1 Timothy 3:8 - Sei di Uka Ago Ruaka di Buka Bedakai

⁸ Dubu di naivo rededi vene ka bi vegu rorobo rena vene niyaganedi. Ina bi ofa ago nina, koru gira tau moina, ofa dudu moni moina udu vene ga niyaganedi.

1 Timothy 3:8 ပူးပေါင်းရင်းမြစ်များ

Rome vene 3:13

Ago ninari ini vena sau bi amiye guri ruba fafa rina de kana; ini afiye dudu eru rededi, gadeva aruma di gemiso no bi ini venari.

Philippi vene 1:1

Mina bura bi na Paul ma Timothy gutuna, kaere bi Iesu Keriso di moimai rei tavoi resifa vene — Sei di vene tau gade Iesu Keriso ideri kaere bi Philippi ri amededi, ekalesia vene di ourefeidena vene ma ini naivo rededi venesa rofu:

1 Timothy 3:12

Dubu di naivo rededi vene ini rema yokoi maka nufa amesi ini mida mida ma ini yava vene nari rei mona reyagane.

1 Timothy 3:2

Mina resi ina bi butigi yokoi de nufa ameyaine; bi rema yokoi maka rumana, mokena buni nufa amesi yuka vana nari reyaine; bi matagini rena amiye amesi yava ika vene afei dui resi oteimai mona reyaine.

1 Timothy 3:3

Ina bi koru gira tau gade irina amiye de ma ruda de amiye, idu ave nina amiye ameyaine; bi kayamo ga resi moni ura ga reyaine.

1 Timothy 5:23

Koru notoka ga iri, idu yi uka ma yi gauka gauka reisa dada, waini keika ka kuke nibi.

Titus 1:7

Mina ourefeidena amiye bi Sei di moimai rebigo, mina resi bi vegu no yokoi de resi iniye maka mokena de resi evade maka gubuyo de reyaine. Resi bi koru gira irina de, ruda rei tavoi de, ma ofa ofa dudu baku baku de reyaine amiye.

Titus 2:3

Mina kana, rema tora tora oteima bi beika rebigediri, ka Sei ina ura redo kana amebiyagane, bi amiye rofu nifafana rena de, o koru gira moke moke yaku ga ourefeideyagane, idu vegu buni regasa oteimabiyaganedi.

James 3:10

Buni tora gade mana ma nikiraini rena ago bi mina vena yokoi maka gutuna rausi redo. Nai usika ourena, mina kana bi ga vata niyaine!

1 Peter 5:2

Sei di vene yi fogori mamoe kana nari resi ourefeidefa, idu niguba bi ga refa, idu ini ura dada, Sei di ura ya fafau dada; ofa ofa dudu fore moina moimai ga refa, idu yi uka dadina dudu moimai refa.