1 Timothy 1:18 - Sei di Uka Ago Ruaka di Buka Bedakai

¹⁸ Timothy nai mida, mina ago gira ya maraka bi Sei di ago senagi ya dada niyadi kana, ye makai no rofu ruda buni resi

1 Timothy 1:18 ပူးပေါင်းရင်းမြစ်များ

Moimai di vegu 16:1

Paul ka bi Derbe ma Lystra gagani dibo reyo. Mironari bi usi dina amiye yokoi roka Timothy amegamo. Ini nono bi mokena vari gira aena Jew rema, idu ini baba bi Greek amiye.

1 Corinth vene 4:17

Mina resi Timothy, kaere bi Varika amiye dudu, nai uka maida mida ma vegu rama redo amiye, ya rofu nifeideyaka; nai oteimana vegu gagani gagani tau noibanuri, dubu tau gaderi reida, Iesu Keriso dudu mina ya oteimago, ye mina dada mokegedi.

1 Corinth vene 9:7

Kaere amiye yaku ini fore dudu iya rena amiye kana naivo rego? Kaere yaku waini meko di muro varisi bi ini meko irina de rego? O kaere yaku boromakau o gouti dogo resi ini miruka be bi irina de rego?

Philippi vene 2:22

Ma ya ya diba, iniye ina gokai kana bi ya oteimaro; ina bi nasa ago buni nioku diyafa gogo, mida ini madinisa vakoi naivo rena kana.

1 Timothy 1:2

Timothy, mokena vari gira aenari nai mida rama iniye, ya rofu bura reida: Baba Sei ma Iesu Keriso uni Varika amiye yaku buni tora gade, iriyeduka ma uka amuta ya maragane.

1 Timothy 1:5

Idu mina ni mama rena ago di ida bi uka mana uka kino yokoi de nufa gutuna, uka di mokena buni iniye ma mokena vari gira aena rama mini.

1 Timothy 4:14

Sei ya rofu beika maro bi youfeidena ga re; mina bi ekalesia amiye tora tora yaku Sei di ago nina dudu, ini vana yi ada odoro aeyadiri bi ya maro.

1 Timothy 4:4

Adina beika baika tau gade Sei yaku riyo bi buni, ma beika baika bi buni tora gade mana dudu moina vonisi, bi ga makunadi.

1 Timothy 6:20

Timothy o, beika mokena vari gira aena dudu Sei ya maro, mina nari resi ada de kana moke moke, kayamo no ma ofa ago dudu nidedi bi “mokena vabara” mina egavoi re.

2 Timothy 1:2

Mina bi Timothy nai uka maida mida, ya rofu bura reida: Baba Sei ma Iesu Keriso uni Varika amiye di buni tora gade, iriyeduka ma uka amuta ya maragane.

2 Timothy 4:7

Na bi ruda buni ruda reyaka moi koina resi toga mokena vari gira aegamaka.

Titus 1:4

Titus, mina fefa bi ya rofu bura reida. Ya bi nai mida kana, adina ya bi nasa vakoi Sei rofu mokena vari gira aesifa. Sei uni Baba ma Iesu Keriso, kaere yaku bi uni Moi vegu rina amiye, yaku buni tora gade ma uka amuta ya maragane.

Philemon 1:10

Nai usa bi yomini: Onesimus rofu di, kaere bi dibura ideri amegamakari, nai mida kana niyo.