Colossae vene 1:23 - Sei di Uka Ago Ruaka di Buka Bedakai

²³ Ye mokena vari gira toga aesi ya kaya nitugi resi are rei gira resi mina neideyadi ago buni di uka mokena gutuna moi etagae de rigedi vonisi, mina bi ogau nigedi. Mina ago buni bi oma gabireri beika baika noibanu riyo, mina rofu nirausi reyo, ma na Paul, na bi ini naivo reida amiye niyaka.

Colossae vene 1:23 ပူးပေါင်းရင်းမြစ်များ

Mark 16:15

Ma niyo, “Disi kono tora noibanuri, ago buni Sei yaku riyo vene tau gade rofu nirausi refa.

Luke 22:32

Idu ya dada usa usa niyaka, yi mokena vari gira aena mina ga yareyaine, ye na rofu dairigiyari, bi yi asiyaka vene egira re.”

Luke 6:48

Ina bi amiye yokoi yava akugamo kana, kono goesi guri iniye resi fore fafau ini yava moi are reyo. Kamini abata deyori, koru yaku nesi ini yava uyori, de moi kita reyo, adina mina yava bi aku mona reyo dada.

John 15:6

Yokoi yaku nai ideri de amego vonisi, bi teteka you makugo ma abiye nigo kana; ye teteka moi egogo resi itari you negedi ma vaigedi.

Moimai di vegu 1:17

Judas ka uni amiye yokoi, adina Iesu ina rofu uni moimairi mokeyo dada.”

Moimai di vegu 1:25

adina oteimana moimai rego dada. Adina bi Judas ini moimai feresi ini amena sanari diyo.”

Moimai di vegu 1:8

Idu Vima kikifa yaku ya vene fafau desi vava ya mago. Ma Jerusalem ri, Judea ma Samaria gagani tauri ma ka mina kono tora noibanu di gagani maike torari nai roka ninegau regedi.”

Moimai di vegu 11:23

Sei yaku amiye rofu buni tora gade maro, mina desi veyori, bi ada resi ina vene nigira reyo, ini uka noibanu dudu Varika amiye usi baeyaganedi.

Moimai di vegu 14:22

Usi dina vene egira resi niyadi bi rama iniye dudu ini mokena vari gira aena amebiyaganedi. Yomakai oteimaradi, “Sei di ourefeidena amena sana dui regika bi toe tau tora moigifa.”

Moimai di vegu 2:5

Mina ariri Jew vene bi Jerusalem ri amegamadi, gagani gagani tau noibanu kono tora noibanu vene kaere bi Sei rofu nivakegamadi.

Moimai di vegu 20:24

Ye na kaya nai vegu bi beika rama mokei tora ide regida. Nai ura bi nai raga reida di moimai, Iesu Varika amiye yaku na maro, mina maka moi koina regida. Mina bi Sei ini buni tora gade di ago buni niokuna.

Moimai di vegu 26:16

Dadisi are re. Ya rofu ogau niyaka ini adina bi nai naivo amiye kana ya abidi regida. Ya bi beika gua na rofu veyo ma beika gabi ya rofu oteimagida mina amiye bouna rofu nigiya.

Moimai di vegu 4:12

Moi vegu rina bi Iesu rofu maka baku regifa; adina bi Sei yaku kono tora noibanuri roka yokoi una moi vegu rigika de maro.”

Rome vene 10:18

Idu nikaiteida: bi mina sina de neideyadi ba? Rama iniye neideyadi—ini adina: “Ini goroka bi kono tora noibanuri urafo rei diyo; ini ago kono di metonari boyadi.”

Rome vene 15:16

Iesu Keriso di naivo amiye na riyo. Ye makai Sei di ago buniri, Sei ma amiye utari naivo redo amiye di moimai tutubena idana vene rofu moimai regida; ye Sei yaku tutubena idana vene di ori sisika rededi nimago, Vima kikifa dudu moi kikifa regori.

Rome vene 2:7

Amiye kaere vegu buni renari, are rei gira rena dudu vabara, kikifa rena ma moi no de rena, mina maina rededi, Sei bi ina vene rofu toga toga ameibobina vegu mago.

