1 Timothy 5:10 - Sei di Uka Ago Ruaka di Buka Bedakai

¹⁰ ma amiye yaku ini vegu buni rofu ni buni rededi: ini mida mida dogo resi yava ika vene gaba resi Sei di vene di yuka koitesi esika esika nufa vene aedesi vegu buni tau gaderi, iniye moi dui regamo dada.

1 Timothy 5:10 ပူးပေါင်းရင်းမြစ်များ

Matthew 25:17

Ma amiye kaere remanu moiyo ka ouresi amiye yaku reyo kana resi remanu fafau moiyo.

Matthew 5:16

Mina ida dudu maka, yi vabara bi amiye budari vabara niyaine, ye yi beika vegu buni bi amiye yaku vegedi rofu yi Baba omari mina ini roka moi odoro riyaganedi.

Luke 7:38

Bosi Iesu di yuka atafu ini fufuta rofu are resi isaka niyo. Ini ne koru dudu Iesu di yuka moi dou regi kora resi ini ada iye dudu moi ifi regamo, moi roko rigika. Ini yuka rafo fuka resi diga rausi reyo.

Luke 7:44

Mina rema rofu kero resi Simon rofu niyo, “Mina rema veisa? Yi yava dui reyakari, nai yuka koitegi koru de na maro, idu ina nai yuka rafo bi ini ne koru dudu moi dou resi ini ada iye dudu moi roko riyo.

Moimai di vegu 10:22

“Iya rededi vene 100 di ourefeidena amiye Cornelius yaku una nifeideyo,” vo niyadi. “Ina bi amiye buni, kaere bi mokena rorobo nufa ma Sei nivakena amiye ma Jew vene tau yaku ka ina vei odoro rededi. Sei di naivo naivo vima kikifa yokoi yaku niyo bi, ya bi ini yavari ya raka nigo ma bogiya. Makai regiya ma neidego ya yaku ina rofu beika sina nigiya mina.”

Moimai di vegu 22:12

“Amiye yokoi roka Ananias, kaere bi uni ago gira neideyo ma Jew vene mironari amegamadi tau yaku ina vei odoro regamadi, bi minari amegamo.

Moimai di vegu 6:3

Ye mina dada, usika ourena, yi fogori amiye 7 auba refa kaere bi Vima kikifa yaku ini ukari vata baeyo ma mokena tora nufa. Makai dudu una yaku mina moimai regedi di moi aegifa.

Moimai di vegu 9:36

Joppa ri bi usi dina rema yokoi ini roka bi Tabitha amegamo. (Greek ago dudu ini roka bi Dorcas.) Ari neinei bi vegu buni resi gugura irava vene aedegamo.

Moimai di vegu 9:39

Mina dada Peter dadisi ina venesa boyo. Okiyori, bi odoro daiyuturi afei boyadi. Obu vene tau yaku ina buru ri desi isaka nigasa Dorcas yaku veguri amegamori, vadigamo varuka idana tau mina oteimagamadi.

Rome vene 12:13

Sei di vene rofu ini fore di keika fafau tanu resi okina vene gaba regi di ida maina refa.

Ephesus vene 2:10

Adina una bi beika Sei yaku moimai rei vau reyo mini. Iesu Keriso dudu, Sei yaku senagi dogo reyo vegu buni rofu una riyo, ye rebigifa dada.

Colossae vene 1:10

Resi Varika amiye rofu nana rei mona resi ina moi ada rei vau resi vegu buni noibanu dudu, meko varesi Sei di diba ninari tora niyagane.

1 Timothy 2:10

Idu Sei nivakena niogau rededi rema vene bi ini vegu buni dudu, veveri ina kaya moi buni riyagane.

1 Timothy 3:2

Mina resi ina bi butigi yokoi de nufa ameyaine; bi rema yokoi maka rumana, mokena buni nufa amesi yuka vana nari reyaine; bi matagini rena amiye amesi yava ika vene afei dui resi oteimai mona reyaine.

