2 Timothy 4:4 - Sei di Uka Ago Ruaka di Buka Bedakai

⁴ Resi ina vene bi ago rama rofu ini anema moi etae risi sisina di sina tavoi tavoi neidebigedi.

2 Timothy 4:4 ပူးပေါင်းရင်းမြစ်များ

Matthew 13:15

ini adina mina vene di uka bi gira iniye, ma ini anema kebi risi neidena de resi ini nemoko muguna reyadi. Bi ini nemoko dudu vesi ini anema dudu neidesi ini uka dudu diba nigedi baebu, ye na rofu kero regedi ma na yaku moi buni rigida.’

Moimai di vegu 7:57

Ye kanisoro vene goroka tora dudu ababa nisi ini vana dudu ini anema fafa riyadi. Resi bi ina tau vakoi minari Stephen rofu gogo raga boyadi.

2 Thessalonica vene 2:11

Mina dada, Sei yaku ofa ma forovai mokena moi feidedo, ye ofa vegu rena rofu kamini mokena vari gira aegedi.

1 Timothy 1:4

Ka bi sisina sina ma bobada vene di roka maina maina rena sina ga mokeyaganedi. Adina mina bi tavoi tavoi rena di kayamo moi vata ridedi ma Sei di moimai mokena vari gira aena dudu bi koina.

1 Timothy 4:7

Idu rei tavoi tavoi sisina sina, Sei di vegu kana de, bi egavoi resi Sei di mokena kana ya kaya sikuru re.

1 Timothy 6:20

Timothy o, beika mokena vari gira aena dudu Sei ya maro, mina nari resi ada de kana moke moke, kayamo no ma ofa ago dudu nidedi bi “mokena vabara” mina egavoi re.

2 Timothy 1:15

Ya ya diba Asia gaganiri vene tau noibanu bi na ferei tavoi reyadi, Phygelus ma Hermogenes ka.

Titus 1:14

ma Jew vene di sisina sina rofu o kaere ago gira rama rofu fufuta madedi vene di sina rama rofu, di anema aena ga reyagane.

Hebrew vene 13:25

Sei di buni tora gade bi ya tau vakoisa ameyaine.

2 Peter 1:16

Uni Varika amiye Iesu Keriso di vava dudu, ini baedo di sina ya niyafari, bi ofa sina amiye yaku nidedi ini rama yokoi ,mina ya rofu niogau de reyafa dada. Idu uniye uni ne dudu ini vabara buni ne rei veyafa.