Colossae vene 3:15 - Sei di Uka Ago Ruaka di Buka Bedakai

¹⁵ Resi Keriso di uka amuta yi uka ideri ourefeideyaine; ya ka roaita yokoi maka dudu mina rofu roka niyo dada. Ya ka buni tora gade mabifa.

Colossae vene 3:15 ပူးပေါင်းရင်းမြစ်များ

John 14:27

“Na yaku uka amuta yasa fereida; bi nai uka amuta ya maida. Mina ya maida bi mina kono vene yaku madedi kana de. Yi uka moi kenoka ga resi ori ga refa.

John 16:33

Mina ago ya rofu niyaka, ye na dudu uka amuta baku regedi dada. Konori esika esika iniye moigedi. Idu yi uka moi gira rifa; na yaku kono di vegu ebu reyaka dada!”

Rome vene 1:21

Adina Sei diba niyadi, idu bi Sei kana ini roka moi odoro de risi buni tora gade de maradi. Idu ini mokena bi tavoi tavoi reyo ma ini uka ada de kana.

Rome vene 14:17

Ini adina Sei di ourefeidena amena sana bi diya beika una yaku iri-iri o koru gaga resifa di, idu bi Vima kikifasa mokena rorobo ma uka amuta ma ada rena.

Rome vene 15:13

Kamini Sei kaere bi uka mokena di adina, bi yi mokena vari gira aededi dudu, ada rena ma uka amuta noibanu yi ukari moi vata baeyaine, ye Vima kikifa di vava dudu uka mokena tau tora nina moibigedi dada.

Rome vene 5:1

Mina resi, mokena vari gira aena dudu vegu rorobo niyafa dada, uni Varika amiye Iesu Keriso dudu, una bi Sei sa uka amuta nufa.

1 Corinth vene 10:17

Adina bi beredi yokoi maka, ma una tau noibanu bi roaita yokoi maka, adina mina beredi yokoi maka rau resifa.

1 Corinth vene 7:15

Idu mokena vari gira de aedo amiye yaku ferego vonisi, bi kaini reyaine. Mina ida dudu usika ourena bi erufugo. Sei ya uka amuta rofu raka niyo.

2 Corinth vene 4:15

Adina mina tau noibanu bi ya vene yi buni dada, ye buni tora gade yaku besa besa amiye tau rofu urafo regasa bi Sei di vabara rofu buni tora gade mana moi tora riyaine.

2 Corinth vene 9:11

Gugura tau gade moinari, ya kaya ida tau noibanu dudu gugura tau gade magedi, ye amiye yaku una dudu, buni tora gade Sei rofu magedi.

Ephesus vene 4:16

Ina gutuna mina roaita noibanu bi ini ro, musa ma daru noibanu dudu vakoi egira redo; ini yuka vana tau vakoi ini moimai rei mona redediri, bi roaita yaku tora nido, ye uka mana dudu iniye egira redo.

Ephesus vene 4:4

Roaita bi yokoi maka ma vima ka yokoi maka, ye Sei ya raka niyori, bi uka mokena yokoi maka rofu ka raka niyo.

Ephesus vene 5:1

Mina dada, Sei yaku beika redo mina tari refa, ini uka mado mida mida kana.

Ephesus vene 5:20

Resi beika baika tau noibanu dada, uni Varika amiye Iesu Keriso di roka dudu toga toga Baba Sei buni tora gade mafa.

Colossae vene 1:12

Resi Baba rofu buni tora gade maragane, kaere bi vabarari, Sei di vene biyaguna nina rau regi dada, ya moi buni riyo.

Colossae vene 2:7

Ya beika oteimaro kana, ini ideri gutuna, yi daru feidesi ina fafau, ya kaya akusi mokena vari gira aenari are rei gira refa. Resi buni tora gade mana rofu vata baesi rausi rebiyaine.

Colossae vene 3:17

Resi ago nina o reremama rena, beika tau noibanu regasa Varika amiye Iesu di roka dudu resi ina dudu buni tora gade Baba Sei rofu mabifa.

1 Thessalonica vene 5:18

beika baika tauri Sei rofu buni tora gade mabifa, adina Iesu Keriso dudu mina bi Sei di ura ya rofu.

1 Timothy 2:1

Ye nai egira ago tora iniye bi makai dudu ya niguba reida, amiye tau gade rofu usa usa nisi guriguri nisi guyaguya nigasa buni tora gade ma;

1 Timothy 6:12

Mokena vari gira aena di duro rena buniri, ruda resi toga toga ameibobina vegu moi gira ri; ya bi ina rofu raka niyo ma ka bi ninegau reyadi vene tau gade di nemokori, mina niogau ago buni niyo.

Hebrew vene 13:15

Ye ina dudu ori sisika rena kana, toga toga Sei nivakenadi; mina bi ini roka niogau regi ago mini.

Niokuna sina 7:12

nigamadi: “Rama yo! Roka moi odoro rina, vabara, mokena tora, buni tora gade mana, kikifa rena, vava ma yeiva bi toga toga iniye uni Sei di! Rama!”