2 John 1:1 - Sei di Uka Ago Ruaka di Buka Bedakai

¹ Mina bura bi dubu di ourefeidena amiye rofu. Auba reida rema, ini midasa, kaere rama iniye uka maida. Na maka de, idu amiye tau vakoi, kaere bi mina sina rama ina diba, ka uka ya madedi,

2 John 1:1 ပူးပေါင်းရင်းမြစ်များ

John 8:32

ago rama diba nigedi ma ago rama yaku ya erufugo.”

Moimai di vegu 11:30

Kamini makai resi bi fore Barnabas ma Saul rofu moi feideyadi, ekalesia vene di tora vene maraganedi.

Rome vene 16:13

Varika amiye di naivo amiye buni vayavaya Rufus ma ini nono, kaere ka bi nai nono kana, yuata nifeideida.

Galatia vene 2:14

Idu ago buni di ago rama de usi diyadi, mina vegasa amiye tau gade ameyadi di nemokori Peter rofu niyaka, “Ya bi Jew amiye, idu tutubena idana amiye kana, Jew amiye kana de ameisa, idu gokai resi ya yaku tutubena idana vene, bi Jew vene di vegu tari reyaganedi moi gira risa?”

Galatia vene 2:5

Idu, ya dada mina erufuna vegu di ago buni moi rama iniye reyaine, mina resi una bi ina vene rofu toga iniye yo de niyafa.

Galatia vene 3:1

Ya Galatia vene bi ada de! Kaere yaku yaumana ya rofu reyo? Adina yi nemokori ariarari, Iesu Keriso satauro ikoko reyadi di sina mina ya oteimaradi!

Galatia vene 5:7

Yi vima dudu raga rei mona regamadi! Kaere amiye yaku ago rama neidegi ya kebi reyadi?

Colossae vene 1:5

Mina bi uka mokena omari ya rofu ae mukora reyo dada. Ya bi sena mina ago ramari, mina ago buni bi neideyadi.

1 Timothy 2:4

kaere bi ura redo amiye tau noibanu moi vegu rigo ma rama diba ni vau regedi.

Hebrew vene 10:26

Ini adina ago rama diba niyafa, ye gabi uni mokena dada toga vegu no ura regi rebigifa vonisi, ka bi vegu no rofu ori sisika rena yokoi de rego.

1 Peter 1:2

Baba Sei senagi ya diba nisi auba reyo ma ini Vima ya akeke rigo, ye Iesu Keriso di ago neidegedi ma ini dava yaku ya moi ruaka rigo. Sei di buni tora gade ma ini uka amuta ya rofu besa tanu maraine.

1 Peter 5:1

Na, na kaya kaere bi amiye tora, bi ekalesia tora vene yi fogori egira reida. Na bi Keriso di esika moina veyaka amiye ma vabara vata nigo, mina vegu ka rau regida. Mina ya nida,

1 Peter 5:13

Yi rasini dubu Babylon ri, ina ka Sei yaku auba reyo, ma Mark, kaere bi nai mida kana, ina yaku ya vene rofu yuata nifeideyadi.

1 John 2:21

Na ya rofu bura reida, bi diya ya bi ago rama toto dada, idu ya ya diba dada, ma ago rama yokoi bi ofa ago tau noibanu de baedo dada.

1 John 3:18

Nai mida mida, bi vena dudu ma afiye dudu maka uka ga manadi, idu bi reremama ma ago rama dudu uka manadi.

2 John 1:13

Yi auba reisa rasini di mida mida yaku ini yuata ya rofu nifeidededi.

2 John 1:5

Ye gua ya uka maida rema, ago gira ruaka yokoi de bura reida, idu ini adinari gutuna mina sina bi sena moiyafa. Nai usa usa bi uniye uniye uka manadi.

3 John 1:1

Mina bura bi dubu di ourefeidena amiye gutuna— Gaius, kaere sina rama dudu bi nai uka maida amiye, mina fefa ya rofu bura reida.