1 John 5:20 - Sei di Uka Ago Ruaka di Buka Bedakai

²⁰ Una una diba Sei di Mida bi dego ma vei mama rena, mina una maro, ye una diba amiye kaere bi rama iniye. Uni vegu bi mina amiye rama iniyesa amesifa—mina bi ini Mida Iesu Keriso sa. Ina bi Sei rama iniye, ma toga toga ameibobina vegu.

1 John 5:20 ပူးပေါင်းရင်းမြစ်များ

Matthew 13:11

Ma nikabai reyo, “Sei di ourefeidena amena sana omari di sui ago diba nigika bi ya maro, idu ina vene bi de.

Luke 21:15

adina na yaku ago ma mokena tora ya magida. Ye yi tuma vene tau bi yi ago kebi rina anua regedi.

Luke 24:45

Dada Sei di agori beika bura reyadi vei mama reyaganedi ini mokena moi vabara risi

John 1:18

Yokoi yaku Sei vena de, de iniye, idu ini Baba di eta rofu amedo amiye yaku una fafau Sei yokoi maka moi ogau riyo.

John 10:30

Nai Baba nasa bi yokoi maka.”

John 14:20

Mirona medari ya yaku diba nigedi na bi nai Baba ideri, ma ya bi na ideri ma na bi ya ideri.

John 14:23

Ma nikabai reyo, “Amiye yokoi na uka mado vonisi, bi nai ago neidego ma nai Baba yaku uka mago, ma ina rofu desi uni amena sana inasa rigifa.

John 14:6

Ma nikabai reyo, “Na bi ida, ma ago rama, ma vegu. Amiye yokoi nai Baba rofu de bogo, idu na dudu maka.

John 14:9

Ma nikabai reyo: “Philip, yasa ari doba amei baegamaka idu toga na toto ba? Kaere na veyo amiye bi nai Baba ka veyo. Gokai resi nisa, ‘Baba una oteima’?

John 15:4

Nai ideri amefa, yi ideri ameida kana. Ye kai rena teteka waini meko di yabo ideri de amedo vonisi, bi inaike meko varegi anua rego, ma ya makai nai ideri de amededi vonisi, ya bi vegu buni de regedi.

John 17:14

Yi ago ina vene maraka, idu kono vene yaku ina vene gubuyo reyadi, adina bi diya kono di, na ka diya kono di kana.

John 17:25

Baba e, ya mokena rorobo amiye, mina kono vene ina ka toto ya, idu na na diba ya, ma mina vene diba ya yaku na nifeideyo.

John 17:3

Ma toga toga ameibobina vegu bi mini: ye amiye yaku ya Sei rama maka ma Iesu Keriso kaere nifeideyo, ya remanu diba nidedi.

John 20:28

Ye niyo, “Nai Varika amiye ma nai Sei!”

John 8:42

Ma niyo, “Sei bi yi Baba vonisi, bi na rofu uka maragadu, adina na Sei rofu deyaka ma gua na mini. Naike nai vava dudu soka de reyaka, idu na nifeideyo.

Moimai di vegu 20:28

Ye ya kaya nari rei mona refo, ma mamoe tau vakoi kaere Vima kikifa yaku sena yi vanari aeyo, mina ka nari rei mona refo. Sei di ekalesia vene rofu nari rena vene nifo, adina Sei yaku ini Mida di dava dudu ina vene moisi iniye di ini riyo.

Rome vene 9:5

Ini tutubena bi roka tora nufa vene, ma Keriso ina vene rofu vata niyo, kaere bi beika baika tau noibanu odoro di Sei ma toga toga buni tora gade mado! Rama.

1 Corinth vene 1:30

Idu Sei dada, Iesu Keriso sa, vegu amededi, ina kaere bi Sei yaku uni mokena vabara, mokena rorobo, moi akeke rina ma vegu no di voi rena kana riyo.

2 Corinth vene 4:6

Adina Sei kaere yomakai niyo, “Vabara yaku mukunari kikiyaine!” ina yaku uni uka ideri vabara moi kikiyo, mina bi Iesu Keriso di seirari, Sei di vabara diba nina di vabara kikigi maro.

2 Corinth vene 5:17

Mina dada amiye yokoi Keriso sa kake rigo vonisi, bi amiye ruaka Sei yaku riyo. Vegu kori bi tatava niyo; va vefa, amiye bi ruaka niyo!

