1 Timothy 4:10 - Sei di Uka Ago Ruaka di Buka Bedakai

¹⁰ Adina mina dada esikari moimai regasa gera resifa, uni uka mokena bi vegu amedo Sei rofu aeyafa dada; ina bi amiye tau noibanu di moi vegu rina amiye, besa ka kaere mokena vari gira aededi vene di.

1 Timothy 4:10 ပူးပေါင်းရင်းမြစ်များ

Matthew 16:16

Ye Simon Peter nikabai resi niyo, “Ya bi Keriso, toga amedo Sei di mida.”

Matthew 27:43

Sei rofu mokena vari gira aedo; ferefo kumo Sei ina ura redo vonisi, bi gua moi vegu rigo. Adina ina yaku niyo, ‘Na bi Sei di mida!’ ”

John 1:29

Ari uveyori John yaku Iesu ina rofu baedo ma vesi niyo, “Sei di Mamoe mida mini, kaere yaku kono tora noibanu vene di vegu no erufudo!

John 4:42

Mina rema rofu yomakai niyadi, “Una bi mokena vari gira aeyafa, idu diya ya beika niyo dada; idu gua uniye neide mama resi diba niyafa rama iniye mina bi kono tora noibanu di moi vegu rina amiye.”

John 5:24

“Rama iniye ya nida: kaere nai ago neidesi na nifeideyo amiye rofu mokena vari gira aego, bi toga toga ameibobina vegu baku rego. Bi kota de rego, idu bi muyena feresi vegu rofu orefaro.

1 Corinth vene 15:10

Idu Sei di buni tora gade dudu, na gokai kana bi gua na mini, ma ini buni tora gade na rofu bi na mai tavoi de reyo. Ye nai moimai gira renari, ina vene tau noibanu ebu reyaka. Idu mina bi nai yeiva dudu de, idu bi Sei di buni tora gade nasa dada.

2 Corinth vene 1:10

Resi no tora iniye iniye una umuyegika reyo, mina una moi vegu riyo, ma una moi vegu rigo; ye dudusa una moi vegu ribigo, mina rofu uka mokena aesifa.

1 Timothy 2:3

Mina bi buni, ye makai Sei uni moi vegu rido amiye ada redo,

1 Timothy 2:4

kaere bi ura redo amiye tau noibanu moi vegu rigo ma rama diba ni vau regedi.

1 Timothy 2:6

Ina yaku amiye tau noibanu davana regika ini vegu maro; mina bi Sei di meda ramari ini nirorotari rena ida moi ogau rigo.

1 Timothy 3:15

Idu evade de bae negida vonisi, bi makai Sei di yavari gokai vegu rei mona reyagane diba nigiya; mina yava bi Sei vegu amedo di ekalesia vene, kaere bi ago rama di gado gira ma ini adina kana.

1 Timothy 6:17

Kamini mina gua medari, gugura tau nufa vene ago gira ma negiyagiya ga resi toga de amegedi gugura tau rofu, ini uka mokena ga aeyaganedi, idu Sei rofu aeyaganedi, kaere bi ada regika, beika baika di gugura tau gade una mado.

Hebrew vene 11:26

Kamini mokeyo Keriso fafau nifafana rena bi gugura tau nufa kana, Egypt gagani di gugura buni kana de, ini adina obini maina reyo.

Hebrew vene 13:13

Mina dada, ina rofu amiye amededi sana etofarori disi maena ina yaku are rei gira reyo, mina ka moibinadi.

1 Peter 1:21

Ina dudu mokena vari gira Sei rofu aededi, kaere bi muyenari gutuna moi dadi rae resi vabara maro, ye yi mokena vari gira aena ma yi uka mokena bi Sei fafau aededi mini.

1 John 2:2

Ma ina bi vegu no koite makuna di adina; una rofu maka de, idu kono tora noibanu di vene rofu ka.

1 John 4:14

Ma vesi niogau reyafa, Baba yaku kono tora noibanu di vene di moi vegu rina amiye nigi ini Mida nifeideyo.