2 Corinth vene 6:9 - Sei di Uka Ago Ruaka di Buka Bedakai

⁹ toto kana, idu diba ni mona regamadi; muyena tumusa kana, idu rama vegu amesifa; toe una magamo kana, idu una umuyena de regamadi;

2 Corinth vene 6:9 ပူးပေါင်းရင်းမြစ်များ

Moimai di vegu 17:18

Ma Epicuria ma Stoic di mokena vabara vene bedakai ka bi Paul sa ago niyadi. Ma bedakai niyadi, “Mina ago ni tavoi tavoi amiye bi beika nido?” Ma bedakai yaku niyadi, “Ina bi sei bouna bedakai baeko nido.” Mina niyadi adina bi Paul bi Iesu di sina buni ma ini dadi rae reyo di ago mina niokugamo.

Moimai di vegu 19:26

Gua yaike vesi neidededi mina amiye Paul yaku amiye tau gade di uka moisi moi gaima rido, mina Ephesus gaganiri maka ide, idu mina Asia gagani tora noibanu kana ka. Ina ya nido, amiye vana yaku sei ridedi bi sei rama iniye ide.

Moimai di vegu 25:19

Idu ina vene bi ini Sei rofu mokena vari gira aena di ma muyena amiye ini roka bi Iesu rofu maka kayamo reyadi, idu Paul yaku nigira redo mina amiye bi vegu amedo.

Moimai di vegu 25:26

Idu ina fafau ago rama bura resi Caesar rofu moi feidegida bi koina. Mina resi ya vene di nemokori afei baeyaka—ma rama iniye bi ya, kini Agrippa rofu!—ye ini no bi vei maina rei mona regedi, ma makai dudu bura be regida.

Rome vene 15:19

rebe ma mokena vegu di vava dudu, ma Sei di Vima di vava dudu—ye Jerusalem gutuna yavoi resi Illyricum gaganiri bosi idau Keriso di ago buni di moimai rei vau reyaka.

Rome vene 8:36

Bura riyo kana, “Ya dada meda doba tauri una umuyedo; una bi mamoe umuyegi kana mokedo.”

1 Corinth vene 11:32

Idu Varika amiye yaku una kota regasa moi rorobo rigo, ye kono tora noibanu di venesa nifafana de rego dada.

1 Corinth vene 15:31

Nai usika ourena, ago rama nida ya dada, nai ni-ika renari, bi meda tau noibanuri na umuyegika rededi; mina bi uni Varika amiye Iesu Keriso dudu.

1 Corinth vene 4:9

Adina mokeida Sei yaku una, ini nifeidena vene, bi egona sana rofu aeyo, kota resi muyegi moi feideyadi vene kana, kono tora noibanu di vene ma Sei di naivo naivo vima uni muyena vegedi vene niyafa dada.

2 Corinth vene 11:6

Idu na bi ariarari ago gokai nina diba de moiyaka vonisi, mokena vabara bi nasa mini. Rama, una bi ida tau gade dudu, beika baika tauri mina ya oteimarafa.

2 Corinth vene 4:2

Idu beika maena moi evata redo vegu, ma amiye yaku sui dudu deda rededi tau noibanu bi ferei vau reyafa. Ofa ofa nina vegu ma Sei di ago moi idana rina vegu moi kekevata usifa, ye ago rama niogau resi Sei di nemokori, amiye tau noibanu di uka di mokena rofu uniye uniye nimagifa.

2 Corinth vene 5:11

Mina dada Varika amiye ori resifa, mina una una diba, ye bedakai ini mokena vari gira Sei rofu aegi niguba resifa. Ye una gokai kana bi Sei ina diba, ye nai uka mokena bi ya ka yi uka di mokena dudu, mina diba nigedi.