Ephesus vene 3:18

Resi Sei di vene tau noibanu vakoisa ya vene yaku ini uka mana di rafo, doba, odoro ma moka, mina diba ni vau resi

Philippi vene 3:9

inasa gobuno regida; na kaya nai mokena rorobo ago gira dudu moina de, idu Keriso rofu mokena vari gira aena di baeyo. Ma mina bi Sei di mokena rorobo bi mokena vari gira aena fafau are redo.

1 Timothy 3:16

Ye Sei di sui ago bi tora yo nisifa: Amiye di roaita dudu ogau niyo, ma Vima yaku ina bi rama mina nioteimaro, ma Sei di naivo naivo vima yaku veyadi. Gagani gagani di vene di fogori ago nirausi reyadi, ma kono tora noibanu vene mokena vari gira ina rofu aeyadi, ma vabara dudu omari afei boyo.

Titus 2:13

Uni isivaga iniye Sei ma Moi vegu rina amiye Iesu Keriso di vabara ogau nigo, bi mina ada rena meda uka mokena aena nari resifa,

Hebrew vene 1:8

Idu ini Mida fafau yomakai niyo: “Sei, yi ourefeidena amena fata toga toga ameibobigo! Yi mokena rorobo dudu ourefeidenari, mina bi yi ourefeidena amena sana di vava.

1 John 2:23

Kaere amiye yaku Mida etofa redo bi Babasa de amedo, ma kaere amiye yaku Mida niogau redo, bi Babasa ka amedo.

1 John 2:24

Beika sina ini adinari gutuna neideyadi, bi yi uka ideri amebiyainedi. Mina ini adinari gutuna neideyadi sina yasa amego vonisi, ya ka Mida ma Babasa amebigedi.

1 John 2:6

kaere yaku nigo bi Sei sa amedo vo nido, bi Iesu Keriso vegu amegamo kana vegu amebiyaine.

1 John 4:14

Ma vesi niogau reyafa, Baba yaku kono tora noibanu di vene di moi vegu rina amiye nigi ini Mida nifeideyo.

1 John 4:16

Mina ye, Sei una uka mado, mina una una diba ma ina rofu mokena vari gira aesifa. Sei bi uka mana amiye, ma kaere amiye uka manasa amedo, bi Sei sa amedo ma ina ka inasa amedo.

1 John 4:2

Mina gokai dudu Sei di Vima ya ya diba nigedi: goina vima bi Iesu Keriso bi roaita nufa deyo vo niokugo, bi Sei rofu,

1 John 5:1

Kaere amiye Iesu bi Keriso rofu mokena vari gira aego, bi Sei di mida kana vata niyo, ma kaere amiye yaku Baba uka mago, bi ini odiyo mida ka uka mago.

1 John 5:15

Ma uni beika baika usa nigifa ma neidego mina diba vonisi, una diba una mago, beika ina rofu usa nigifa mina.

1 John 5:18

Una diba kaere Sei rofu vata niyo, bi vegu no toga de rebigo, adina bi ini odiyo mida nari redo, ye amiye no yaku avaka de moigo.

1 John 5:5

Kaere amiye bi kono tora noibanu di vegu ebu rego? Amiye yokoi mokena vari gira Iesu bi Sei di mida rofu aego mina maka.

Niokuna sina 15:3

Resi Sei di moimai rei tavoi reyo amiye Moses di yauta ma Mamoe mida di yauta nigamadi: “Yeiva iniye Varika amiye Sei, yi reremama bi tora ma moi tururu rena! Gagani gagani di Kini, yi nana rena ida bi rorobo ma rama!

Niokuna sina 19:11

Mina usi oma ekeyo ma veyaka, ye minari bi hosi feyo. Ini keu riyo amiye ini roka bi Vegu rama rena ma Rama. Mokena rorobo dudu kota resi iya redo.

Niokuna sina 3:14

“Laodicea ekalesia vene di naivo naivo vima rofu bura re: “Mina bi Ago rama, vegu rama resi ninegau redo amiye rama ma Sei yaku beika baika tau gade riyo, di ourefeidena amiye di sina.

Niokuna sina 3:7

“Philadelphia ekalesia vene di naivo naivo vima rofu bura re: “Mina bi kikifa ma rama amiye, kaere bi David di ida vena ki nufa amiye, ekeyo ye amiye yokoi biri de rigo, ma biri riyo, ye yokoi eboka de rego, mina amiye di sina.

Niokuna sina 6:10

Ye goroka tora dudu raka niyadi, “Ourefeidena Varika amiye, kikifa ma rama, goivaka ramari kumo ya yaku mina kono vene, kaere una umuyeyadi ini kota resi ini obini magiya?”