Colossae vene 2:10 - Sei di Uka Ago Ruaka di Buka Bedakai

¹⁰ Ma ya bi ini ideri vata baeyo, kaere bi ourefeidena ma vava nufa vene noibanu di adina amiye.

Colossae vene 2:10 ပူးပေါင်းရင်းမြစ်များ

Matthew 28:18

Ma baesi niyo, “Oma ma konori vava tau vakoi bi na maro.

John 1:16

Kamini una tau vakoi Ini vabara tora gutuna uni buni tora gade moi tanu resi moiyafa.

1 Corinth vene 15:24

Mina usi vima di varika, ourefeidena vene ma vava nufa vene tau noibanu moi no risi Sei di ourefeidena amena sana Baba Sei yaku magori, bi ari bi koina nigo mini.

Ephesus vene 3:10

Ye gua oma sanari amededi ourefeidena vene ma vava nufa vene yaku ekalesia vene dudu, Sei di mokena vabara bouna bouna diba niyaganedi.

Ephesus vene 3:19

Keriso di uka mana diba nina ebu redo, mina ka diba niyaganedi, ye Sei di noibanu yaku ya moi vata baeyaine.

Colossae vene 2:15

Keriso bi satauro fafau mina ourefeidena vima ma vava nufa vima ini iya rena gugura moi etagae risi ariara ebu resi moi maena reyo.

Colossae vene 3:11

Ye minari tutubena idana amiye o Jew amiye bi de, roaita nugana o roaita de nugana bi de, okina amiye o vabara moina de amiye bi de, moimai rei tavoi redo amiye o erufuna amiye bi de, idu Keriso bi tau noibanu ma tau noibanu di ideri amedo.

Hebrew vene 5:9

Ini vegu Sei di ura tau gade dada niyori, ina bi toga toga ameibobina vegu mina moi vegu rina di adina niyo, ini ago neidebigedi amiye tau rofu,

1 Peter 3:22

kaere bi omari boyo ma naivo naivo vima, ourefeidena vene ma vava nufa vene ini vava gabireri, Sei di vana rama eta rofu ameinu reyo.