Colossae vene 1:19 - Sei di Uka Ago Ruaka di Buka Bedakai

¹⁹ Adina Sei ini Mida ideri, iniye kana vata bae vau resi amedo vegasa ada regamo.

Colossae vene 1:19 ပူးပေါင်းရင်းမြစ်များ

Luke 10:21

Mina meda nemokori, Vima kikifa yaku Iesu di uka ada dudu vata baeyo ma niyo, “Baba, oma ma kono di Varika amiye, yi roka moi odoro rida, adina ya bi mina vegu mokena tora vene rofu moi sui risi mokena keika keika vene kaere bi mida mida kana moi ogau riyo. Baba, yi ukari mokeyo kana, makai vata niyo.

John 1:16

Kamini una tau vakoi Ini vabara tora gutuna uni buni tora gade moi tanu resi moiyafa.

John 3:34

Adina Sei yaku nifeideyo amiye bi ini ago nido, Sei yaku Vima di beika baika tau gade mado dada.

1 Corinth vene 1:21

Adina kono tora noibanu amededi vene bi Sei di mokena vabara dudu bi Sei toto, ye amiye di mokenari bi forovai rena ago kana nirausi reyafa, mina dudu Sei di mokenari, bi buni mokena vari gira aededi vene moi vegu rigo.

Ephesus vene 1:23

Mina ekalesia vene bi Keriso di roaita kana; Keriso bi beika tau noibanu ideri amedo ma mina vene bi ina yaku moi vata baena iniye reyo.

Ephesus vene 1:3

Uni Varika amiye Iesu Keriso di Baba kaere bi Sei, bi ini roka moi odoro rinadi, kaere bi Keriso dudu oma di gaganiri, vima di buni tora gade noibanu una maro.

Ephesus vene 1:5

senagi nirorotari reyo bi Iesu Keriso dudu ini mida mida kana, una vadema aego—mina bi ini nirorotari rena buni di ura dada.

Ephesus vene 4:10

Mina neyo amiye, ina yaku ka bi mina oma tau noibanu odoro iniye boyo, ye beika baika tau noibanu, ini vima dudu moi vata baeyainedi dada.

Colossae vene 2:3

ma mokena vabara ma diba nina di gugura buni tau noibanu bi ini ideri moi sui rido.

Colossae vene 2:9

Adina Keriso di roaita ideri, Sei di vegu noibanu vata baesi amedo.

Colossae vene 3:11

Ye minari tutubena idana amiye o Jew amiye bi de, roaita nugana o roaita de nugana bi de, okina amiye o vabara moina de amiye bi de, moimai rei tavoi redo amiye o erufuna amiye bi de, idu Keriso bi tau noibanu ma tau noibanu di ideri amedo.