Rome vene 5:5

Ma mina uka mokena yaku una moi maena de aedo, adina Sei di uka mana bi uni uka meko ideri rausi reyo, Vima kikifa dudu, kaere bi una maro.

1 Corinth vene 15:58

Mina resi nai uka maida usika ourena, are rei gira resi etagae ga risi Varika amiye di moimairi toga rei mona mona refa, ya ya diba yi moimai Varika amiye dada, bi rei tavoi de rededi dada.

1 Corinth vene 3:5

Ye Apollos bi kaere? Ma Paul bi kaere? Una bi Varika amiye ini moimai nimaro naivo resifa vene; uni moimai dudu mokena vari gira aeyadi:

2 Corinth vene 10:1

Na Paul, ya niegira reida—na kaere bi yi fogori ave nida, idu ya ferei gaima reidari bi ori de dudu ameida, vo nidedi. Keriso di uka ave ma amuta dudu

2 Corinth vene 11:23

Ina bi Keriso di naivo rededi vene ba?—Mina ago nida bi mokena forovai kana dudu nida—Na moimai reyaka bi ini moimai reyadi odoro. Uru tau gade ka na moi dibura aeyadi, idu ina bi uru tau de maka. Uru tau gade na buburu vai reyadi, idu mina bi uru tau de maka. Uru tau gade na umuyegi reyadi.

2 Corinth vene 3:6

kaere uka ago ruaka di naivo rededi vene di yeiva una maro, diya bura rena dudu, idu Vima dudu. Ini adina bi bura reyo ago gira yaku muyena moi baedo, idu Vima yaku vegu mado.

2 Corinth vene 4:1

Mina dada, Sei di iriyeduka dudu mina reremama moiyafa, ye uni uka bi yau de niyadi.

2 Corinth vene 6:1

Una bi vakoi Sei di moimai resifa vene, ye una yaku ya niguba resifa Sei di buni tora gade una maro, bi ga tovo ni tavoi reyaine.

Galatia vene 4:11

Na ori reida ida yokoiri ya rofu moimai rei tavoi reyaka baeko.

Galatia vene 5:5

Adina bi Vima ma mokena vari gira aena dudu, Sei di mokena rorobo bi uka mokena dudu uka dadisi tua resifa.

Galatia vene 5:7

Yi vima dudu raga rei mona regamadi! Kaere amiye yaku ago rama neidegi ya kebi reyadi?

Galatia vene 6:9

Ye vegu buni renari, roaita bi kosika ga renadi, adina bi youfeidena de regifa vonisi, bi ini meda baegori butu regifa.

Ephesus vene 1:18

Na usa usa nida bi yi mokena moi vabara riyaine, ye uka mokena ya rofu raka niyo, mina diba niyagane; gokai ini nitore reyo ago buni tora gade ini vene rofu bi beika baika tau nufa.

Ephesus vene 2:21

Ye mina yava noibanu bi inasa moi yokoi riyo ma Varika amiye nivakena yava kikifa kana tora nidedi.

Ephesus vene 3:17

Ye mokena vari gira aena dudu, Keriso yi uka ideri amebiyaine ma ya bi uka mana daru feidei nededi kana, are rei gira reyagane.

Ephesus vene 4:16

Ina gutuna mina roaita noibanu bi ini ro, musa ma daru noibanu dudu vakoi egira redo; ini yuka vana tau vakoi ini moimai rei mona redediri, bi roaita yaku tora nido, ye uka mana dudu iniye egira redo.

Colossae vene 1:25

Ma Sei yaku moimai ya dada na maro, ye ini naivo reida amiye kana niyaka; mina moimai bi Sei di ago moi diba ni vau regida.

Colossae vene 2:7

Ya beika oteimaro kana, ini ideri gutuna, yi daru feidesi ina fafau, ya kaya akusi mokena vari gira aenari are rei gira refa. Resi buni tora gade mana rofu vata baesi rausi rebiyaine.

1 Thessalonica vene 3:3

ye mina esika esika yaku ga ya moi no riyainedi. Ya ya diba mina deda vegu bi Sei di mokenari baegedi.

1 Thessalonica vene 3:5

Mina dada, toga de amegasa nari regidari, Timothy nifeideyaka yi mokena vari gira aena bi gokai mina. Na bi ori reyaka be bi Satani yaku ya yi uka maina regi nivegori, uni moimai reyafa bi tavoi tavoi rego baebu!

