2 Timothy 1:13 - Sei di Uka Ago Ruaka di Buka Bedakai

¹³ Beika ago rama mokena vari gira aena ma uka mana dudu, Iesu Keriso ri na rofu neideyo, mina di oteimana ida usi di.

2 Timothy 1:13 ပူးပေါင်းရင်းမြစ်များ

Rome vene 2:20

Ya bi ada de vene ma mida mida di oteimana amiye, ya bi ago gira di diba nina ma ago rama beika baika tau nufa dada.

Rome vene 6:17

Idu buni tora gade Sei rofu mafa, adina ya kaere sena bi vegu no rena di moimai rei tavoi reyadi vene, ma oteimana ago di ida ya maro, ya yaku gua mina yi uka meko dudu neidededi.

Philippi vene 1:27

Keriso di ago buni dada, yi vegu amena di ida nari refa, ye na bosi ya vegida ba de vonisi, bi ya fafau ago buni neidegida; ya bi gogo vima yokoi makari are resi mokena yokoi maka dudu, mokena vari gira ago buni rofu aena, mina rofu ruda regedi.

Philippi vene 4:9

Beika baika na rofu diba nisi moisi neidesi veyadi, mina refa ma Sei di uka amuta bi yasa amego.

Colossae vene 1:4

Adina una sena yi mokena vari gira Iesu Keriso rofu aesi Sei di vene tau noibanu uka madedi, mina neideyafa.

1 Thessalonica vene 5:21

Beika baika tau mina vei mona resi buni maka moi gira ribifa;

1 Timothy 1:10

Bi koa rena vene, rumana iniye iniye koa rena vene, amiye moi gira resi sero regi vene, ofa nina vene, kota ideri ofa sina nina vene ma beika baika bi oteimana ago rama rofu de rededi vene rofu.

1 Timothy 1:14

Ye Iesu Keriso dudu, mokena vari gira aena ma uka mana dudu, uni Varika amiye di buni tora gade na mai vau reyo.

1 Timothy 6:3

Amiye yokoi yaku ofa ago oteimasi uni Varika amiye Iesu Keriso di oteimana ago rama ma Sei di vegu kana, oteimana ago yo de nigo vonisi,

2 Timothy 1:1

Na Paul bi Sei di ura dudu Iesu Keriso di nifeidena amiye, nitore reyo vegu Iesu Keriso sa dada—

2 Timothy 1:14

Vima kikifa kaere uni ideri amedo dudu, beika buni Sei ya nimaro mina nari re.

2 Timothy 2:2

Resi beika na yaku niyaka ma ninegau reyadi vene tau gade di nemokori neideyo, mokena vari gira aededi vene rofu nima, kaere ka bi amiye bouna rofu mina oteimagedi.

2 Timothy 3:14

Idu ya bi yi beika diba nisi mokena vari gira aena moi gira riyo bi toga rebi, adina ya ya diba kaere ya rofu nioteimaradi bi.

2 Timothy 4:3

Adina ini ari bae okigori, amiye yaku oteimana ago buni udiko regedi, idu iniye ini roaita di ura dada, neidena maka regi, mina rofu bi oteimana vene moi egogo regedi.

Titus 1:9

Ago rama oteimana mina moi gira kiki rebiyaine, ye mina ago rama dudu amiye egira rego, ma amiye kaere yaku ago rama rofu tourage rededi, mina vei mama riyainedi.

Titus 2:1

Idu Titus, ya beika ago rama niyo, mina maka oteimagiya ma diba niyagane.

Titus 2:8

ye mina sina rama bi amiye yaku no yokoi de veitao regedi. Mina resi kaere yaku uni ago obe regedi, bi maena regedi, adina una rofu beika sina no nigedi bi koina.

Hebrew vene 10:23

Vauya ga renadi, idu uni uka mokena di niogau rena ago moi gira rinadi, ini adina nitore reyo amiye bi vegu rama redo.

Hebrew vene 3:6

Idu Keriso bi mida kana, Sei di yava fafau ini moimai regi vegu rama redo. Ma ori de dudu, uni mokena buni ma uni uka mokena nivasina rena moi gira rigifa vonisi, ye una bi ini yava.

Hebrew vene 4:14

Ye uni niogau rena ago mina moi gira rinadi, ini adina una bi uni Sei ma amiye utari naivo amiye tora iniye nufa, kaere omari yavoi rei boyo. Ina bi Iesu, Sei di mida.

Jude 1:3

Nai uka maida vene, na bi nai mokena tora noibanu dudu, una moi vegu rina sina vakoi resifa, mina ya rofu bura reida. Ye nai mokena bi ya rofu bura resi ya egira regida, ye mokena vari gira aena di ruda reyagane, goina bi Sei yaku uru yokoi maka ini vene maro.

Niokuna sina 2:25

Idu ya beika nufa moi gira rifa na degida mamo.

Niokuna sina 3:11

Na di negi reida; ya beika nufa moi gira rifa, ye amiye yokoi yi obini ga moiyaine.

Niokuna sina 3:3

Mina dada beika ago neidesi moiyadi, mina mokesi moi gira risi vegu no feresi moi etagae rifa. Ye dadina de rego vonisi, bi duma duma amiye kana, ya rofu degida ma nai dena meda nemoko toto.