2 Timothy 2:22 - Sei di Uka Ago Ruaka di Buka Bedakai

²² Ye mida ruaka di roaita di ura ori disi uka ruaka dudu, Varika amiye di roka nidedi venesa mokena rorobo, mokena vari gira aena, uka mana ma uka amuta maina rei usi di.

2 Timothy 2:22 ပူးပေါင်းရင်းမြစ်များ

Moimai di vegu 7:59

Fore dudu ugamadiri, bi raka nisi niyo, “Varika amiye Iesu, nai vima moi!”

Moimai di vegu 9:14

Ina bi Sei ma amiye utari naivo vene di varika vene rofu vava moisi mina dudu ya rofu nivakededi vene moigika minari baeyo.”

Rome vene 14:17

Ini adina Sei di ourefeidena amena sana bi diya beika una yaku iri-iri o koru gaga resifa di, idu bi Vima kikifasa mokena rorobo ma uka amuta ma ada rena.

Rome vene 14:19

Mina ye, beika yaku uka amuta ma uniye uniye uni uka egira regi moi baego, mina maina renadi.

1 Corinth vene 1:10

Kamini uni Varika amiye Iesu Keriso di roka dudu, usika ourena ya egira reida, ya vene tau noibanu ya kaya ya kaya ago moi yokoi maka risi yi utari okuna ga reyaganedi, idu mokena ma ura yokoi makari gobuno reyaganedi.

1 Corinth vene 1:2

Sei di ekalesia vene Corinth ri amededi rofu, kaere Iesu Keriso dudu moi akeke risi sana tauri ini ma uni Varika amiye Iesu Keriso di roka vo nidedi, ina vene vakoisa Sei di vene kana nigedi raka niyo:

1 Corinth vene 10:14

Mina resi, nai uka maida vene, ofa sei nivakena feresi tae rifa.

1 Corinth vene 14:1

Uka mana maina rei mona resi Vima di beika baika mana ura rei mona refa, besa bi buni Sei di ago nina di vava ura rei mona reyaganedi.

1 Corinth vene 6:18

Koa rena vegu egavoi refa. Vegu no idana tau gade amiye yaku redo bi roaita tunu de redo, idu koa redo amiye bi ini roaita rofu vegu no redo.

1 Timothy 1:14

Ye Iesu Keriso dudu, mokena vari gira aena ma uka mana dudu, uni Varika amiye di buni tora gade na mai vau reyo.

1 Timothy 1:5

Idu mina ni mama rena ago di ida bi uka mana uka kino yokoi de nufa gutuna, uka di mokena buni iniye ma mokena vari gira aena rama mini.

1 Timothy 2:8

Na ura reida bi, rumana vene gagani gagani tauri bi Sei di vegu rama rena nufa, vana moi odoro resi gubuyo ma kayamo yokoi de dudu usa usa nigedi.

1 Timothy 4:12

Amiye yokoi ya yi godua mina vego bi mokei itu ga reyaine, idu ago nina, vegu rena, uka mana, mokena vari gira aena ma vegu no yokoi de nufa di ida dudu, mokena vari gira aededi vene gokai vegu reyaganedi mina nioteima.

1 Timothy 6:11

Idu ya, Sei di amiye, mina rofu egavoi resi mokena rorobo vegu, Sei di mokena kana vegu, mokena vari gira aena, uka mana, are rei gira rena ma ave nina maina re.

Hebrew vene 12:14

Amiye tau gadesa uka amuta dudu va amegi resi vegu kikifa refa, adina amiye yokoi mina nufa de bi Varika amiye vena de rego.

1 Peter 2:11

Nai uka maida amiye, amiye idana ma rerevaida ni dina vene kana, ya usa nida ya kaya yi roaita di ura rena kana ga refa; mina bi toga toga vimasa ruda rebigedi.

1 Peter 3:11

Ina bi vegu no rofu etagae risi buni mina reyaine; ina bi uka amuta maina resi usi diyaine.

3 John 1:11

Nai uka maida amiye, vegu no mina tari ga re, idu vegu buni mina maka tari re. Kaere amiye yaku vegu buni redo, bi Sei di; kaere amiye yaku vegu no redo bi Sei de vego.