Ephesus vene 1:17 - Sei di Uka Ago Ruaka di Buka Bedakai

¹⁷ Nai usa nida bi uni Varika amiye Iesu Keriso di Sei, kaere bi vabara di Baba, ina yaku ini Vima ya maraine, ye Vima yaku ya rofu Sei moi ogau rigo; makai bi ya ya diba ina.

Ephesus vene 1:17 ပူးပေါင်းရင်းမြစ်များ

Matthew 11:25

Mina ituari, Iesu yaku niyo, “Baba, oma ma kono di Varika amiye, yi roka moi odoro rida, adina ya bi mina vegu mokena tora vene rofu moi sui risi mokena keika keika vene kaere bi mida mida kana rofu moi ogau riyo.

Matthew 11:27

“Nai Baba yaku beika baika tau na nimaro. Ma amiye yokoi ina toto ini Mida, idu nai Baba maka ina diba. Ma amiye yokoi ka ini Baba toto, ini Mida maka ina diba ma ini Mida yaku ka Sei bi kaere moi ogau rigi ura redo amiye rofu bi rama iniye vegedi.

Matthew 16:17

Ma Iesu yaku nikabai reyo, “Ya Simon, Jonah di mida, ya bi buni tora gade moiyo, adina mina bi amiye yaku ya rofu de niokuyadi, idu nai Baba omari amedo yaku ya maro.

Matthew 20:33

Nikabai reyadi, “Varika amiye, una ura resifa bi dudusa gagani vegifa!”

Matthew 6:13

Ma uka maina regika nivena rofu ga una moi ourefeide, idu amiye no rofu una moi vegu ri.’

Luke 12:12

Adina mina medari, Vima kikifa yaku ya beika ago nigedi mina ya oteimago.”

Luke 2:14

“Oma odoro iniye Sei di roka moi odoro rinadi, kaere mina konori Sei yaku ada redo, bi uka amuta ya rofu mago!”

Luke 21:15

adina na yaku ago ma mokena tora ya magida. Ye yi tuma vene tau bi yi ago kebi rina anua regedi.

John 14:17

Ina bi ago rama di Vima, ye kono tora noibanu di vene de moidedi, adina de vesi diba de nidedi. Idu ya ina diba nidedi, yasa amedo ma yasa ideri amebigo dada.

John 14:26

Idu yi aedena amiye Vima kikifa, kaere nai Baba yaku nai roka dudu nifeidego, yaku beika baika tau gade ya oteimasi beika tau gade ya niyaka, mina ya moi mokei mona rego.

John 16:3

Ma mina regedi nai Baba ma na ina toto dada.

John 17:3

Ma toga toga ameibobina vegu bi mini: ye amiye yaku ya Sei rama maka ma Iesu Keriso kaere nifeideyo, ya remanu diba nidedi.

John 20:17

Ma niyo, “Ga na avaka moi, adina nai Baba rofu bi dairina kode; idu nai dubuiyaka vene rofu disi nioteima, ‘Nai Baba ma yi Baba rofu dadigida, kaere bi nai Sei ma yi Sei.’ ”

Moimai di vegu 6:10

Idu Vima yaku mokena tora Stephen maro, dada ini sina nigamori, bi ina vene yaku ini ago dairi nikabai rena bi anua reyadi.

Moimai di vegu 7:2

Ma nikabai resi niyo, “Usika ourena ma baba vene, na neidefa! Abraham, Haran gaganiri amena koderi bi Mesopotamia gaganiri amegamo. Minari amegamori, bi Sei vabara iniye ina rofu ogau nisi

Rome vene 1:28

Ma beika bi rama, mina dudu Sei rofu mokegi moi kekevata uyadi, ini mokenari Sei di mokena mokei itu reyadi, ye Sei yaku beika rena de vegu mina regi ina vene rofu mokena no ekure reyo.

