2 Timothy 4:16 - Sei di Uka Ago Ruaka di Buka Bedakai

¹⁶ Ouresi nai vegu nigira regi na kota reyori, amiye yokoi yaku na aedegi de okiyo, idu amiye tau noibanu bi na feresi diyadi. Ina rofu bi toe ga iki maraine!

2 Timothy 4:16 ပူးပေါင်းရင်းမြစ်များ

Mark 14:50

Ye amiye tau vakoi bi feresi ori diyadi.

Luke 12:11

“Ye usa usa yavari, gavana, o ourefeidena vene di nemokori, kota regi ya moi erokoko regediri, yi mokena toe ga moiyagane, gokai sina nigedi o gokai nikabai regedi rofu.

John 16:32

Ari bi baedo ma sena baeyo, ya yokoi yokoi bi yi rautu rauturi rerevaida nisi na feregedi. Idu na bi naike maka de, adina Baba bi nasa mini.

Moimai di vegu 22:1

“Nai usika ourena ma nai madiyaka vene, na ura reida ya vene rofu na kaya nigira regida; yi anema na mafo!”

Moimai di vegu 25:16

Idu ina vene rofu niyaka una Rome vene di ida bi, amiye ini no nitourage rofu bi kota de rego bogo, ini nemokori ini no nitourage rededi vene egogo resi iniye nigira rego mamo.

Moimai di vegu 7:60

Ini efuka meimisi goroka tora dudu ababa nigasa niyo, “Varika amiye, mina vegu no rededi bi ini kaunava mana mokena bi ga moi!” Mina nisi muyeyo.

1 Corinth vene 13:5

Uka mana bi ni no de redo; bi iniye ini buni maina de redo ma amiye vegu no ina rofu renari, bi mokena de redo; ka evade gubuyo de redo.

1 Corinth vene 9:3

Amiye na emadediri, mina bi gokai na kaya nigira reida:

2 Corinth vene 7:11

Vefa kumo, ini adina gokai Sei rofu iriyeduka reyadi. Ye vegu rama resi yi vegu bi buni oteimagi ura reyadi. Resi mina sena vegu rofu gubuyo resi Sei ori resi uka dadina dudu, vegu rama resi mokei tora resi obini moigi ura regamadi! Ye vegu tau noibanuri, ya mina rofu oteimaradi ya bi vegu no nufa de.

Philippi vene 1:17

Bedakai vene bi ebu regika ruda rena dudu Keriso niokudedi, uka buni dudu de, idu mokededi bi nai diburari amebinari, esika na magedi.

Philippi vene 1:7

Nai amutena ya rofu bi rama, adina ya vene bi toga toga nai mokenari! Adina ya tau vanu bi Sei di buni tora gade nasa rau reyadi, na gua dibura yavari ameida ma na ka etofarori, ago buni moi odoro risi egira regamakari.

2 Timothy 1:15

Ya ya diba Asia gaganiri vene tau noibanu bi na ferei tavoi reyadi, Phygelus ma Hermogenes ka.

2 Timothy 4:10

Adina Demas bi mina kono di vegu uka masi na ferei disi Thessalonica ri boyo. Ma Crescens bi Galatia ri diyo ma Titus bi Dalmatia ri diyo.

2 Timothy 4:15

Ya ka ina rofu vei mona re, adina uni oteimana ago rofu una tourage rei mona reyo.

1 Peter 3:15

Idu yi ukari Varika amiye Keriso moi kikifa rifa. Ari tau bi toro dudu amefa, ye amiye yaku yi uka mokena yi ideri ini rama ya nikaitegori, mina bi nikabai resi nirorotari refa.