Colossae vene 1:7 - Sei di Uka Ago Ruaka di Buka Bedakai

⁷ Mina bi uni uka masifa unasa vakoi moimai rei tavoi redo amiye Epaphras ya oteimaro kana. Ina bi vegu ramari, Keriso di naivo redo amiye ya dada.

Colossae vene 1:7 ပူးပေါင်းရင်းမြစ်များ

Matthew 18:29

Ye ini vakoi moimai rei tavoi redo amiye bi ini efuka kono meimisi usa niyo, ‘Na toro re, yi fore moiyaka bi ya rofu moi dairigida!’

Matthew 24:45

“Ye kaere bi vegu rama resi mokena tora nufa moimai rei tavoi redo amiye ini varika amiye yaku vava maro, ini yava nari regi moimai rei tavoi rededi vene di iruku ini meda ramari rau rego.

Matthew 25:21

Ma niyo, ‘Rei mona reyo; ya bi nai vana rama moimai rei tavoi reisa amiye buni! Beika keika ya maraka bi nari rei mona reyo dada, beika tau nari reyainedi ya magida. Baesi yi varika amiyesa ada regasa amebi!’

1 Corinth vene 4:17

Mina resi Timothy, kaere bi Varika amiye dudu, nai uka maida mida ma vegu rama redo amiye, ya rofu nifeideyaka; nai oteimana vegu gagani gagani tau noibanuri, dubu tau gaderi reida, Iesu Keriso dudu mina ya oteimago, ye mina dada mokegedi.

1 Corinth vene 4:2

Mina kana moimai rededi vene maina renari, bi vegu rama rededi vene kana veifategori bi buni.

1 Corinth vene 7:25

Kamini mena de vene dada bi Varika amiye rofu ago gira yokoi de moiyaka, idu amiye yokoi kana, kaere bi Varika amiye di iriyeduka dudu vegu rama reida, na yaku nai mokena ya maida.

2 Corinth vene 11:23

Ina bi Keriso di naivo rededi vene ba?—Mina ago nida bi mokena forovai kana dudu nida—Na moimai reyaka bi ini moimai reyadi odoro. Uru tau gade ka na moi dibura aeyadi, idu ina bi uru tau de maka. Uru tau gade na buburu vai reyadi, idu mina bi uru tau de maka. Uru tau gade na umuyegi reyadi.

Ephesus vene 5:21

Keriso di ori dudu ya kaya ya kaya ekure rebifa.

Philippi vene 2:25

Idu, mokeyaka buni bi Epaphroditus ya rofu nifeidegida, kaere bi nai dubuini, uni vakoi moimai ma ruda resifa amiye, ma yi nifeidena amiye kaere na aededo.

Colossae vene 4:12

Epaphras, Iesu Keriso di moimai rei tavoi redo amiye, kaere bi yi amiye yokoi, yuata ya nifeidedo. Ina toga toga ini usa usa ninari ya dada duro redo, ye Sei di ura tau noibanu diba ni vau resi tora ninari, are rei gira reyagane.

Colossae vene 4:7

Tychicus yaku nai beika baika tau noibanu ya nioteimago. Ina bi uni uka masifa dubuini ma vegu rama rena naivo redo amiye ma Varika amiye di moimai rei tavoi rena amiye kana unasa auta redo.

Colossae vene 4:9

Ina bi Onesimus sa, kaere bi uni vegu rama rena uka masifa dubuini ma ya gobuno amiye yokoi. Ina roada yaku beika baika tau noibanu minari vata niyadi, mina ya nioteimagedi.

1 Timothy 4:6

Mina kana sina usika ourena rofu nioteimagiya vonisi, ya bi Iesu Keriso di naivo reisa amiye buni yokoi. Resi mokena vari gira aena di ago ma oteimana ago buni usi digamo, mina dudu sikuru redo mini.

2 Timothy 2:2

Resi beika na yaku niyaka ma ninegau reyadi vene tau gade di nemokori neideyo, mokena vari gira aededi vene rofu nima, kaere ka bi amiye bouna rofu mina oteimagedi.

Philemon 1:23

Nai asini Epaphras, kaere bi Iesu Keriso dada nasa dibura yava ideri amedo, ya vene rofu ini yuata nifeidedo.

Hebrew vene 2:17

Mina dada ida tau gaderi, ini usika ourena kana riyainedi, ye iriyeduka rena ma vegu rama rena resi Sei ma amiye utari naivo amiye tora nisi Sei naivo reyaine amiye di vegu no koite makuna di obini kana dada.

Hebrew vene 3:2

Iesu yaku ina abidi reyo amiye rofu vegu rama reyo, Moses ka Sei di yava vene tauri naivo regi vegu rama regamo kana.