Colossae vene 2:19 - Sei di Uka Ago Ruaka di Buka Bedakai

¹⁹ Ada moi gira de redo, kaere bi roaita tau noibanu di nena ma musa dudu ini yeiva masi moi gogo redo. Kamini Sei yaku moi tora redo ma makai tora nido.

Colossae vene 2:19 ပူးပေါင်းရင်းမြစ်များ

Luke 5:38

Mina dada waini ruaka bi ini ro ruaka ideri aeyaine!

John 17:21

ye ina tau vakoi bae yokoi maka niyaganedi, ya Baba kana; ya bi na ideri ma na bi ya ideri. Una ideri ka ameyagane, ye kono vene ya yaku na rofu nifeideyo, mina rofu mokena vari gira aegedi.

Moimai di vegu 4:32

Mokena vari gira aena vene tau vakoi bi uka ma vima yokoi maka moisi amegamadi. Amiye yokoi yaku ini gugura dada nina de regamo, idu iniye iniye rau regamadi beika tau inasa amegamo bi.

Rome vene 11:17

Idu yabo teteka bedakai moi odesi makuyadiri, ya bi olive yabo tuma di meto kana, yabo teteka bedakai di fogori kake riyo, ma gua olive yabo di daru di iruku inasa rau reisa.

1 Corinth vene 1:10

Kamini uni Varika amiye Iesu Keriso di roka dudu, usika ourena ya egira reida, ya vene tau noibanu ya kaya ya kaya ago moi yokoi maka risi yi utari okuna ga reyaganedi, idu mokena ma ura yokoi makari gobuno reyaganedi.

1 Corinth vene 11:3

Idu na ura reida ya diba nigedi, rumana tau noibanu di ada bi Keriso, ma rema di ada bi rumana, ma Keriso di ada bi Sei.

1 Corinth vene 3:6

Na yaku yoyava varigamaka, ma Apollos yaku koru magamo, idu Sei yaku mina yoyava moi meto bosi tora riyo.

Ephesus vene 1:22

Sei yaku mina beika baika tau noibanu Keriso di yuka gabireri aesi tau noibanu di Varika amiye isivaga iniye kana, ekalesia vene maro.

Ephesus vene 1:23

Mina ekalesia vene bi Keriso di roaita kana; Keriso bi beika tau noibanu ideri amedo ma mina vene bi ina yaku moi vata baena iniye reyo.

Ephesus vene 2:21

Ye mina yava noibanu bi inasa moi yokoi riyo ma Varika amiye nivakena yava kikifa kana tora nidedi.

Ephesus vene 4:3

Gokai uka amuta dudu Vima ya yokoi maka riyori, mina moi gira rigika ura rei gira refa.

Ephesus vene 5:29

Amiye yokoi yaku iniye ini roaita ura de reyo, idu ina yaku iruku masi uka mana dudu dogo redo, Keriso yaku ekalesia vene redo kana,

Philippi vene 1:27

Keriso di ago buni dada, yi vegu amena di ida nari refa, ye na bosi ya vegida ba de vonisi, bi ya fafau ago buni neidegida; ya bi gogo vima yokoi makari are resi mokena yokoi maka dudu, mokena vari gira ago buni rofu aena, mina rofu ruda regedi.

Colossae vene 1:10

Resi Varika amiye rofu nana rei mona resi ina moi ada rei vau resi vegu buni noibanu dudu, meko varesi Sei di diba ninari tora niyagane.

Colossae vene 1:18

Ma roaita kana, ina bi dubu di ada, kaere bi vegu di adina. Ina bi muyenari gutuna siko dadi rae reyo, ye beika baika tau fafau bi ourena amiye.

Colossae vene 2:2

Ye makai ini uka egira reyagane. Kamini uka mana dudu vakoi gogo riyadiri, bi ada yora tau gade di buni vayavaya tau noibanu moisi Sei di sui ago diba niyaganedi; bi Keriso iniye mini,

1 Thessalonica vene 3:12

Varika amiye ya kaya ya kaya ma amiye tau vakoi rofu uka madedi tora nisi rausi reyaine, una yaku ka ya rofu resifa kana.

1 Thessalonica vene 4:10

Ma mina makai Macedonia gagani tauri usika ourena tau vakoi rofu rededi. Idu, usika ourena ya guyaguya nisifa, mina bi besa besa reyaganedi.

2 Thessalonica vene 1:3

Usika ourena, una toga toga ya dada Sei rofu buni tora gade manadi. Makai resifa bi buni, ini adina yi mokena vari gira aena bi tora nido ma ya kaya ya kaya rofu uka mana ka bi tora nido.

1 Peter 3:8

Sina metonari: ya tau vakoi mokena yokoi maka ma iriyeduka refa, usika ourena rofu uka mafa, uka yau ma mokena ave nifa.

2 Peter 3:18

Idu yi beika buni rededi, bi uni Varika amiye ma Moi vegu rina amiye Iesu Keriso di buni tora gade ma diba nina ideri tora nifa. Ini roka moi odoro riyaine, gua ma toga toga! Rama.