2 Timothy 1:12 - Sei di Uka Ago Ruaka di Buka Bedakai

¹² Mina resi na bi mina rofu gurauga ameida. Idu na bi maena de reida, adina na na diba kaere rofu na bi mokena vari gira aeyaka, resi na bi nai mokena moida, beika na rofu nimaro, ina yaku na nari rego bogo mina Keriso di dairina meda okigo.

2 Timothy 1:12 ပူးပေါင်းရင်းမြစ်များ

Matthew 12:21

ma tutubena idana vene yaku ini roka rofu uka mokena aegedi.”

Matthew 24:36

“Idu amiye yokoi mirona meda ma meda nemoko bi ina toto—oma di naivo naivo vima ka ina toto, Mida ka ina toto, idu Baba iniye maka ina diba.

Matthew 7:22

Mina medari Sei yaku amiye tau kota aegori amiye tau gade yaku na rofu nigedi, ‘Varika amiye, una bi yi rokari Sei di ago nirausi resi vima no meki resi mokena vegu regamafa ba ide?’

Luke 10:12

Ya rofu nida, kota rego medari Sodom taoni vene di esika esika moigedi bi keika, idu mina taoni vene di esika esika moigedi bi tora gade!

Luke 23:46

Ma goroka tora dudu raka nigasa niyo, “Baba, yi vanari nai vima fereida!” Mina nisi asa youfeideyo.

John 17:15

Na bi konori moi etagae rigi ya usa de nida, idu amiye no rofu nari regi mina usa nida.

John 6:44

Nai Baba na nifeideyo amiye bi amiye yokoi moi rutu resi na rofu mago vonisi, bi na rofu baego, ye ari metonari moi edadigida.

Moimai di vegu 13:46

Ye Paul ma Barnabas ori de dudu ago ni yeiva iniye reyadi: “Rama iniye, ya vene rofu siko Sei di ago nigifa bi buni. Idu gedu madedi mini ma ya mokededi bi ya kaya bi toga toga ameibobina vegu rofu bi buni de, dada ya vene ya feresi tutubena idana vene rofu bogifa.

Moimai di vegu 13:50

Idu Jew vene bi taoni di ourefeidena vene ma Sei nivakena gugura nufa rema vene di uka iriyadi. Paul ma Barnabas rofu esika esika moi vata resi ini gagani rofu umeki rei feideyadi.

Moimai di vegu 21:13

Kamini nikabai reyo, “Beika dada isaka nisi nai uka moi yau ridedi? Na bi na kaya dogo reyaka, maena dudu na ukita regedi maka dudu bi de, idu Jerusalem ri Iesu Varika amiye di roka dudu ka muyegida.”

Moimai di vegu 7:59

Fore dudu ugamadiri, bi raka nisi niyo, “Varika amiye Iesu, nai vima moi!”

Moimai di vegu 9:16

Resi na dada esika tau moigo mina oteimagida.”

Rome vene 1:16

Na bi ago buni fafau maena de, adina bi Sei di vava, kaere amiye tau mokena vari gira aego, ouresi mina bi Jew vene ma tutubena idana vene ka moi vegu rigo.

Rome vene 9:33

bura reyo kana: “Ve kumo, na yaku Zion ri yuka futu regika fore ma amiye moi keto rego rabema aeyaka. Ye kaere ina rofu mokena vari gira aego, maena de rego.”

1 Corinth vene 1:8

Ina ka ya egira rego bogo ari metonari, ye uni Varika amiye Iesu Keriso di dena medari bi amiye yokoi ya ga ikimaraine.

1 Corinth vene 3:13

ini reremama bi vego, adina Keriso di dena medari erau nigo; ita dudu moi ogau rigo dada. Mina ita yaku amiye neinei ini reremama bi gokai ebene rego.

Philippi vene 1:20

Na uka mokena dudu amutegida bi maena de iniye regida, idu yeiva tora dudu, gua ma toga toga nai roaitari Keriso nivava regida, veguri ma muyenari.

Philippi vene 3:10

Ye na ina ma ini dadi rae rena di vava diba nisi inasa ini esika gurauyo, mina anarauda regasa ini muyenari ina kana nigida,

Philippi vene 3:21

kaere mina kono di roaita yau moi idana rigo ma uni roaita yaku ini roaita buni vabara nufa kana nigedi. Adina ini vava dudu, beika baika tau gade ina gabireri raga rededi.

