2 Timothy 1:8 - Sei di Uka Ago Ruaka di Buka Bedakai

⁸ Mina dada uni Varika amiye o na ini dibura ameida amiye na rofu maena ga re, idu Sei di vava dudu ago buni rofu esika moigifa nasa kaiba re.

2 Timothy 1:8 ပူးပေါင်းရင်းမြစ်များ

Mark 8:38

Adina gua mina mokena vari gira de aena ma vegu no rena vene fogori, amiye kaere na dada ma nai ago dada maena rego vonisi, Amiye di mida di Baba di vabarari ini akeke naivo naivo vimasa okigasa ina rofu ka maena rego.”

Luke 9:26

Adina amiye kaere na dada, ma nai ago dada maena rego vonisi, Amiye di mida ini Baba di vabarari ini akeke naivo naivo vimasa okigediri ina rofu ka maena rego.

John 15:27

Ma ya ka na niogau regedi, adina ini adinari gutuna nasa amegamadi.

John 19:35

(Amiye kaere mina veyo, bi niogau reyo ma ini niogau rena ago bi rama; adina diba nido bi ago rama nido, ye ya ka mokena vari gira aeyaine dada.)

Moimai di vegu 5:41

Nifeidena vene kanisoro vene ferei yakugasa bi ada reyadi, adina bi Sei yaku ina vene rofu mokei buni resi moi odoro riyo Iesu di roka fafau maena moiyadi dada.

Rome vene 1:16

Na bi ago buni fafau maena de, adina bi Sei di vava, kaere amiye tau mokena vari gira aego, ouresi mina bi Jew vene ma tutubena idana vene ka moi vegu rigo.

Rome vene 16:25

Ye mina ago bi nai ago buni, Iesu Keriso nirausi rena ago, ye ina dada ya moi egira rego Amiye rofu; mina bi senagi senagi sui ago moi vabara riyo ago dada.

Rome vene 8:36

Bura riyo kana, “Ya dada meda doba tauri una umuyedo; una bi mamoe umuyegi kana mokedo.”

Rome vene 9:33

bura reyo kana: “Ve kumo, na yaku Zion ri yuka futu regika fore ma amiye moi keto rego rabema aeyaka. Ye kaere ina rofu mokena vari gira aego, maena de rego.”

1 Corinth vene 1:6

Adina ya yaku niokuna ago Keriso dada bi moi gira riyadi,

2 Corinth vene 6:7

ago rama dudu, Sei di vava dudu, vana rama ma vana enana di mokena rorobo di iya rena gugura dudu;

Ephesus vene 3:1

Mina resi na Paul, na bi tutubena idana vene di buni rofu, Iesu Keriso dada diburari ameida amiye.

Ephesus vene 3:13

Mina dada, ya usa nida beika ya rofu esika moida, ya bi mina rofu uka yau ga niyaganedi, adina bi yi buni dada.

Ephesus vene 4:1

Mina dada, na Varika amiye di moimai gabireri dibura ameida amiye, ya egira reida ya bi Sei yaku raka niyo di ida buni kana amebiyagane.

Ephesus vene 4:17

Mina dada, Varika amiye ini rokari niokusi nida, tutubena idana vene ini mokena tavoi tavoiri, nana rededi kana dudu ga rebifa.

Philippi vene 1:7

Nai amutena ya rofu bi rama, adina ya vene bi toga toga nai mokenari! Adina ya tau vanu bi Sei di buni tora gade nasa rau reyadi, na gua dibura yavari ameida ma na ka etofarori, ago buni moi odoro risi egira regamakari.

Philippi vene 3:10

Ye na ina ma ini dadi rae rena di vava diba nisi inasa ini esika gurauyo, mina anarauda regasa ini muyenari ina kana nigida,

Philippi vene 4:13

Ina kaere yeiva na maro bi ina dudu, beika baika tau gade regida bi buni.

Colossae vene 1:11

Ini vabara nufa isivaga dada, are rei gira rena noibanu ma ada dudu toro rena, mina rofu vava noibanu dudu egira reyagane.

