1 Timothy 3:10 - Sei di Uka Ago Ruaka di Buka Bedakai

¹⁰ Kamini ini vegu siko maina regedi; resi butigi yokoi de nufa vonisi, bi dubu di naivo rededi vene kana moimai regedi.

1 Timothy 3:10 ပူးပေါင်းရင်းမြစ်များ

1 Corinth vene 1:8

Ina ka ya egira rego bogo ari metonari, ye uni Varika amiye Iesu Keriso di dena medari bi amiye yokoi ya ga ikimaraine.

Colossae vene 1:22

Idu gua ini roaita di muyena dudu, yasa auta reyo, kikifa, butigi yokoi de nufa ma vegu no nufa de ini nemokori ya afei baesi oteimagi dada.

1 Timothy 3:13

Adina kaere yaku dubu di naivo rededi vene kana naivo rei mona rededi, bi amiye bi ina rofu ne matagini rededi ma mokena vari gira Iesu Keriso rofu aena di mokena buni tora moidedi.

1 Timothy 3:2

Mina resi ina bi butigi yokoi de nufa ameyaine; bi rema yokoi maka rumana, mokena buni nufa amesi yuka vana nari reyaine; bi matagini rena amiye amesi yava ika vene afei dui resi oteimai mona reyaine.

1 Timothy 3:6

Ina bi ekalesia ruaka amiye kana ga ameyaine, iniye nivasina rego ma Bodaka kana, kotari keto rego baebu.

1 Timothy 5:22

Varika amiye di moimai dada, evade yokoi rofu yi vana ini ada fafau ga aesi yokoisa ini vegu no ga re; vegu no yokoi de nufa, ya kaya nari rei mona re.

1 John 4:1

Nai uka maida vene, vima tau rofu mokena vari gira ga aefa, idu vima ebene refa, mina bi Sei rofu ba ide, adina Sei di ago nidedi ofa vene tau tora ka bi kono tora noibanuri diyadi.