1 Timothy 3:7

Kamini ekalesia etofaro vene di nemokori bi buni reyaine, Bodaka buoru rigo ma moi no riyo baebu.

1 Timothy 5:16

Ye mokena vari gira aedo rema yokoi ini usika ourena vene fogori, bi obu rema vonisi, bi aedesi ekalesia vene toe ga maraine. Makai bi obu rema rama bi aedegedi.

1 Timothy 5:25

Makai kana, reremama buni ka bi erau niyadi, ma erau ni mona de reyadi vegu ka bi moi sui de rigedi.

1 Timothy 6:18

Vegu buni resi reremama buni tau gade resi gugura anarauda resi idana vene rofu rau reyagane.

2 Timothy 1:5

Na bi yi mokena vari gira aena rama iniye mokeida. Mina mokena vari gira aena bi siko yi aufa rema Lois ma yi nono Eunice sa amegamo. Ma na na diba iniye gua yasa ka amedo mini.

2 Timothy 2:21

Mina dada, amiye yokoi yaku mina rofu iniye moi ruaka ribigo vonisi, bi moimai tora di yava siua kana nigo. Makai bi amiye tora di moimai rofu moi kikifa resi vegu buni tau gade rofu dogo rego.

2 Timothy 3:15

Ma ya kakuari gutuna gua, ya bi Sei di ago kikifa diba nigamo, moi vegu rina mokena vari gira Iesu Keriso aena dudu, mina rofu ya mokena vabara mago mini.

2 Timothy 3:17

ye Sei di amiye bi yeiva nisi vegu buni tau gade rofu dogo reyaine.

Titus 2:14

bi kaere yaku vegu no tau rofu, una erufusi iniye rofu amiye moisi moi ruaka riyo, ye vegu buni rena mokena rebigedi.

Titus 2:7

Beika tau rebigiyari, ya kaya ka vegu buni re kumo mina ya vesi ya tari reyaganedi. Ye oteimabigiyari, bi uka di mokena buni ma gira dudu oteima,

Titus 3:1

Amiye tau dudusa nioteima kumo ourefeidena vene ma gavamani vene di vava gabireri amesi ini ago neidegasa moi gira risi beika moimai buni maka regika amebiyagane.

Titus 3:14

Uni vene moimai buni di mokena moi gira risi ari neinei di gugura fore moi negau risi vare tavoi amei tavoi bi ga reyaganedi.

Titus 3:8

Mina sina bi rama sina. Gua ura reida ya bi mina sina besa ni, ye kaere Sei rofu mokena vari gira aeyadi vene bi mokena buni dudu, vegu buni kimo rebigedi. Amiye rofu mina moimai buni di sina bi buni ma amiye tau bi ina dudu buni baku regedi.

Hebrew vene 10:24

Ye gokai uniye uniye uka mana ma reremama buni urana niegira regi mokenadi.

Hebrew vene 13:2

Idana vene toga gaba refa, adina makai dudu bedakai yaku Sei di naivo naivo vima toto dudu moi dui reyadi.

Hebrew vene 13:21

ini ura rena reyaine, beika baika buni tau ya mago. Resi ka moimai ini nemokori bi ini uka moi ada rededi, bi mina uni uka ideri ka rego, Iesu Keriso dudu, kaere bi toga toga vabara maraine! Rama.

1 Peter 2:12

Yi reremama rededi tutubena idana vene di fogori bi kikifa dudu buni maka ameyaine, ye vegu no rededi vene kana no nigediri, yi reremama buni reyadi vei mama resi Sei di dego medari, ini roka moi odoro rigedi.

1 Peter 4:9

Ya kaya gaba rena ga ni kosika refa.

3 John 1:12

Amiye tau noibanu yaku niokudedi Demetrius bi vegu buni redo amiye, ma Sei di sina rama yaku ka makai nido. Una ka makai niokusifa, ma ya ya diba una yaku beika niokusifa bi rama.