2 Peter 2:10 - Sei di Uka Ago Ruaka di Buka Bedakai

¹⁰ Mina bi rama iniye, kaere koa rena vegu no di mokena no usi Sei di vava moi etagae ridedi. Mina ofa ofa oteimana vene bi uka bubu dudu rena ma negiyagiya amiye. Odoro vabara nufa vene di roka moi no ridediri, bi ori de rededi.

2 Peter 2:10 ပူးပေါင်းရင်းမြစ်များ

Luke 11:25

Dairisi mina yava baku regori, bi gudare resi ae dogo reyadi.

Luke 19:14

Idu ini gagani vene bi ura de iniye regamadi, dada naivo vene ago nifeideyadi ma usi disi niyadi, ‘Una ura de resifa mina amiye yaku uni kini niyaine.’

Moimai di vegu 23:5

Ma nikabai reyo, “Nai usika ourena na na toto ina bi Sei ma amiye utari naivo amiye tora. Adina ago buniri bura reyo, ‘Yi amiye di ourefeidena amiye yokoi fafau ago no bi ga niyainedi.’ ”

Rome vene 8:1

Mina dada amiye kaere bi gua Iesu Keriso sa auta rededi bi nifafana de rego.

1 Corinth vene 6:9

Ya ya diba ba ide mokena vari gira de aededi vene yaku Sei di ourefeidena amena sana de moigedi? Ya kaya ya kaya ga eru rebifa; kaere ina bi koa rededi, o ofa sei nivakededi, o meyadi vene kana bi koa rededi, o rumana vene bi rumana vene idanasa ini roaita rau rededi, o rumana vene bi rumana venesa koa rededi,

2 Corinth vene 10:3

Adina gua mina konori amesifa, idu mina konori diya mina kono di vegu dada iya de resifa.

Ephesus vene 4:19

Ini maena amutena bi koina niyo ma udu nufa vegu no iniye tau noibanu di vegu regika, uka ideri mokena no iniye moi orefaradi.

Ephesus vene 5:5

Adina mina vei mona resi diba nidedi, koa redo amiye, vegu no nufa amiye o moke moke moigo amiye neinei, kaere bi ofa sei nivakedo, ina bi Keriso ma Sei di ourefeidena amena sanari biyaguna de nigo.

Colossae vene 3:5

Mina dada kono di ura ya ideri moi etagae rifa: koa rena, uka kino, ura rena, mokena no ma moke moke moina, mina bi ofa sei nivakena.

1 Thessalonica vene 4:7

Adina Sei yaku vegu no rena di, uni vo de niyo, idu vegu akeke dudu amebina di, vo niyo.

2 Timothy 3:2

Adina amiye bi iniye maka uka mabigedi, moni uka mabigedi, iniye ni-ika rega kokoba famagasa nivasina rebigedi, ago no nibigedi, ini nono baba obe rebigedi, buni tora gade ma kikifa de regedi;

Titus 1:7

Mina ourefeidena amiye bi Sei di moimai rebigo, mina resi bi vegu no yokoi de resi iniye maka mokena de resi evade maka gubuyo de reyaine. Resi bi koru gira irina de, ruda rei tavoi de, ma ofa ofa dudu baku baku de reyaine amiye.

Hebrew vene 13:4

Amiye tau noibanu yaku mena vegu emagui rebi; ma rema maruka di ekama moi kino ga reyaganedi, ini adina Sei yaku mena de vene ma mena vene koa regediri moi kota aego.

2 Peter 3:3

Ouresi bi, ya bi ada yora refo, ari koina ni baebigori, roaita di mokena di vegu maka, usi didedi vene bi ogau nisi ya ni ninika nisi

Jude 1:10

Idu, mina vene bi beika baika tau toto, bi mina rofu nifafana rededi. Ina vene bi tuma dona nadina di mokena kana, mina beika baika diba niyadi ini amutenari, mina yaku ina vene moi no rido.

Jude 1:16

Mina vene bi ago mumugu vene, goidu no be regedi maina vene; ina bi ini mokena tari rei didedi vene; iniye ini roka moi odoro vene, ma idana di roka moi odoro riyagane iniye di buni dada.

Jude 1:18

Ina ya rofu niyadi bi, “Ari tumu nibigori, ninika nina vene kaere bi iniye di ini mokena no mina tari rei dibigedi.”

Jude 1:4

Adina be vene yaku yi rafuri, sui ida dudu sena baeyadi. Mina vene bi ini obini moiyadi, goina bi sena bura reyadi. Ina bi Sei di vegu kana de rededi, kaere bi uni Sei di buni tora gade di sina moi idana risi vava maradi, vegu no resi Iesu Keriso uni ourefeidena Amiye tora yokoi maka ma Varika amiye mina nisui reyadi.