2 Corinth vene 7:2 - Sei di Uka Ago Ruaka di Buka Bedakai

² Una afei dui refo! Una yaku amiye yokoi rofu vegu no de resi amiye yokoi rofu moi no de resi amiye yokoi rofu eru rena dudu ini gugura de moiyafa.

2 Corinth vene 7:2 ပူးပေါင်းရင်းမြစ်များ

Matthew 10:14

Ma goina amiye ya moi dui de regedi o yi ago de neidegedi, mina taoni o yavari ferei digasa yi yuka di budoka usi eyarefa.

Matthew 10:40

“Kaere ya moi dui rego, bi na moi dui rego, ma kaere na moi dui rego, bi kaere yaku na nifeideyo moi dui rego.

Luke 10:8

Goina taoni okigedi ma ya moi dui resi beika iruku ya magedi bi irifa.

Moimai di vegu 20:33

Amiye yokoi di siriva, goro ma varuka dada moke moke de moigamaka.

Rome vene 16:18

Adina mina kana vene bi uni Varika amiye Keriso naivo de rededi, idu iniye ini uka mokededi kana resi ago amuta ma aunanaba dudu diba de vene di uka eru rededi.

2 Corinth vene 1:12

Adina uniye ni-ika resifa bi yomakai: uni uka di mokena yaku niokudo gokai mina konori uni vegu regamafa bi, Sei yaku vegu rama resi ago rama nido kana regamafa; ye besa besa ya vene rofu rei mona regamafa. Una bi diya mina kono di mokena tora dada de regamafa, idu Sei di buni tora gade dada regamafa.

2 Corinth vene 11:16

Dudusa nigida, amiye yokoi yaku na bi forovai amiye ga mokeyaine. Idu, ya makai na mokegedi vonisi, bi forovai amiye kana na moifa, ye na ka ni-ika reida kana, bi keika maka rebigida.

2 Corinth vene 11:9

Ma gugura beika de yasa amegamakari, mina toe bi yokoi rofu de aegamaka, adina Macedonia gutuna baeyadi usika ourena, ya gugura beika de nufa mina na maradi. Ye ida tau gade dudu toe ya fafau aena bi biri rigamaka ma makai rebigida!

2 Corinth vene 4:2

Idu beika maena moi evata redo vegu, ma amiye yaku sui dudu deda rededi tau noibanu bi ferei vau reyafa. Ofa ofa nina vegu ma Sei di ago moi idana rina vegu moi kekevata usifa, ye ago rama niogau resi Sei di nemokori, amiye tau noibanu di uka di mokena rofu uniye uniye nimagifa.

Philippi vene 2:29

Ye Varika amiye di rokari ada tau gade dudu moisi mina kana amiye moi odoro rifa,

Colossae vene 4:10

Aristarchus, nai dibura asini, ma Mark, Barnabas di meraini, ina roada yaku yuata ya nifeidededi. (Ye Mark dada ago gira moiyadi bi bae negori, bi afei dui reyaganedi.)

1 Thessalonica vene 2:10

Ya vene ma Sei iniye ka una vegamadi, uni vegu gokai bi akeke, rorobo ma vegu no de, ya vene kaere mokena vari gira aeyadi vene di fogori.

Philemon 1:12

Ya rofu dairi nifeideida mini, ina kaere bi nai uka meko.

Philemon 1:17

Ye, ya yaku mokegiya na yi asini vonisi, bi na moi dui regiya kana ina ka makai re.

2 John 1:10

Kaere amiye ya rofu baesi mina oteimana de moi baego vonisi, bi yi yavari moi afe dui ga resi yuata ka ga mafa.