1 Thessalonica vene 5:8

Idu una bi ariu vena di vene, mina ye uniye uni yuka vana nari resi mokena vari gira aena ma uka mana mina uni kokoba mari kana aebinadi, ma Sei di moi vegu rina di uka mokena bi ada bou kana aenadi.

2 Thessalonica vene 2:16

Gua uni Varika amiye Iesu Keriso ma uni Baba Sei, kaere bi una rofu uka madedi, bi buni tora gade dudu toga toga ameibobina di mokena tora ma uka mokena buni una maradi.

1 Timothy 1:12

Na bi uni Varika amiye Iesu Keriso rofu buni tora gade maida, kaere bi yeiva na maro. Adina ina yaku mokesi bi mokena vari gira na rofu aego, mina naivo regi na auba reyo.

1 Timothy 2:7

Mina makai Sei yaku niogau amiye, nifeidena amiye ma mokena vari gira aena ma ago rama dudu, tutubena idana vene di oteimana amiye kana, na auba reyo. Ago rama nida; ofa ago de nida!

1 Timothy 3:16

Ye Sei di sui ago bi tora yo nisifa: Amiye di roaita dudu ogau niyo, ma Vima yaku ina bi rama mina nioteimaro, ma Sei di naivo naivo vima yaku veyadi. Gagani gagani di vene di fogori ago nirausi reyadi, ma kono tora noibanu vene mokena vari gira ina rofu aeyadi, ma vabara dudu omari afei boyo.

Titus 3:7

Ye makai dudu, uni vegu bi rorobo niyo, ini buni tora gade dada, ma toga toga ameibobina vegu di uka mokena moinari, bi ini mida mida nigifa.

Hebrew vene 10:38

Ye nai mokena rorobo amiye yaku mokena vari gira aena dudu vegu amego; idu fufuta na mago vonisi, ina rofu uka ada de regida.”

Hebrew vene 3:14

Adina una yaku siko ori de dudu, mokena buni metonari moi gira rigifa vonisi, ye una bi Keriso sa moimai regifa.

Hebrew vene 3:6

Idu Keriso bi mida kana, Sei di yava fafau ini moimai regi vegu rama redo. Ma ori de dudu, uni mokena buni ma uni uka mokena nivasina rena moi gira rigifa vonisi, ye una bi ini yava.

Hebrew vene 4:14

Ye uni niogau rena ago mina moi gira rinadi, ini adina una bi uni Sei ma amiye utari naivo amiye tora iniye nufa, kaere omari yavoi rei boyo. Ina bi Iesu, Sei di mida.

Hebrew vene 6:19

Una bi mina uka mokena nufa bi uka di anika rama ma yeiva kana. Mina dudu ka bi ida biri rina varuka doba di fufutari, Sei nivakena yava ini ideri amedo sanari dui rego.

1 Peter 1:3

Buni tora gade Sei uni Varika amiye Iesu Keriso di Baba rofu manadi! Ini iriyeduka tora gade dada ,dudusa vata nina vegu una maro, Iesu Keriso muyenari gutuna dadi rae reyo ida dudu. Mina bi toga amei baena di uka mokena una vata baeyo.

1 Peter 1:5

Mina bi ya rofu, yi mokena vari gira aena dudu, Sei yaku ini vava dudu nari rei mona redo ma yi moi vegu rina di ari di metonari, ya rofu ogau nigi dogo reyo.

1 John 2:27

Idu Keriso yaku ini Vima ya fafau erausi reyo, ye yasa amedo kana, amiye yokoi yaku ya oteimarainedi mokena de regedi. Idu ini Vima erausi rena bi beika tau ya oteimado; ya rofu oteimaro kana bi rama, ofa yokoi de: inasa amefa.

Niokuna sina 2:10

Beika baika dada esika esika moigi rofu bi ori ga refa. Neidefa, yi uka maina regika Bodaka yaku ya bedakai dibura yavari ya aego ma meda 10 ri toe moigedi. Gokai muyena tumu nigo, idu na rofu are rei gira re ma na yaku vegu ameibobina di obini ya magida.