Colossae vene 1:24

Kamini ya dada esika moiyaka, mina rofu gua ada reida. Keriso yaku ini roaita, mina ekalesia vene, ina dada esika moiyo, ma mina esika moiyori beika bi nufa de, bi na vata baedo.

1 Thessalonica vene 3:4

Adina, una yasa amegamafari, sena ya toga toga nigamafa bi una rofu esika esika magedi. Ye niyafa kana bi vata niyo, bi ya ya diba.

1 Timothy 2:6

Ina yaku amiye tau noibanu davana regika ini vegu maro; mina bi Sei di meda ramari ini nirorotari rena ida moi ogau rigo.

2 Timothy 1:10

Idu mina bi gua Iesu Keriso di ogau nina dudu moi erau riyo. Ina yaku una moi vegu risi muyena di vava ukero vau resi ago buni dudu toga toga vegu ameibobina vabara dudu kana, moi ogau riyo.

2 Timothy 1:12

Mina resi na bi mina rofu gurauga ameida. Idu na bi maena de reida, adina na na diba kaere rofu na bi mokena vari gira aeyaka, resi na bi nai mokena moida, beika na rofu nimaro, ina yaku na nari rego bogo mina Keriso di dairina meda okigo.

2 Timothy 1:16

Idu Varika amiye yaku Onesiphorus di yava vene rofu ini iriyeduka moi oteimaraine, adina ina bi toga na moi aesi dibura yavari, seini yaku ukita reyadi rofu maena de reyo,

2 Timothy 2:3

Iesu Keriso di iya redo amiye buni kana, nasa esika esika moi.

2 Timothy 2:8

Iesu Keriso, David di tutubena amiye, kaere muyenari gutuna dadi rae reyo, ago buni nirausi reyaka kana, mina moke.

2 Timothy 2:9

Mina fafau, duma duma amiye kana seini yaku na ukita riyadi ma gurauda mini. Idu Sei di ago bi seini yaku ukita rei vau de reyadi!

2 Timothy 4:17

Idu Varika amiye bi nai eta rofu are resi yeiva na maro, ye makai na dudu, ago bi ninegau rei mona rego ma tutubena idana vene tau noibanu neideyaganedi. Ma lion di venari na moi vegu riyo.

2 Timothy 4:5

Idu ya kaya gokai beikari ma toe baegori, ini esika esika fadimagasa ago buni niogau rena amiye di moimai resi yi naivo naivo tau Sei rofu, bi rei mona re.

1 Peter 1:5

Mina bi ya rofu, yi mokena vari gira aena dudu, Sei yaku ini vava dudu nari rei mona redo ma yi moi vegu rina di ari di metonari, ya rofu ogau nigi dogo reyo.

1 John 4:14

Ma vesi niogau reyafa, Baba yaku kono tora noibanu di vene di moi vegu rina amiye nigi ini Mida nifeideyo.

Jude 1:24

Vabara ina rofu nigo, kaere yaku keto renari ya moi are rego ma ada tora gade dudu, ini vabara iniye di budari, goina bi yi no yokoi de minari ya aego.

Niokuna sina 1:2

kaere bi Sei di ago ma Iesu Keriso di niokuna ago tau veyaka mina niogau reyaka.

Niokuna sina 1:9

Na bi John yi dubuini, ma Sei di ourefeidena amena sana dada, toro rena dudu, duku risi Iesu dada vakoi toe baku reyafa, adina Iesu yaku ago rama moi negau riyo ma na yaku Sei di ago niogau reyaka dada, motumotu roka Patmos ri na aeyadi.

Niokuna sina 12:11

Kamini Mamoe mida di dava dudu ma ini niokuna ago dudu ebu reyadi, adina ini vegu muyena rofu uka de maradi.

Niokuna sina 19:10

Ma nivakegi ini yukari yarei neyaka, idu na rofu niyo, “Makai ga re! Na bi ya ma yi usika ourena, kaere Iesu di niokuna ago moi gira ridedi, yasa naivo amiye yokoi. Sei rofu nivake.” Adina Iesu yaku ini niokuna ago, bi ini Vima dudu Sei di ago nidedi vene rofu mado.