Colossae vene 2:5 - Sei di Uka Ago Ruaka di Buka Bedakai

⁵ Adina na bi ya venesa mironari de ameida, idu na bi vima dudu yasa, ma gokai yi vegu rorobo ma are rei gira rena, Keriso rofu mokena vari gira aededi mina vesi ada reida.

Colossae vene 2:5 ပူးပေါင်းရင်းမြစ်များ

Moimai di vegu 2:42

Ari neinei egogo resi nifeidena vene di sina neidegasa usa usa nigasa ma iruku irigasa auta regamadi.

Moimai di vegu 20:21

Jew ma Greece vene rofu sisiba ago ni yeiva resi niyaka, vegu no feresi moi etagae risi Sei rofu kero resi Iesu uni Varika amiye rofu mokena vari gira aeyaganedi.

1 Corinth vene 11:34

Ye amiye yokoi rauna rego vonisi, bi ini yavari iruku iriyaine, ye Sei di kota rena di ida dudu egogo de regedi dada. Mina ago idana dada, baesi ni mama rena ago nigida.

1 Corinth vene 14:40

Idu beika baika tau noibanu bi ida rama dudu rei mona reyagane.

1 Corinth vene 15:58

Mina resi nai uka maida usika ourena, are rei gira resi etagae ga risi Varika amiye di moimairi toga rei mona mona refa, ya ya diba yi moimai Varika amiye dada, bi rei tavoi de rededi dada.

1 Corinth vene 16:13

Nari rei mona resi mokena vari gira aena dudu are rei gira resi ori de dudu amesi yeiva refa.

Colossae vene 2:1

Adina nai ura bi nai duro rena di tora bi gokai ya ma Laodicea ri amededi vene ma amiye tau, kaere nai seira vena kode, rofu diba niyagane.

1 Thessalonica vene 2:17

Idu, usika ourena, neituari ya rofu etagae riyafari—uni mokena bi de, idu uni roaita yaku maka—gokai ya de veyafa ma gokai dudusa ya vegika reyafa!

1 Thessalonica vene 3:8

Ya vene bi Varika amiye ideri are rei gira rededi vonisi, ye rama una gua mamo veguri ameinu regifa.

Hebrew vene 3:14

Adina una yaku siko ori de dudu, mokena buni metonari moi gira rigifa vonisi, ye una bi Keriso sa moimai regifa.

Hebrew vene 6:19

Una bi mina uka mokena nufa bi uka di anika rama ma yeiva kana. Mina dudu ka bi ida biri rina varuka doba di fufutari, Sei nivakena yava ini ideri amedo sanari dui rego.

1 Peter 5:9

Yi mokena vari gira aena egira resi ina rofu are resi gedu mafa; ini adina bi ya diba, mina kono tora noibanuri, yi asiyaka Sei rofu mokena vari gira aena vene ka mina kana esika esika moidedi.

Ruth 1:18

Naomi yaku Ruth veyori, bi inasa dina vata rego, mina resi dairiyainedi ni guba de reyo.