2 Peter 3:11 - Sei di Uka Ago Ruaka di Buka Bedakai

¹¹ Mina kana ida dudu makai tau gade roro nigo, ya bi gokai kana vene nigedi? Ya yi vegu amei kikifa resi Sei di mokena kana refo,

2 Peter 3:11 ပူးပေါင်းရင်းမြစ်များ

Matthew 8:27

Ye mina vene tururu resi niyadi, “Mina amiye bi gokai kana amiye? Aura ma koru tafo ka ini ago neidededi!”

Rome vene 13:11

Kamini ya ka mina diba dada, ye ya varena gutuna dadigedi meda nemoko bi gua vata niyo mini. Adina moi vegu rina bi gua una atafu iniye amedo, una siko mokena vari gira aeyafa medari kana de.

Rome vene 13:12

Uru niyo bi ari uvegika redo mini. Ye mukunari deda vegu no regamafa, bi makusi vabara di mari moinadi.

2 Corinth vene 1:12

Adina uniye ni-ika resifa bi yomakai: uni uka di mokena yaku niokudo gokai mina konori uni vegu regamafa bi, Sei yaku vegu rama resi ago rama nido kana regamafa; ye besa besa ya vene rofu rei mona regamafa. Una bi diya mina kono di mokena tora dada de regamafa, idu Sei di buni tora gade dada regamafa.

Philippi vene 1:27

Keriso di ago buni dada, yi vegu amena di ida nari refa, ye na bosi ya vegida ba de vonisi, bi ya fafau ago buni neidegida; ya bi gogo vima yokoi makari are resi mokena yokoi maka dudu, mokena vari gira ago buni rofu aena, mina rofu ruda regedi.

Philippi vene 3:20

Idu una bi oma di vene, mina resi moi vegu rina amiye Varika amiye Iesu Keriso uka mokena dudu, toga toga tua resifa,

1 Thessalonica vene 1:5

adina uni ago buni bi ya rofu ago dudu maka de moi baeyafa, idu vava nufa ka, ma Vima kikifa ma mokena gira iniye dudu. Makai ya ya diba gokai yasa amegamafari, bi vegu reyafa; mina bi yi buni dada.

1 Timothy 3:16

Ye Sei di sui ago bi tora yo nisifa: Amiye di roaita dudu ogau niyo, ma Vima yaku ina bi rama mina nioteimaro, ma Sei di naivo naivo vima yaku veyadi. Gagani gagani di vene di fogori ago nirausi reyadi, ma kono tora noibanu vene mokena vari gira ina rofu aeyadi, ma vabara dudu omari afei boyo.

1 Timothy 4:12

Amiye yokoi ya yi godua mina vego bi mokei itu ga reyaine, idu ago nina, vegu rena, uka mana, mokena vari gira aena ma vegu no yokoi de nufa di ida dudu, mokena vari gira aededi vene gokai vegu reyaganedi mina nioteima.

1 Timothy 6:11

Idu ya, Sei di amiye, mina rofu egavoi resi mokena rorobo vegu, Sei di mokena kana vegu, mokena vari gira aena, uka mana, are rei gira rena ma ave nina maina re.

1 Timothy 6:3

Amiye yokoi yaku ofa ago oteimasi uni Varika amiye Iesu Keriso di oteimana ago rama ma Sei di vegu kana, oteimana ago yo de nigo vonisi,

1 Timothy 6:6

Ye Sei di mokena kana rena, ada rena dudu, bi ini gugura buni iniye iniye nufa.

Hebrew vene 13:5

Yi vegu amena fore uka mana moi gaima risi beika yasa amedo mina rofu maka yi uka bi ada rebiyagane, adina yomakai niyo, “Na toga de iniye ya feresi ya ferei tavoi de regida.”

James 1:24

Adina ini seira vesi yakusi digo, resi bi evade ini ne uruma gokai kana bi toto nigo.

James 3:13

Amiye be yi fogori, kaere bi mokena vabara ma ada yora nufa ba ide? Ye ini veguri, bi mokena vabara di ave nina vegu dudu diga bogasa ini reremama reyaine.

1 Peter 1:15

Idu yi beika tau regedi bi kikifa dudu, Sei kaere ya raka niyo kana,

1 Peter 2:12

Yi reremama rededi tutubena idana vene di fogori bi kikifa dudu buni maka ameyaine, ye vegu no rededi vene kana no nigediri, yi reremama buni reyadi vei mama resi Sei di dego medari, ini roka moi odoro rigedi.

2 Peter 1:3

Sei di vava dudu, beika baika tau una maro ye vegu ma Sei di mokena kana, baku resi amegifa. Mina bi uni diba nina mina amiye dudu, kaere vabara ma buni iniye dudu una raka niyo.

2 Peter 1:6

Yi diba ninari, yi yuka vana nari rena tanu resi minari, moi yeiva resi toe moi dina tanu resi minari, Sei di mokena kana rena ka tanu refa.

2 Peter 3:10

Idu Varika amiye di dego meda bi duma duma amiye kana. Mirona medari oma bi kukuroka tora dudu tutumui digo, ma omari beika amededi, iya, eyo ma meda bi ita yaku vai vau resi moi no rego, ma kono ma beika tau ini ideri amededi ka roro nigedi.

2 Peter 3:12

Sei di dena meda tua rebigediri, yi vegu buni redediri evade okiyaine, adina mina medari, oma bi vai vau resi roro nigo ma vava kiyoma yaku iya, eyo ma meda bi vai ririmo rego.