raka niyo amegedi dada. Ina yaku yi vegu buni di ura tau ma mokena vari gira aena di moimai vava dudu moi rama aego.

James 1:18

Ini ura dada, ago rama iniye dudu una odiyo, ye ini beika baika riyo di ourena yabo meko kana una vareyagadu.

1 Peter 4:11

Kaere ago nido bi Sei di ago niyaine; kaere naivo redo bi Sei yaku maro yeiva, mina dudu naivo reyaine, ye mina di gokai tau Iesu Keriso dudu Sei di roka moi odoro rigedi, kaere toga toga bi vabara di ma vava di. Rama.