Colossae vene 3:16 - Sei di Uka Ago Ruaka di Buka Bedakai

¹⁶ Keriso di ago yi ideri vata baesi amesi mokena vabara tau noibanu oteimaragane. Resi Sei di roka moi odoro rina sina, ma usa usa yauta ma vima di kikifa yauta dudu, ya kaya ya kaya ni mama resi yi uka meko ideri, Sei rofu buni tora gade mana dudu yauta niyagane.

Colossae vene 3:16 ပူးပေါင်းရင်းမြစ်များ

Matthew 26:30

Kamini yauta nisi yakusi Olive yabo omuna ikari boyadi.

Luke 2:51

Kamini ini nono babasa Nazareth ri dairiyadi, ma ina vene di ago neidegamo. Ini nono yaku mina vegu tau ini uka ideri moi gira rigamo.

John 15:7

Na ideri amegedi ma nai ago yi ideri amego vonisi, ya ura rededi kana usa usa nifa, ye ya rofu rego.

Rome vene 10:17

Ye mokena vari gira aena bi neidena gutuna moi baedo; ma neidena bi Keriso di ago gutuna moi baedo.

Rome vene 15:14

Nai usika ourena, ya vene dada na na diba, buni tau noibanu bi ya venesa vata baeyo; ya bi diba noibanu nufa ma ya kaya ya kaya oteimagedi.

1 Corinth vene 14:15

Ye na bi beika regida? Nai vima dudu usa usa nigida, ma bi nai mokena dudu ka usa usa nigida; Nai vima dudu yauta nigida, ma nai mokena dudu ka yauta nigida.

1 Corinth vene 14:26

Mina dada, nai usika ourena, ya bi gokai? Egogo regediri, yokoi bi yauta nigo, yokoi bi oteima ago nigo, yokoi bi niogau rena ago nigo, yokoi bi ago bouna o ago bouna di adina ago nigo. Mina beika baika tau noibanu rena bi amiye moi gira reyaganedi.

Ephesus vene 1:17

Nai usa nida bi uni Varika amiye Iesu Keriso di Sei, kaere bi vabara di Baba, ina yaku ini Vima ya maraine, ye Vima yaku ya rofu Sei moi ogau rigo; makai bi ya ya diba ina.

Ephesus vene 5:17

Mina resi ada de kana ga refa, idu Varika amiye di beika ura redo ka diba nifa.

Ephesus vene 5:19

Ya kaya ya kaya Sei di roka moi odoro rina sina, yauta ma vima di kikifa yauta nigasa yi uka meko ideri, Varika amiye rofu kukuroka buni refa.

Ephesus vene 5:26

Ago di koru dudu rafei moi ruaka riyo, ye makai ina rofu moi akeke riyaine.

Colossae vene 1:28

Kamini mina amiye niogau resi amiye tau noibanu rofu ago gira masi mokena vabara noibanu dudu amiye tau noibanu oteimagi afei baesifa, ye amiye tau noibanu Keriso dudu, sena tora niyadi kana oteimagifa dada.

Colossae vene 1:9

Mina dada, bogo ouresi medari ya dada neideyafa mamo bi ya rofu usa usa nina ferena de regamafa; vabara mokena ma Vima di ada yora tau noibanu dudu, ini ura di diba vata baeyaine, mina usa nigamafa.

Colossae vene 4:6

Ramena iruku moi guta redo kana, yi ago toga buni tora gade dudu niyagane, ye ya bi amiye neinei ini ago gokai nikabai regi diba niyagane.

1 Thessalonica vene 1:8

Adina Varika amiye di ago bi ya rofu Macedonia ma Achaia ri maka de yakuyo, yi mokena vari gira aena Sei rofu di sina bi gagani gagani tau ka diba niyadi. Mina resi, minari beika yokoi de nigifa,

1 Thessalonica vene 4:18

Mina resi ya kaya ya kaya mina ago dudu egira rebifo.

2 Thessalonica vene 3:15

Resi tuma amiye yokoi kana ga dogo refa, idu yi dubuini kana mokena dudu, ago buni ni diba refa.

