1 Timothy 5:23 - Sei di Uka Ago Ruaka di Buka Bedakai

²³ Koru notoka ga iri, idu yi uka ma yi gauka gauka reisa dada, waini keika ka kuke nibi.

1 Timothy 5:23 ပူးပေါင်းရင်းမြစ်များ

Moimai di vegu 18:5

Silas ma Timothy Macedonia ri gutuna dairi baeyadiri, Paul bi ini moimai bi ago buni maka niokusi Jew vene rofu nigamo Iesu bi Keriso.

Ephesus vene 5:18

Resi waini tau irina dudu ya kaya yi vegu moi no rena ga refa, idu Vima yaku ya vata baeyaine.

1 Timothy 3:3

Ina bi koru gira tau gade irina amiye de ma ruda de amiye, idu ave nina amiye ameyaine; bi kayamo ga resi moni ura ga reyaine.

1 Timothy 3:8

Dubu di naivo rededi vene ka bi vegu rorobo rena vene niyaganedi. Ina bi ofa ago nina, koru gira tau moina, ofa dudu moni moina udu vene ga niyaganedi.

1 Timothy 4:4

Adina beika baika tau gade Sei yaku riyo bi buni, ma beika baika bi buni tora gade mana dudu moina vonisi, bi ga makunadi.

Titus 1:7

Mina ourefeidena amiye bi Sei di moimai rebigo, mina resi bi vegu no yokoi de resi iniye maka mokena de resi evade maka gubuyo de reyaine. Resi bi koru gira irina de, ruda rei tavoi de, ma ofa ofa dudu baku baku de reyaine amiye.

Titus 2:3

Mina kana, rema tora tora oteima bi beika rebigediri, ka Sei ina ura redo kana amebiyagane, bi amiye rofu nifafana rena de, o koru gira moke moke yaku ga ourefeideyagane, idu vegu buni regasa oteimabiyaganedi.