2 Timothy 3:16 - Sei di Uka Ago Ruaka di Buka Bedakai

¹⁶ Sei di ago tau gade bi Sei yaku amiye di mokenari aeyo. Ina ini vava bi nioteimana, nirorotari rena, emana ma mokena rorobo dudu sikuru rena rofu,

2 Timothy 3:16 ပူးပေါင်းရင်းမြစ်များ

Matthew 13:52

Ye ina vene rofu niyo, “Mina dada ago gira oteimana vene neinei kaere Sei di ourefeidena amena sana omari usi dina vene niyadi, bi yava di varika amiye kaere bi ini gugura buni fogori gugura ruaka ma gugura kori moi yakudo kana.”

Matthew 21:42

Iesu niyo, “Ya bi toga Sei di agori bura veyadi ba? ‘Yava akuna vene moi kekevata uyadi fore bi yava moi gira redo fore iniye niyo. Mina bi Varika amiye yaku reyo; ma uni nemokori bi buni vayavaya!’

Matthew 22:43

Ina vene rofu niyo, “Gokai resi David yaku Vima kikifa di vava dudu ‘Varika amiye’ vo niyo? Ye makai niyo,

Matthew 26:54

Idu makai regidari, Sei di ago bi gokai rama aego, ini niyo kana mina tau bi makai dudu vata niyaine?”

Matthew 26:56

Idu mina beika tau bi vata niyadi, ye beika Sei di ago niyadi vene yaku bura reyadi bi bae rama aeyainedi.” Mina usi ini usi dina vene tau vakoi bi feresi ori diyadi.

Mark 12:24

Ma nikabai reyo, “Ya forovai rededi ba, Sei di ago ma ini vava ya ya toto dada?

Mark 12:36

David iniye Vima kikifa di vava dudu niyo: ‘Varika amiye yaku nai Varika amiye rofu niyo: Nai vana rama eta rofu ameinu re bogo na yaku yi tuma vene yi yuka aena sana kana rigida mamo.’

John 10:35

Ye Sei yaku ina vene, kaere ini ago maro, bi ina rofu bi sei vene vo niyo. Ma Sei di ago odegi anua rego.

John 3:20

Adina amiye tau gade kaere vegu no moi raga rededi bi vabara fufuta masi negau de baegedi, ini vegu erau nigedi baebu.

Moimai di vegu 1:16

“Usika ourena vene, Sei di agori beika bura reyadi mina rama niyo bi Vima kikifa yaku David di venari Judas rofu niyo kana: Ina yaku Iesu moi gira reyadi vene moi ourefeideyo.

Moimai di vegu 18:25

Amiye bedakai yaku Varika amiye di ida oteimaradi ma ini ago ka vava nufa Iesu di vegu bi amiye ida rorobo dudu maka oteimagamo. Idu ina bi John di babatiso rena maka ina diba.

Moimai di vegu 20:20

Ya ya diba yi yava neinei ma amiye di nemokori ago niokusi oteimaraka bi buni tau ya aedeyainedi ya maraka.

Moimai di vegu 20:27

Ini adina bi Sei ini mokedo ago noibanu ya vene rofu niokusi bi yokoi moi sui de riyaka.

Moimai di vegu 28:25

Paul yaku ago yokoi maka niyori, amiye bi iniye iniye rofu uka yokoi maka de nisi fereyadi. Paul di ago bi yomini: “Vima kikifa yaku rama iniye Sei di ago niyo amiye Isaiah dudu yi tutubena rofu ago niyo!

Rome vene 15:4

Adina beika tau senagi bura reyadi, bi una oteimagika bura reyadi, ye are rei gira rena ma Sei di ago di egira rena vegu dudu, una bi uka mokena nufa amegifa.

Rome vene 2:20

Ya bi ada de vene ma mida mida di oteimana amiye, ya bi ago gira di diba nina ma ago rama beika baika tau nufa dada.

Rome vene 3:2

Ida tau vanu dudu ini buni bi rama iniye. Ouresi bi Sei di ago Jew vene rofu nimagamo.

Rome vene 4:23

Idu “mokena rorobo kana nimaro” bi ina dada maka de bura reyo,

1 Corinth vene 12:7

Vima kikifa bi amiye tau noibanu aedegi ini vava amiye neinei mado.

Galatia vene 3:8

Sei di agori bura reyadi, Sei yaku gabi ini mokena vari gira aena dudu, tutubena idana vene di vegu bi rorobo nigo. Mina resi Abraham rofu sena ago buni niokusi niyo, “Ya dudu Sei yaku gagani gagani tau gade di amiye buni tora gade mago.”

2 Timothy 2:25

Ka bi ina rofu tourage rededi ave nina vegu rorobo reyaine, kamini Sei yaku vegu no feresi moi etagae rina vegu mago baeko, ye makai ago rama diba nigedi.

2 Timothy 4:2

ago buni nirausi re; ari buni ma ari nori ya kaya dogo re; toro ma nioteimana tau noibanu dudu, vegu no rofu nierau resi nimatisi egira re.

Hebrew vene 11:1

Kamini mokena vari gira aena vegu bi beika baika uka mokena rofu aesifa idu vena de resifa, mina bi rama iniye vata nigedi.

Hebrew vene 3:7

Mina dada Vima kikifa niyo kana: “Ini goroka gua neidegedi vonisi,

Hebrew vene 4:12

Adina Sei di ago bi diga bogasa vegu amedo; bi bainasi berou berou arika iniye ebu resi uka ma vima utama nugai feidegasa musa ma nena makai kana redo. Ina yaku uka di mokena ma ini ura vegasa diba nigo.