1 Timothy 6:17

Kamini mina gua medari, gugura tau nufa vene ago gira ma negiyagiya ga resi toga de amegedi gugura tau rofu, ini uka mokena ga aeyaganedi, idu Sei rofu aeyaganedi, kaere bi ada regika, beika baika di gugura tau gade una mado.

2 Timothy 3:15

Ma ya kakuari gutuna gua, ya bi Sei di ago kikifa diba nigamo, moi vegu rina mokena vari gira Iesu Keriso aena dudu, mina rofu ya mokena vabara mago mini.

Titus 3:6

Iesu Keriso uni Moi vegu rina amiye yaku beika reyo dada, Sei yaku ini uka noibanu dudu, ini Vima kikifa una fafau moi urafo reyo.

James 1:5

Idu yi fogori amiye bi mokena vabara nufa de vonisi, Sei rofu usa niyagadu, kaere bi amiye noibanu emana rena de dudu rau resi ina mago.

James 3:17

Idu mokena vabara odoro gutuna deyo bi siko vegu no yokoi de nufa, ma uka amuta ma ave nina dudu. Ina yaku nidodi regi maina redo ma iriyeduka ma meko buni bi vata baeyadi. Ma amiye yokoi bi buni ma amiye yokoi bi de, makai kana de nisi vegu rama maka redo.

James 5:13

Amiye yokoi yi fogori bi esika mado ba de? Bi usa usa niyaine. Amiye yokoi ada redo vonisi, bi Sei di roka moi odoro risi yauta niyaine.

1 John 2:14

Nai mida mida, ya rofu bura reida, adina Baba bi ya ya diba. Baba vene, ya rofu bura reyaka, adina ya ya diba kaere bi ini adinari gutuna amei baedo. Godua vene, ya rofu bura reyaka, adina ya bi yeiva, ma Sei di ago bi yasa amedo, ma amiye no uketo reyadi.

1 John 2:24

Beika sina ini adinari gutuna neideyadi, bi yi uka ideri amebiyainedi. Mina ini adinari gutuna neideyadi sina yasa amego vonisi, ya ka Mida ma Babasa amebigedi.

1 John 2:27

Idu Keriso yaku ini Vima ya fafau erausi reyo, ye yasa amedo kana, amiye yokoi yaku ya oteimarainedi mokena de regedi. Idu ini Vima erausi rena bi beika tau ya oteimado; ya rofu oteimaro kana bi rama, ofa yokoi de: inasa amefa.

2 John 1:2

adina mina sina rama bi unasa amedo, ye toga toga unasa amebigo.

Niokuna sina 14:3

Sei ini ourefeidena amena fata fafau ma vegu amededi vene 4 ma tora vene di budari, yauta ruaka nigamadi. Amiye yokoi mina yauta diba de, idu mina amiye 144,000 kaere bi konori voi resi erufuyo, ina maka diba niyadi.

Niokuna sina 15:3

Resi Sei di moimai rei tavoi reyo amiye Moses di yauta ma Mamoe mida di yauta nigamadi: “Yeiva iniye Varika amiye Sei, yi reremama bi tora ma moi tururu rena! Gagani gagani di Kini, yi nana rena ida bi rorobo ma rama!

Niokuna sina 19:10

Ma nivakegi ini yukari yarei neyaka, idu na rofu niyo, “Makai ga re! Na bi ya ma yi usika ourena, kaere Iesu di niokuna ago moi gira ridedi, yasa naivo amiye yokoi. Sei rofu nivake.” Adina Iesu yaku ini niokuna ago, bi ini Vima dudu Sei di ago nidedi vene rofu mado.

Niokuna sina 5:9

Ye yauta ruaka niyadi: “Ya bi buni, ye ya yaku firo rina buka moisi ini vava bura kake rina sogona okugiya, adina ya umuyeyo ma Sei rofu yi dava dudu, rubu, ago idana idana vene, amiye idana idana ma gagani gagani vene tau vanuri amiye voi reyo.