1 John 5:10 - Sei di Uka Ago Ruaka di Buka Bedakai

¹⁰ Kaere amiye yaku Sei di Mida rofu mokena vari gira aedo, bi mina niokuna ago ini uka mekori amedo. Ma kaere amiye yaku Sei rofu mokena vari gira de aedo, bi iniye moi ofa ofa amiye rido, adina Sei yaku ini Mida ago niokuyo bi mokena vari gira de aedo.

1 John 5:10 ပူးပေါင်းရင်းမြစ်များ

John 3:16

Adina Sei yaku konori amededi vene besa uka maro, ye ini Mida yokoi maka maro, ye kaere ina rofu mokena vari gira aego, bi de muyego idu toga toga ameibobina vegu baku rego dada.

John 3:18

Kaere ina rofu mokena vari gira aedo bi kota de rego, idu kaere yaku mokena vari gira de aedo bi sena kota reyo, adina bi Sei di mida yokoi maka di roka rofu mokena vari gira de aeyo.

John 3:33

Idu kaere ini niokuna ago neidedo, makai nido Sei bi rama iniye.

John 5:38

Ma ini ago ka yi uka ideri amena de redo, ini adina nifeideyo amiye rofu mokena vari gira de aededi.

Rome vene 8:16

Vima iniye yaku uni vimasa ninegau resifa una bi Sei di mida mida.

Galatia vene 4:1

Adina gua nida—biyaguna nigo amiye mida keikari, bi moimai rei tavoi redo amiye kana dada, idu beika baika tau gade bi ini.

Galatia vene 4:6

Adina ya bi ini mida mida dada, Sei yaku ini Mida di Vima uni ukari nifeideyo ma raka nido, “Baba, nai Madini.”

Colossae vene 3:3

Adina ya bi muyeyadi ma yi vegu bi Keriso sa Sei ideri sui niyo.

Hebrew vene 3:12

Usika ourena, vei mona refo, uka no mokena vari gira de aena yi ideri amego baebu, ye ameibobigo Sei gutuna yarena rofu ya ourefeidego dada.

2 Peter 1:19

Ye una bi besa mokena buni nufa: mina bi Sei di ago nidedi vene di sina. Ya bi rei mona resi neidefo, adina ramefa vabara mukunari vaido kana, bogo ari korona di Magai di vabara yaku yi uka mekori dadigo mamo.

1 John 1:10

Una yaku nisifa bi vegu no de reyafa vonisi, bi Sei moi ofa ofa amiye kana aesifa, ma ini ago bi unasa de.

1 John 5:1

Kaere amiye Iesu bi Keriso rofu mokena vari gira aego, bi Sei di mida kana vata niyo, ma kaere amiye yaku Baba uka mago, bi ini odiyo mida ka uka mago.

Niokuna sina 12:17

Ye siya rema rofu gubuyo resi ini mida mida rofu ruda regi diyo; mina bi kaere Sei di ago gira neidesi Iesu di niokuna ago moi gira ridedi.

Niokuna sina 2:17

“Kaere anema nufa amiye bi beika Vima kikifa yaku ekalesia vene rofu nido bi neideyaine! “Ebu redo amiye rofu sui nina manna bedakai magida. Fore feyo fafau roka ruaka bura reyo mina ka magida; amiye yokoi toto, kaere moiyo ina maka ina diba.

Niokuna sina 2:28

mina bi nai Baba gutuna vava moiyaka kana. Na yaku ka uriyaku Magai magida.