1 Timothy 2:4 - Sei di Uka Ago Ruaka di Buka Bedakai

⁴ kaere bi ura redo amiye tau noibanu moi vegu rigo ma rama diba ni vau regedi.

1 Timothy 2:4 ပူးပေါင်းရင်းမြစ်များ

Matthew 28:19

Mina dada, gagani gagani vene tauri disi nai usi dina vene risi Baba di roka, ini Mida di roka ma Vima kikifa di roka dudu babatiso refa.

Mark 16:15

Ma niyo, “Disi kono tora noibanuri, ago buni Sei yaku riyo vene tau gade rofu nirausi refa.

Luke 1:77

Ini vene oteimagiya ma Varika amiye yaku moi vegu rigo bi diba nigedi, ini vegu no koite makugo di.

Luke 14:23

Dada niyo, ‘Bogiya gagani ma muro di idari ni yeiva re kumo amiye afei dui regiya, ma nai yava vata baeyaine.

Luke 24:47

Dada Keriso di roka dudu vegu no feresi moi etagae rina ma vegu no koite makuna di ago ouresi Jerusalem gutuna gagani gagani vene tauri disi nirausi rei diga boga reyagane.

John 14:6

Ma nikabai reyo, “Na bi ida, ma ago rama, ma vegu. Amiye yokoi nai Baba rofu de bogo, idu na dudu maka.

John 17:17

Ago rama dudu ina vene moi akeke ri; yi ago bi rama.

John 6:37

Nai Baba yaku na maro vene tau vakoi bi na rofu baegedi, ma na rofu baegedi vene bi de meki regida de iniye.

Rome vene 11:14

Ye makai reyaka, nai Jew vene moi maunu rigi kumo Sei yaku bedakai moi vegu riyaine.

1 Timothy 4:10

Adina mina dada esikari moimai regasa gera resifa, uni uka mokena bi vegu amedo Sei rofu aeyafa dada; ina bi amiye tau noibanu di moi vegu rina amiye, besa ka kaere mokena vari gira aededi vene di.

2 Timothy 2:25

Ka bi ina rofu tourage rededi ave nina vegu rorobo reyaine, kamini Sei yaku vegu no feresi moi etagae rina vegu mago baeko, ye makai ago rama diba nigedi.

2 Timothy 3:7

Ina bi beika tau toga mokei karegika rededi, idu ago rama bi toga baku rena de rededi.

Titus 1:1

Na Paul, kaere bi Sei di moimai rei tavoi reida amiye, ma Iesu Keriso di nifeidena amiye mina bura reida. Mina reida dada, Sei yaku ini auba reyo vene bi ini mokena vari gira aesi sina rama di mokena moisi Sei ini mokena kana bi regedi. Ye toga toga ameibobina vegu di uka mokena moigifa, goina bi Sei, kaere ofa de nido, bi ari dobau sena nitore reyo.

Titus 2:11

Adina Sei di moi baeyo buni tora gade bi una moi vegu rido, mina bi amiye tau rofu ogau niyo.

Hebrew vene 10:26

Ini adina ago rama diba niyafa, ye gabi uni mokena dada toga vegu no ura regi rebigifa vonisi, ka bi vegu no rofu ori sisika rena yokoi de rego.

James 3:14

Idu yi ukari ya bi ru masiya maunu ma udu iniye nufa vonisi, bi ni-ika ga resi ago rama dada ofa ga nifa.

2 Peter 3:9

Varika amiye ini beika nitore reyo bi saka de rego, bedakai di mokena kana de. Idu ina bi ya dada kiya kiya nari redo, ini adina bi ura de iniye redo yokoi ga muyeyainedi, idu bi amiye tau gade yaku vegu no feresi moi etagae riyaganedi.

2 John 1:1

Mina bura bi dubu di ourefeidena amiye rofu. Auba reida rema, ini midasa, kaere rama iniye uka maida. Na maka de, idu amiye tau vakoi, kaere bi mina sina rama ina diba, ka uka ya madedi,

Niokuna sina 14:6

Kamini naivo naivo vima idana, odoro fururu regamo ma veyaka. Ina bi konori amededi vene rofu toga toga ameibobina ago buni niogau regi degamo, gagani gagani vene, rubu ma ago idana idana vene tau vanu rofu.