2 Timothy 3:5 - Sei di Uka Ago Ruaka di Buka Bedakai

⁵ etofarori bi Sei di mokena kana, idu ini vava fufuta magedi. Mina kana kana amiye rofu egaima ri.

2 Timothy 3:5 ပူးပေါင်းရင်းမြစ်များ

Matthew 7:15

“Sei di ago nidedi ofa vene vei mona regasa amebifa. Ya rofu bi mamoe di varuka akusi baegedi, idu ini uka ideri bi sufa gadeva auna no iniye iniye.

Ephesus vene 4:14

Ye ureure tafo resi bouti moi etagae ridedi kana, oteimana ago tau noibanu di aura ufu rededi kana, amiye di aonega dudu, ma ofa ofa oteimana ago dudu eru redo, mina tau rofu dudusa mida kakua kana ga rebinadi.

2 Thessalonica vene 3:14

Amiye yokoi yaku mina ago fefari ya rofu moi feidesifa de neidego vonisi, beika redo vesi ina rofu ga bofa; maena reyainedi.

2 Thessalonica vene 3:6

Usika ourena, uni Varika amiye Iesu Keriso di roka dudu ya ago gira nisifa mini, uni usika ourena be, kaere bi moimai de rena amededi vene, ma kaere bi oteimana ago marafa bi de neidededi, mina kaiba ga refa.

1 Timothy 4:7

Idu rei tavoi tavoi sisina sina, Sei di vegu kana de, bi egavoi resi Sei di mokena kana ya kaya sikuru re.

1 Timothy 4:8

Adina roaita moi yeiva rena di buni bi keika maka, idu ida tau noibanuri, Sei di mokena kana rena bi buni tora gade, adina bi gua ma gabi vegu amena di nitore rena ago moi gira rido.

1 Timothy 5:8

Idu kaere amiye ini usika ourena aedena de resi ini yava vene aede mona de rego vonisi, bi mokena vari gira aena moi sui riyo ma ini no bi mokena vari gira de aedo amiye di no bi ebu redo.

1 Timothy 6:5

ma toga toga gubuyo rei baena. Mina kana vene bi mokena no nufa, vegu no resi ago rama bi fereyadi, ye ini mokenari, Sei di mokena kana rena, bi moni moina di ida mini.

2 Timothy 2:16

Idu Sei rofu ni tavoi tavoi ago bi egavoi re, adina mina yaku amiye Sei rofu besa besa moi gaima rido.

2 Timothy 2:23

Resi forovai ma ada yora de kayamo ago egavoi re, adina ya ya diba mina dudu ruda moi evata rido.

Titus 1:16

Ina iniye nikake redo bi Sei ina diba, idu ini reremama rededi yaku nido ina bi Sei ina toto. Sei yaku ini vegu no ura de iniye rededi, ma Sei di ago gira neidena ura de resi beika buni rena bi de rededi.

Titus 3:10

Ekalesia vene moi etagae risi nanaka redo amiye bi ouresi ago gira ni; ya neidena de regori, bi dudusa ago gira ni. Mina de ya neidegori, bi kaini ferei tavoi re.