Rome vene 15:6

Ye ya tau vakoi makai goroka yokoi maka dudu, uni Varika amiye Iesu Keriso di Baba Sei di roka moi odoro riyainedi.

1 Corinth vene 12:8

Amiye yokoi rofu bi Vima dudu mokena vabara ago nina masi yokoi rofu bi diba nina ago nina mado, mina Vima yokoi maka dudu.

1 Corinth vene 14:6

Kamini nai usika ourena, ya rofu baesi ago bouna nisi moi ogau rina ago, o diba nina ago, o Sei di ago o oteimana ago be moi de baegida vonisi, ini buni ya rofu bi beika?

1 Corinth vene 2:10

Idu Sei yaku ini Vima dudu mina una rofu moi ogau riyo. Adina Vima yaku beika baika tau noibanu maina rei mona redo, Sei di sui nina mokena di moka ka.

1 Corinth vene 2:8

Gua ari di ourefeidena vene yokoi mina toto, adina diba niyagadu vonisi, bi vabara nufa Varika amiye satauro ikoko de reyagadu.

2 Corinth vene 12:1

Na toga ni-ika rebigida. Na bi yaduka kana ma beika gabi vata nigedi, Varika amiye rofu sina ago nigida, idu mina rofu beika yokoi de asanu regida.

Ephesus vene 1:3

Uni Varika amiye Iesu Keriso di Baba kaere bi Sei, bi ini roka moi odoro rinadi, kaere bi Keriso dudu oma di gaganiri, vima di buni tora gade noibanu una maro.

Ephesus vene 3:5

Senagi tutubena bouna vene di mida mida yaku mina nisui ago ina toto, gua ini kikifa nifeidena vene ma Sei di ago niyadi vene, Vima dudu moi ogau riyo kana.

Ephesus vene 4:13

Mina bi toga bobigo una tau noibanu baesi mokena vari gira aenari, yokoi maka nisi ma Sei di mida diba ni vau resi Keriso kana, vima dudu tora ni vau regifa mamo.

Philippi vene 3:15

Mina dada una tora noibanu, kaere mokena vabara dudu tora niyafa, bi makai mokenadi; ma beika baika deda rofu mokegedi vonisi, Sei bi mina ya rofu ka nioteimago.

2 Timothy 2:25

Ka bi ina rofu tourage rededi ave nina vegu rorobo reyaine, kamini Sei yaku vegu no feresi moi etagae rina vegu mago baeko, ye makai ago rama diba nigedi.

Titus 1:1

Na Paul, kaere bi Sei di moimai rei tavoi reida amiye, ma Iesu Keriso di nifeidena amiye mina bura reida. Mina reida dada, Sei yaku ini auba reyo vene bi ini mokena vari gira aesi sina rama di mokena moisi Sei ini mokena kana bi regedi. Ye toga toga ameibobina vegu di uka mokena moigifa, goina bi Sei, kaere ofa de nido, bi ari dobau sena nitore reyo.

James 2:1

Nai usika ourena, uni Varika amiye Iesu Keriso, ini vabara torari, ina rofu mokena vari gira aedediri, amiye bedakai rofu maka buni ga refa, idu amiye tau rofu.

2 Peter 1:3

Sei di vava dudu, beika baika tau una maro ye vegu ma Sei di mokena kana, baku resi amegifa. Mina bi uni diba nina mina amiye dudu, kaere vabara ma buni iniye dudu una raka niyo.

2 Peter 3:18

Idu yi beika buni rededi, bi uni Varika amiye ma Moi vegu rina amiye Iesu Keriso di buni tora gade ma diba nina ideri tora nifa. Ini roka moi odoro riyaine, gua ma toga toga! Rama.

Niokuna sina 7:12

nigamadi: “Rama yo! Roka moi odoro rina, vabara, mokena tora, buni tora gade mana, kikifa rena, vava ma yeiva bi toga toga iniye uni Sei di! Rama!”