Philippi vene 3:8

Idu rama, mina beika tau gade reyaka ka nai mokenari bi boiyo reyadi, adina nai Varika amiye Iesu Keriso diba nina, mina tau gade ebu redo. Ina dada, tau gade boiyo reyadi ma nai mokenari bi sanika maka, ye Keriso asanu resi

1 Thessalonica vene 2:16

Tutubena idana vene rofu sina nimarafa moi vegu rigedi, idu una mina ka biri rigi regamadi. Mina ida dudu ini vegu no mina besa besa tauri bodedi. Sei di gubuyo tora iniye bi kamini ina fafau deyo!

1 Thessalonica vene 5:4

Idu, usika ourena ya bi mukunari de, ye mina meda yaku duma duma amiye kana de ya etururu rego.

1 Timothy 6:20

Timothy o, beika mokena vari gira aena dudu Sei ya maro, mina nari resi ada de kana moke moke, kayamo no ma ofa ago dudu nidedi bi “mokena vabara” mina egavoi re.

2 Timothy 1:14

Vima kikifa kaere uni ideri amedo dudu, beika buni Sei ya nimaro mina nari re.

2 Timothy 1:16

Idu Varika amiye yaku Onesiphorus di yava vene rofu ini iriyeduka moi oteimaraine, adina ina bi toga na moi aesi dibura yavari, seini yaku ukita reyadi rofu maena de reyo,

2 Timothy 1:18

Varika amiye yaku ini iriyeduka ina rofu mago bi, Varika amiye rofu baku reyaine ini meda bae okigori! Ya diba kotana niyo gokai Ephesus amegamakari, bi ida tauri na naivo reyo.

2 Timothy 1:8

Mina dada uni Varika amiye o na ini dibura ameida amiye na rofu maena ga re, idu Sei di vava dudu ago buni rofu esika moigifa nasa kaiba re.

2 Timothy 2:9

Mina fafau, duma duma amiye kana seini yaku na ukita riyadi ma gurauda mini. Idu Sei di ago bi seini yaku ukita rei vau de reyadi!

2 Timothy 4:8

Sena mokena rorobo di obini na rofu ae torekai reyo, goina bi Varika amiye, mokena rorobo nufa kota redo amiye, yaku mirona medari na mago—na maka de, idu kaere kaere yaku uka mana dudu, ini ogau nigo meda tua regamadi ka obini moigedi.

Titus 3:8

Mina sina bi rama sina. Gua ura reida ya bi mina sina besa ni, ye kaere Sei rofu mokena vari gira aeyadi vene bi mokena buni dudu, vegu buni kimo rebigedi. Amiye rofu mina moimai buni di sina bi buni ma amiye tau bi ina dudu buni baku regedi.

Hebrew vene 12:2

Resi Iesu rofu vei mona renadi, kaere bi uni mokena vari gira aena di kora resi moi rorobo iniye redo amiye. Ina bi gabi ada rego mina rofu, satauro di esika are rei gira resi maena rofu mokena tora de aesi Sei di ourefeidena amena fata di vana rama eta rofu ameinu reyo.

Hebrew vene 2:18

Adina ini uka maina reyori, bi esika esika moiyo. Ye makai dudu, ina kaya uka maina regika nivedo vene aedego.

Hebrew vene 7:25

Mina dada, ina dudu Sei rofu ekaira regedi vene moi vegu ri vau rego, ina vene rofu toga usa usa nigi rofu toga ameibobigo dada.

1 Peter 1:5

Mina bi ya rofu, yi mokena vari gira aena dudu, Sei yaku ini vava dudu nari rei mona redo ma yi moi vegu rina di ari di metonari, ya rofu ogau nigi dogo reyo.

1 Peter 4:16

Idu ekalesia amiye dada esika moigo vonisi bi, maena ga revo, idu Keriso di roka dudu Sei di roka moi odoro ri.

1 Peter 4:19

Mina dada kaere Sei ini ura dudu esika moigedi, bi vegu buni renari ini vima oma ma kono riyo amiye rofu refo; ina toga ini ago nina redo.

Jude 1:24

Vabara ina rofu nigo, kaere yaku keto renari ya moi are rego ma ada tora gade dudu, ini vabara iniye di budari, goina bi yi no yokoi de minari ya aego.